အကောင်းဆုံးရလဒ်နဲ့ အမြန်ဆုံးပြန်လည်သက်သာမှုကိုပေးစွမ်းတဲ့ မှန်ပြောင်းခွဲစိတ်ကုသခြင်း (Laparoscopic Surgery)

• Laparoscopic Surgery ခေါ် ကိရိယာသုံးခွဲစိတ်ကုသမှုဟာ ထိုးဖောက်မှုအ နည်းဆုံး ခွဲစိတ်ကုသမှု(MIS) တစ်ခုဖြစ်ပြီး လူနာရဲ့ဝမ်းဗိုက်မှာ (၀.၅) စင်တီ မီတာကနေ (၁) စင်တီမီတာလောက်သာသေးငယ်တဲ့ ခွဲစိတ်ရာ (၂)ခု-(၄)ခု လောက်သာ ပြုလုပ်ရတာကြောင့် အများစုက လက်ခံလာကြကာ အကျိုးထိရောက်မှုလည်း မြင့်မားပါတယ်။
• Laparoscopic Surgery ရဲ့ အားသာချက်များအနေနဲ့ ပြန်လာသက်သာလာတဲ့ အချိန်အတွင်း နာကျင်မှုမခံစားရခြင်း၊ သွေးထွက်နည်းခြင်း၊ အနီးအနား ရှိဆက်စပ် ကိုယ်အင်္ဂါအစိတ်အပိုင်းများကို ထိခိုက်မှုနည်းခြင်း၊ နောက်ဆက်တွဲ ဖြစ်နိုင်ခြေပြဿနာများကို လျှော့ချနိုင်ခြင်း စတာတွေပဲ ဖြစ်ပါတယ်။ လူနာအနေ နဲ့ ခွဲစိတ်ကုသမှုအပြီး ပိုမိုမြန်ဆန်စွာသက်သာကောင်းမွန်လာပြီး သူတို့ရဲ့ နေ့စဉ်လုပ်ငန်းဆောင်တာများကိုလည်း အချိန်တိုအတွင်း ပြန်ပြီး လုပ်ဆောင်နိုင် မှာဖြစ်ပါတယ်။
• ဒါပေမယ့်လည်း Laparoscopic Surgery နဲ့ ကုသတော့မယ်ဆိုရင် လူနာ မှာဖြစ်လာနိုင်တဲ့ ဆိုးကျိုးအန္တရာယ်ကို လျှော့ချနိုင်ဖို့အတွက် သက်ဆိုင်ရာ နယ်ပယ်မှာ ဝါရင့် အတွေ့အကြုံရှိတဲ့ ကျွမ်းကျင်ခွဲစိတ်ဆရာဝန်များနဲ့သာ လုပ် ဆောင်သင့်ပါတယ်။ နောက်တစ်ချက်ကတော့ ဒီခွဲစိတ်ကုသမှုနည်းပညာဟာ လူနာနဲ့ အံဝင်ခွင်ကျဖြစ်မှုအပေါ်သက်ရောက်စေတဲ့ အချက်များကြောင့် ဒီ နည်းပညာနဲ့ ကုသဖို့ကို သက်ဆိုင်ရာ ကုသမှုဦးဆောင်ဆရာဝန်များရဲ့ ဆုံးဖြတ်ချက် အတိုင်းသာပြုလုပ်ရမှာဖြစ်ပါတယ်။

Laparoscopic Surgery ဟာ လူနာရဲ့ ဗိုက်မှာ အပေါက်သေးသေးလေးဖောက်ပြီး   သေးငယ်တဲ့ကင်မရာနဲ့အတူ Laparoscope လို့ခေါ်တဲ့ ကိရိယာကိုထည့်သွင်းကာ အတွင်းဘက်ရှိ ကိုယ်ခန္ဓာအစိတ်အပိုင်းများကို ကြည့်ရှုစစ်ဆေးတာဖြစ်ပါတယ်။ ထိုးဖောက်မှုအနည်းဆုံးခွဲစိတ်ကုသမှု(MIS)တစ်ခုဖြစ်တာနဲ့အညီ အမာရွတ်၊ နာကျင်မှုနဲ့ သွေးဆုံးရှုံးမှု ကို လျှော့ချနိုင်ခြင်း၊ အနီးအနား ရှိဆက်စပ် ကိုယ်အင်္ဂါ အစိတ်အပိုင်းများကို ထိခိုက်မှုနည်းခြင်း၊ နောက်ဆက်တွဲ ဖြစ်နိုင်ခြေပြဿနာများကို လျှော့ချနိုင်ခြင်း စတဲ့ အားသာချက်တွေရှိပါတယ်။ သမားရိုးကျ ဗိုက်ခွဲရတဲ့ ခွဲစိတ်ကုသ မှုများနဲ့ ယှဉ်ရင် လူနာအနေနဲ့ ခွဲစိတ်ကုသမှုအပြီး ပိုမိုမြန်ဆန်စွာသက်သာ ကောင်းမွန် လာပြီး သူတို့ရဲ့ နေ့စဉ်လုပ်ငန်းဆောင်တာ များကိုလည်း အချိန်တိုအတွင်း ပြန်ပြီး လုပ်ဆောင်နိုင် မှာဖြစ်ပါတယ်။

ဒါပေမယ့်လည်း Laparoscopic Surgery နဲ့ ကုသတော့မယ်ဆိုရင် လူနာ မှာဖြစ်လာနိုင်တဲ့ ဆိုးကျိုးအန္တရာယ်ကို လျှော့ချနိုင်ဖို့အတွက် သက်ဆိုင်ရာ နယ်ပယ်မှာ ဝါရင့် အတွေ့အကြုံရှိတဲ့ ကျွမ်းကျင်ခွဲစိတ်ဆရာဝန်များနဲ့သာ လုပ် ဆောင်သင့်ပါတယ်။ နောက်တစ်ချက်ကတော့ ဒီခွဲစိတ်ကုသမှုနည်းပညာဟာ လူနာနဲ့ အံဝင်ခွင်ကျဖြစ်မှုအပေါ်သက်ရောက်စေတဲ့ အချက်များကြောင့် ဒီ နည်းပညာနဲ့ ကုသဖို့ကို သက်ဆိုင်ရာ ကုသမှုဦးဆောင်ဆရာဝန်များရဲ့ ဆုံးဖြတ်ချက် အတိုင်းသာပြုလုပ်ရမှာဖြစ်ပါတယ်။

• မှန်ပြောင်းဖြင့်သည်းခြေအိတ်ခွဲစိတ်ကုသခြင်း (Laparoscopic Cholecystectomy)
  လူနာရဲ့ သည်းခြေအိတ်ကို ဖယ်ရှားပစ်တဲ့ ခွဲစိတ်ကုသမှုဖြစ်ပြီး လက်ရှိမှာတော့ သည်းခြေကျောက် ကုသရာမှာ ကျယ်ကျယ်ပြန့်ပြန့်အသုံးပြုလျက်ရှိပါတယ်။ တခြားထည့်သွင်းစဉ်းစားရမယ့် အချက်တွေလည်း ရှိနေပါသေးတယ်။ သည်းခြေအိတ်ကိုခွဲပြီး သည်းခြေကျောက် တွေကို ဖယ်ရှားဖို့ အကြံမပေးလိုပါဘူး။ ဘာလို့လဲဆိုတော့ သည်းခြေကျောက် အသစ်တွေ နောက်တစ်ကြိမ်ပြန်ပြီး တည် လာနိုင်လို့ပါ။  မှန်ပြောင်းဖြင့်သည်းခြေအိတ်ခွဲစိတ်ကုသခြင်း (Laparoscopic Cholecystectomy)  ဟာ ထိုးဖောက်မှုအနည်းဆုံးခွဲစိတ်ကုသမှု(MIS) ရဲ့ ထုံးစံအတိုင်းတခြားသော ကောင်းကျိုးတွေလည်းရှိတာကြောင့် သည်းခြေ ကျောက်ကိုကုသဖို့ အထိရောက်ဆုံးနဲ့ အကျိုး အရှိဆုံး နည်းလမ်းတစ်ခု လို့ဆိုရမှာပါ။
  ဒီနည်းလမ်းနဲ့ ခွဲစိတ်ကုသမှုခံယူသူများဟာ နာကျင်မှုအများကြီးလျော့နည်းတဲ့ အပြင် သမားရိုးကျ ဗိုက်ကိုခွဲတဲ့ ခွဲစိတ်မှုများထက်စာရင် နောက်ဆက်တွဲပြဿ နာ တွေလည်း နည်းပါးပါတယ်။ မှန်ပြောင်းဖြင့်ခွဲစိတ်ကုသမှု လုပ်ဆောင်နေစဉ် အတွင်း ယခင်ကလူနာမှာ မတွေ့ရှိခဲ့ရတဲ့ သည်းခြေအိတ်ရောင်ခြင်း (Cholecystitis)၊ သည်းခြေအိတ်ပတ်လည်ရှိ အမြှေးအလွှာများအပြင် ခွဲစိတ်မှုရဲ့ အကျိုးသက်ရောက်မှုကိုထိခိုက်စေပြီး ခွဲစိတ်ဆရာဝန်များအတွက် သမားရိုးကျ ဗိုက်ခွဲရတဲ့ ခွဲစိတ်မှုအဖြစ်ပြောင်းလဲကုသဖို့လိုအပ်စေတဲ့ ဆက်စပ်ပြဿနာများ ကိုလည်း ရှာဖွေတွေ့ရှိနိုင်မှာဖြစ်ပါတယ်။ ဒါပေမယ့် အရေးအကြီးဆုံးတစ်ချက် ကတော့ ကုသမှုကိုဦးဆောင်တဲ့ ဆရာဝန်ရဲ့ ဆုံးဖြတ်ချက်နဲ့သာ လုပ်ဆောင်ဖို့ ဖြစ်ပါတယ်။
   
• မှန်ပြောင်းဖြင့် အူအတက်ခွဲစိတ်ကုသမှု (Laparoscopic appendectomy)
  ဒီနည်းလမ်းကတော့ ရောင်နေတဲ့ အူအတက် ကို ဗိုက်ကနေ တစ်ဆင့်ဖောက်ပြီး ဖယ်ရှားပစ်တဲ့ ခွဲစိတ်ကုသမှုဖြစ်ပါတယ်။ ဒါဟာ ထိုးဖောက်မှု အနည်းဆုံးခွဲစိတ်ကုသမှု (MIS) တစ်ခုဖြစ်ကာ ခွဲစိတ်မှုအပြီး နောက်ဆက်တွဲ ဖြစ်နိုင်ခြေပြဿနာ များကို လျှော့ချနိုင်တာကြောင့် လျှင်မြန်စွာပြန်လည်သက် သာပြီး နေ့စဉ်လုပ်ငန်းဆောင်တာများကို အချိန်တိုအတွင်း ပြန်လည် လုပ်ဆောင်နိုင်ခြင်းအပါအဝင် အားသာချက်တွေအများကြီးရှိပါတယ်။ ဒါပေမယ့် လည်း ဒီနည်းလမ်းနဲ့ပတ်သက်ပြီး ကန့်သတ်ချက်တချို့ ရှိနေပါသေးတယ်။ အူအတက်ရောင်ခြင်းက ပြင်းထန်တဲ့အခြေအနေ (သို့) အနီးအနားရှိ အင်္ဂါ အစိတ်အပိုင်းများဆီပါ ရောဂါပိုးဝင်ရောက်နေတယ်ဆိုရင် ဒီနည်းလမ်းနဲ့ ကုသဖို့ မသင့်တော်ပါဘူး။ ဒါ့အပြင် Laparoscopic Surgery နဲ့ ကုသတော့မယ်ဆိုရင် လူနာ မှာဖြစ်လာနိုင်တဲ့ ဆိုးကျိုးအန္တရာယ်ကို လျှော့ချနိုင်ဖို့အတွက် သက်ဆိုင်ရာ နယ်ပယ်မှာ ဝါရင့် အတွေ့အကြုံရှိတဲ့ ကျွမ်းကျင်ခွဲစိတ်ဆရာဝန်များနဲ့သာ လုပ် ဆောင်သင့်ပါတယ်။
   
• မှန်ပြောင်းဖြင့် အူကျွံခြင်းကိုခွဲစိတ်ကုသခြင်း (Laparoscopic hernioplasty)
   အူကျွံခြင်း, ကိုကုသဖို့အသုံးပြုတဲ့ Laparoscopic Surgery နည်းလမ်းတစ်ခုဖြစ်ပါ တယ်။ လူနာရဲ့ဗိုက်မှာ သေးငယ်တဲ့အပေါက်တစ်ခုဖောက်ကာ မှန်ပြောင်း နဲ့ တခြား ကိရိယာကိုထည့်သွင်းပြီး အူကျွံခြင်းကို ကုသတာဖြစ်ပါတယ်။ ခွဲစိတ်မှု ပြီးတာနဲ့ ခွဲစိတ်ဆရာဝန်မှ ခွဲစိတ်ရာအပေါ်မှာ ဇကာ(Mesh) အုပ်လိုက်ပြီး ဝမ်းဗိုက်နေရာတစ်ဝိုက်ခိုင်မြဲစေဖို့ တွဲချုပ်လိုက်မှာဖြစ်ပါတယ်။
   
• မှန်ပြောင်းဖြင့် အူမကြီးခွဲစိတ်ကုသခြင်း
  အူမကြီးရဲ့တချို့အစိတ်အပိုင်း (သို့) အူမကြီးတစ်ခုလုံးကို ဖယ်ရှားရာမှာအသုံး ပြုတဲ့ နည်းလမ်း ဖြစ်ပါတယ်။ ဒီနည်းလမ်းကို အူမကြီးကင်ဆာ၊ ဝမ်းပိတ်ခြင်း၊ နာတာရှည်အူမကြီးရောင်ခြင်း(Chronic Ulcerative Collitis) စတဲ့ အူမကြီးဆိုင်ရာ ရောဂါပြဿနာများကို ကုသရာမှာအသုံးပြုပါတယ်။ ခွဲစိတ်ဆရာဝန်များက ဝမ်းဗိုက်မှာ (၀.၅)-(၁) စင်တီမီတာလောက်သာရှိတဲ့ အပေါက် ဖောက်လိုက်မှာဖြစ်ပြီး ၎င်းမှတစ်ဆင့် မှန်ပြောင်း နဲ့ တခြား ကိရိယာ ကိုထည့်သွင်းပြီး ခွဲစိတ်မှုကိုလုပ်ဆောင်မှာဖြစ်ပါတယ်။
   
• မှန်ပြောင်းဖြင့် အချွဲအကျိများကိုဖယ်ရှားခြင်း (Laparoscopic lysis of adhesion)
  စအိုခွဲစိတ်ခြင်း၊ သားအိမ်ထုတ်ခြင်း(Hysterectomy) အပါအဝင် တချို့သော ခွဲစိတ်ကုသမှုများ လုပ်ဆောင်တဲ့အခါမှာ အချွဲအကျိတွေ ဖြစ်ပေါ်နိုင်ပါတယ်။ အချွဲအကျိ ဆိုတာဟာ ကိုယ်တွင်းအင်္ဂါအစိတ်အပိုင်းများတစ်ဝိုက်မှာဖြစ်ပေါ်တဲ့ အမြှေးအလွှာများဖြစ်ပါတယ်။ အမျှင်ပုံသဏ္ဍာန် (သို့) အလွှာလိုက်ဖြစ်နေတဲ့ အမြှေးလွှာများဟာ ဝမ်းဗိုက်အတွင်း (သို့) အူများကြားထဲမှာ  အချွဲအကျိ များကိုဖြစ်စေပြီး နောက်ဆက်တွဲအနေနဲ့ ဖြစ်ပေါ်တဲ့နေရာမှာ ရောင်ရမ်းနာကျင် ခြင်းကို ဖြစ်စေပါတယ်။ ဒီလိုမျိုး Laparoscopic Surgery ဟာ အဆိုပါ အမြှေးလွှာများကို ဖယ်ရှားပေးပြီး ၎င်းနဲ့ ဆက်စပ်နေတဲ့ နာကျင်မှုတွေကိုလည်း သက်သာပျောက်ကင်းစေပါတယ်။
   
• မှန်ပြောင်းဖြင့် အစာအိမ်ခွဲစိတ်ကုသခြင်း (Laparoscopic gastrectomy)
  အစာအိမ်ရဲ့ တစ်စိတ်တစ်ပိုင်းအားဖြင့်ဖြစ်စေ အစာအိမ်တစ်ခုလုံးကိုဖြစ်စေ ခွဲစိတ်ဖယ်ရှားရာမှာ ဒီနည်းလမ်းကိုအသုံးပြုပါတယ်။ Laparoscopic Surgery ကို အစာအိမ်ကင်ဆာ (သို့) အစာအိမ်ပေါက်ခြင်း ကုသရာမှာ အသုံးပြုနိုင်ပါ တယ်။ ဒီနည်းလမ်းနဲ့ကုသခြင်းဟာ ထိရောက်မှုမြင့်မားပြီး နောက်ဆက်တွဲ ပြဿနာဖြစ်နိုင်ခြေများကို လျှော့ချနိုင်ခြင်း၊ သာမန်မျက်စိနဲ့မမြင်နိုင်တဲ့ အမာရွတ်ကျန်ခြင်း စတဲ့ အားသာချက်တွေရှိပါတယ်။
   
• မှန်ပြောင်းဖြင့် မီးယပ်ရောဂါများကိုခွဲစိတ်ကုသခြင်း Laparoscopic gynecologic surgery
  ဒီနည်းလမ်းဟာ မီးယပ်ဆိုင်ရာရောဂါပြဿနာများကို ထိရောက်မှုမြင့်မားစွာနဲ့ အကျိုးသက်ရောက်မှုများစွာ ရှိစေတဲ့ ခွဲစိတ်ကုသမှုနည်းလမ်းတစ်ခုဖြစ်ပါတယ်။ Laparoscope ကို လူနာရဲ့ဝမ်းဗိုက်ကနေတစ်ဆင့်ထည့်သွင်းပြီး တင်ပါးဆုံ နေရာတစ်ဝိုက်မှာရှိတဲ့ မီးယပ်ဆိုင်ရာရောဂါများကို ရှာဖွေခြင်းနဲ့ ကုသခြင်း များ ပြုလုပ်ပေးနိုင်ပါတယ်။ ဒီကုသမှုနည်းလမ်းနဲ့ လုပ်ဆောင်သင့်တဲ့ ရောဂါပြဿနာ များကတော့ -
  • မ  မျိုးဥအရည်အိတ်အမျိုးမျိုး
  • သားအိမ်အလုံးတည်ခြင်း
  • သားအိမ်အတွင်းလွှာတစ်ရှူးသည်သားအိမ်အပြင်ဘက်ရောက်နေခြင်း
  • တင်ပါးဆုံနေရာရှိတစ်ရှူးများ
  • ကနဦးအဆင့်သားအိမ်အတွင်းဆုံးလွှာကင်ဆာ
  • ကနဦးအဆင့် သားအိမ်ကင်ဆာ
  • သားကြောဖြတ်ခြင်း
  • သားအိမ်အပြင်ဘက်တွင် သန္ဓေသားတည်ခြင်း
  • အကြောင်းအရင်းမရှိတင်ပါးဆုံနာကျင်ခြင်းကိုရောဂါရှာဖွေခြင်းနှင့်ကုသခြင်း
  • သားသမီးမရနိုင်ခြင်းကိုဖြစ်စေတဲ့အကြောင်းအရင်းများကိုရှာဖွေခြင်း နှင့် မ မျိုးဥ ဆိုင်ရာရောဂါများကိုရှာဖွေခြင်း
     
• အမာရွတ်မကျန်ဘဲသဘာဝအတိုင်းဖြစ်စေတဲ့ NOTES နည်းပညာ
  NOTES နည်းပညာဟာ Laparoscopic နည်းပညာများကိုအသုံးပြုပြီး နောက်တစ်ဆင့် တိုးတက်အောင်ပြုလုပ်ထားတဲ့ ခွဲစိတ်ကုသမှုနည်းလမ်းတစ်ခု ဖြစ်ပါတယ်။ ဒီနည်းလမ်းဟာ ပါးစပ်၊ စအို၊ အမျိုးသမီးအင်္ဂါ စတဲ့ ခန္ဓာကိုယ် သဘာဝအပေါက် တစ်ခုကနေ Laparoscope ကို ထည့်သွင်းလိုက်တာဖြစ်ပါ တယ်။ ဒါဟာ ခန္ဓာကိုယ်ပေါ်မှာ အပေါက်မဖောက်ချင်တဲ့ လူနာနဲ့ ဆရာဝန်များ အတွက် ကောင်းမွန်တဲ့ ရွေးချယ်မှုတစ်ခုဖြစ်ပါတယ်။  NOTES နည်းပညာရဲ့ သာဓက တစ်ခုအနေနဲ့ကတော့ အမျိုးသမီးအင်္ဂါ (Vagina) ကနေ ထည့်သွင်းပြီး တင်ပါးဆုံးနေရာတစ်ဝိုက်မှာ ခွဲစိတ်မှု ပြုလုပ် တာဖြစ်ပါတယ်။ ခန္ဓာကိုယ်မှာ သဘာဝအတိုင်းပါတဲ့ အပေါက်ကနေတစ်ဆင့် ထည့်သွင်းရာမှာ အရွယ်အစားသေးငယ်တဲ့ Laparoscope နဲ့ တခြား ကိရိယာ ကို အသုံးပြုရပါတယ်။ ခွဲစိတ်ကုသတဲ့အခါမှာ ခန္ဓာကိုယ်မှာ သဘာဝအတိုင်း ပါတဲ့ အပေါက်ကနေပဲ ထည့်သွင်းတာကြောင့် လူနာအနေနဲ့ ပြင်ပဒဏ်ရာ (သို့) ပြင်ပ အမှတ်အသား ဘာတစ်ခုမှ ကျန်နေမှာမဟုတ်ပါဘူး။ ဒါကြောင့် ခွဲစိတ်မှု အပြီး ဗိုက်မှာ ခွဲစိတ်ရကျန်နေမှာကို စိုးရိမ်တဲ့ လူနာများအတွက် ဒီအချက်ဟာ စိတ်ဝင်စားစရာကောင်းတဲ့ အချက်ဖြစ်ပါတယ် ဒီနည်းလမ်းကိုရွေးချယ်တဲ့ လူနာများအနေနဲ့ ကြုံတွေ့ရနိုင်တာဆိုလို့ ခါးအနည်း ငယ်နာခြင်းပဲရှိပါတယ်။ ဒါဟာလည်း တခြားသော Laparoscopic Surgery များမှာကြုံတွေ့နိုင်တာထက်တောင် နာကျင်မှု နည်းပါတယ်။ ဒီနည်းလမ်းဟာ ပြန်လည်သက်သာလာချိန်လည်း ပိုမြန်ပါတယ်။ ဒါပေမယ့် ဒီနည်းလမ်းမှာလည်း ကန့်သတ်ချက်တချို့ ရှိနေပြန်ပါတယ်။ ဒါကြောင့် လူနာတစ်ဦး ချင်းစီရဲ့လိုအပ်မှုနဲ့ အသင့်တော်ဆုံးနည်းလမ်းကို ဦးဆောင် ဆရာဝန်က သေချာကြည့်ရှုစစ်ဆေးပြီး ဘယ်နည်းလမ်းနဲ့ ကုသရမလဲဆိုတာကို လည်း ၎င်းဆရာဝန်ကပဲ ဆုံးဖြတ်ပေးရမှာဖြစ်ပါတယ်။
  
  မီးယပ်ဆိုင်ရာရောဂါများနဲ့ပတ်သက်ရင် ဒီခွဲစိတ်ကုသမှုနည်းလမ်းဟာ တချို့ သောသားအိမ် အလုံးတည်ခြင်းများ၊ တချို့ မမျိုးဥ အိမ်အကျိတ်များ၊ သားအိမ်အတွင်းလွှာတစ်ရှူးသည်သားအိမ်အပြင်ဘက်ရောက်နေခြင်း စတာတွေ ကို ကုသရာမှာ အသုံးပြုနိုင်ပါတယ်။ ဒါ့အပြင် ပါးစပ်ကနေ ထည့်သွင်းတဲ့ နည်းလမ်းဟာလည်း အဆင်ပြေပြီး သိုင်းရွိုက်နဲ့ပတ်သက်တဲ့ ရောဂါပြဿနာ များကို ခွဲစိတ်စရာမလိုဘဲ ကုသနိုင်မှာဖြစ်ပါတယ်။
   
• သားအိမ်စစ်ဆေးကြည့်ရှုခြင်း Hysteroscopy
  သားအိမ်အတွင်းဆုံးလွှာရောဂါပြဿနာများကို ရှာဖွေစစ်ဆေးခြင်းနဲ့ ကုသရာမှာ ဒီနည်းလမ်းကိုအသုံးပြုပါတယ်။  ဒီနည်းလမ်းဟာ လူနာရဲ့ ဝမ်းဗိုက်ကို ဖောက်ဖို့ မလိုဘဲ Scope (သို့)သေးငယ်တဲ့ကင်မရာကို သားအိမ်ခေါင်း အတွင်းထည့်သွင်း စစ်ဆေးကာ တွေ့ရှိရတဲ့ ရောဂါပြဿနာများကို ကုသပေးခြင်းဖြစ်ပြီး အရေပြား ထိခိုက်မှုကို လျှော့ချပေးပါတယ်။ ဒါ့အပြင် ဒီနည်းလမ်းဟာ ခွဲစိတ်ကုသမှုပြီး နောက် ခါးနာခြင်းကိုလည်း သိသိသာသာလျှော့ချပေးပြီး အလျှင်အမြန် ပြန်လည် သက်သာလာစေပါတယ်။  မီးယပ်အထူးကုဆရာဝန်ကြီးများကတော့ သားအိမ် အတွင်းလွှာမူမမှန်မှုများကို ရောဂါရှာဖွေစစ်ဆေးမှု၊ သားအိမ်အတွင်းလွှာကင်ဆာ စစ်ဆေးမှု၊  သားအိမ်အတွင်းလွှာ အကျိတ်စစ်ဆေးမှု၊ ကိုယ်ဝန်မဆောင်ခင် သားအိမ်အတွင်းလွှာစစ်ဆေးမှု စတာတွေအပါအဝင် သားအိမ်အတွင်းလွှာနဲ့ ဆိုင်တဲ့ ရောဂါပြဿနာများကို ဖြေရှင်းရာမှာ ဒီနည်းလမ်းကို အသုံးပြုပါတယ်။

ခွဲစိတ်မှု လုပ်ဆောင်ဖို့အတွက် ဝမ်းဗိုက်မှာ (၀.၅) စင်တီမီတာကနေ (၁) စင်တီမီတာ လောက်သာရှိတဲ့ အပေါက် (၂)ခု-(၄)ခု ဖောက်ပြီး Laparoscope နဲ့ ခွဲစိတ်ကိရိယာကို ထည့်သွင်းလိုက်တာဖြစ်ပါတယ်။ ထည့်သွင်းလိုက်တဲ့ ကင်မရာကနေ လူနာရဲ့ အတွင်းပိုင်းအခြေအနေများကို ကြည်လင်ပြတ်သားတဲ့ပုံရိပ်အဖြစ်ရိုက်ယူထားပြီး ခွဲစိတ်ဆရာဝန်များက Monitor မှာကြည့်ရှုနိုင်မှာဖြစ်ပါတယ်။ ဒါကြောင့် ခွဲစိတ်ကုသမှု မတိုင်ခင်မှာ လိုအပ်တဲ့ကိရိယာများကို ကြိုတင်ထည့်သွင်းထားရမှာဖြစ်ပါတယ်။ ဒီနည်းလမ်းဟာ တိကျမှုနဲ့ ဘေးကင်းလုံခြုံမှု မြင့်မားပါတယ်။ ခွဲစိတ်မှုပြီးလို့ Laparoscope နဲ့ ကိရိယာကို ဖယ်ရှားပြီးတဲ့အခါမှာ ဗိုက်ဖောက်ထားတဲ့နေရာကို ပြန်ချုပ်လိုက်ရုံပါပဲ။

ခွဲစိတ်မှုဆိုင်ရာ နယ်ပယ်ပေါင်းစုံမှာ အတွေ့အကြုံများစွာရှိတဲ့ ကျွမ်းကျင်ခွဲစိတ်ဆရာဝန် တွေ ထိုင်းနိုင်ငံတွင်းမှာ အများကြီးရှိပါတယ်။ ဘန်ကောက်မြို့ ဆစ်မီတဝေ့ဆူခွန်ဗစ် ဆေးရုံရဲ့ ခွဲစိတ်ဆရာဝန်များဟာ ခွဲစိတ်မှုများနဲ့ပတ်သက်ရင် ပိုမိုနားလည် တတ်မြောက် စေဖို့အတွက် အထူးပြုသင်ကြားမှုများကို ပြည်တွင်းမှာသာမက ပြည်ပမှာပါ လေ့လာဆည်းပူးခဲ့ကြသူများဖြစ်ပါတယ်။ အရေးအကြီးဆုံးတစ်ချက်က တော့ ခွဲစိတ်ဆရာဝန်များ၊ မေ့ဆေးဆရာဝန်များ နဲ့ ကျွမ်းကျင်သူနာပြုများဟာ တစ်ဖွဲ့ နဲ့တစ်ဖွဲ့ ကေင်းမွန်စွာပူးပေါင်းလုပ်ဆောင်ပြီး ကုသပေးလျက်ရှိတာဖြစ်ပါတယ်။

Critical Care Complexes ခွဲစိတ်ခန်းများကို ပြည့်စုံတဲ့ ဆေးဘက်ဆိုင်ရာကိရိယာများ နဲ့ အတူ နောက်ဆုံးပေါ်နည်းပညာများကိုအသုံးပြုထားပြီး နိုင်ငံတကာအသိအမှတ်ပြု ကျန်းမာရေးစောင့်ရှောက်မှုများကို ဝန်ဆောင်ပေးလျက်ရှိတာဖြစ်ပါတယ်။ ထိုင်းနိုင်ငံတွင်း အမြင့်မားဆုံးသော ကျန်းမာရေးစံချိန်စံညွှန်းတစ်ခုကို ရောက်ရှိစေ ခဲ့တဲ့ Critical Care Complex များ ပိုင်ဆ်ိုင်ထားသည်ကပင် ဆစ်မီတဝေ့ဆေးရုံအတွက် အဖိုး မဖြတ်နိုင်တဲ့ ဂုဏ်ယူစရာ ကမ္ဗည်းတစ်ခုဖြစ်ပြီး အောက်ဖော်ပြပါ နောက်ဆုံးပေါ် ဆေးဘက်ဆိုင်ရာနည်းပညာများကို ပေးစွမ်းထားပါတယ်။

• Monitor မှာမြင်တွေ့နိုင်တဲ့ 3D ပုံရိပ် - 3D-4K ခွဲစိတ်မှုနည်းပညာဟာ ၃ ဘက်မြင် ပုံရိပ်တစ်ခုကို ပေးစွမ်းနိုင်ပြီး ပိုမိုကြည်လင်ပြတ်သားစွာ မြင်တွေ့နိုင် မှာဖြစ်ပါတယ်။ အဆိုပါ Monitor များနဲ့ 3D ပုံရိပ်များကြောင့် ခွဲစိတ်ဆရာဝန် များအနေနဲ့ အတွင်းပိုင်းကိုယ်အင်္ဂါအစိတ်အပိုင်းများကို ရုပ်ထွက်ကြည်လင် ပြတ်သားစွာ မြင်တွေ့ရမှာဖြစ်ပြီး အကွာအဝေးတိုင်းတာမှုကို ကူညီပေးတဲ့အပြင် ပိုပြီးတိကျစေမှာဖြစ်ပါတယ်။ ဒီစနစ်မှာ အရိပ်ကိုလျှော့ချပေးဖို့အတွက် ချိန်ညှိမှု တစ်ခုပါဝင်တာကြောင့် တကယ့်အပြင်ဘက်က အရောင်တွေ အတိုင်း အနီး စပ်ဆုံး ပြသပေးသလို Monitor မှာ ပိုမိုကြည်လင်ပြတ်သားစွာ မြင်တွေ့နိုင်ပါ တယ်။ ဒီလိုအချက်တွေကြောင့် အမှားဖြစ်နိုင်ခြေကို လျှော့ချပေးပြီး ခွဲစိတ်မှုကို ပိုမိုမြန်ဆန်စေကာ ပိုပြီးအန္တရာယ်ကင်းစေပါတယ်။
• အလင်းရောင်ကိုချိန်ညှိနိုင်တဲ့ 3D Laparoscopic Surgery - ခွဲစိတ်ဆရာဝန်များ အနေနဲ့ ခွဲစိတ်မှုမလုပ်ခင်မှာ အလင်းနဲ့ အပူချိန်ကို လိုသလို ချိန်ညှိလို့ ရပါ တယ်။ အားသာချက်ကတော့ ခွဲစိတ်ကုသတဲ့နေရာမှာ ယခင်ကအရိ်ပ်ပုံစံသာ မြင်တွေ့ခဲ့ရတဲ့နေရာတွေကို ပိုမိုအလင်းဟပ်စေပြီး ပိုမိုကြည်လင်ပြတ်သား စွာမြင်တွေ့နိုင်မှာဖြစ်ပါတယ်။ ဒါဟာ ခွဲစိတ်ကုသမှုရဲ့ တိကျမှုနဲ့ ထိရောက်မှုကို မြှင့်တင်ပေးပြီး အလုံးစုံအရည်အသွေးကို ပိုမိုမြင့်မားစေကာ လူနာအတွက်လည်း ဆေးရုံမှာနေရတဲ့အချိန်ကို လျော့ကျစေပါတယ်။
• Blue Light နည်းပညာ - ဒီနည်းပညာကတော့ ခွဲစိတ်ဆရာဝန်မြင်ရတဲ့ ပုံရိပ်ကို များစွာကြည်လင်ပြတ်သားစေပြီး ခွဲစိတ်ကုသချိန်ကိုလျှော့ချကာ လူနာပြန်လည် သက်သာလာချိန်ကိုလည်း မြန်ဆန်စေပါတယ်။
• ဘတ်တီးရီးယားပိုးမွှားကင်းစင်တဲ့ခွဲစိတ်ခန်းနံရံများ - ဆစ်မီတဝေ့ဆေးရုံနံရံ များဟာ ဆက်ကြောင်းမရှိဘဲ တစ်ဆက်တည်း တပ်ဆင်ထားပြီး ဒီလိုနည်းစနစ် ဟာ ထိုင်းနိုင်ငံမှာ ပထမဆုံးဖြစ်ပါတယ်။ ဒီစနစ်ရဲ့အားသာချက်ကတော့ သန့်ရှင်းရေးလုပ်ရတာပိုမိုလွယ်ကူပြီး ဘတ်တီးရီးယားပေါက်ဖွားမှုကိုလျှော့ချ ကာ ရောဂါပိုးကူးစက်မှုကို သိသိသာသာ လျော့နည်းစေပါတယ်။ ဒါ့အပြင် ဓာတ်ရောင်ခြည်ယိုစိမ့်မှုကိုကာကွယ်ဖို့ နံရံများမှာ ခဲ သုတ်ထားပါတယ်။
• Laminar Airflow systems: လေကိုစစ်ထုတ်ထားခြင်းကြောင့် ခွဲစိတ်ခန်းထဲမှာ သန့်ရှင်းတဲ့ Air Zone တစ်ခုကို ရှိနေစေမှာဖြစ်ပါတယ်။ ဒါဟာ ဘယ်လို ခွဲစိတ် ကုသမှုမျိုးအတွက်မဆို အရေးကြီးတဲ့ ရောဂါပိုးကူးစက်မှုကို လျော့နည်းစေပါ တယ်။
• Positive pressure ခွဲစိတ်ခန်းများ - ဆစ်မီတဝေ့ဆေးရုံရဲ့ ခွဲစိတ်ခန်းများကို ကောင်းမွန်တဲ့ဖိအားတစ်ခုရရှိစေအောင် အထူး ဒီဇိုင်းရေးဆွဲထားပြီး ဖုန်မှုန့် နဲ့ လေထဲမှာပျံနှံ့နေတဲ့ ဘက်တီးရီးယားတွေကို ကာကွယ်ပေးပါတယ်။ ဒါ့အပြင် ခွဲစိတ်ခန်းတံခါးကို ဖွင့်လိုက်တဲ့အချိန်မှာ ဝင်ရောက်လာနိုင်တဲ့ ရောဂါပိုးမွှား တွေကို လည်း ကာကွယ်ပေးနိုင်ပါတယ်။ ဒါကြောင့် ဆစ်မီတဝေ့ဆေးရုံရဲ့ ခွဲစိတ်ခန်းများဟာ သန့်ရှင်းမှုနဲ့ပတ်သက်ရင် တစ်ချိန်လုံး အမြင့်မားဆုံး မှာ ရှိတယ်လို့ ဆိုရပါမယ်။
• ပိုးသတ်ခြင်း - ဆစ်မီတဝေ့ဆေးရုံရဲ့ သန့်ရှင်းရေးနဲ့ ပိုးသတ် ပစ္စည်းကိရိယာ များဟာ ဆေးဘက်ဆိုင်ရာနယ်ပယ်မှာအသုံးပြုဖို့ အသိအမှတ်ပြုရရှိထားပြီး ဖြစ်ပါတယ်။

ဆစ်မီတဝေ့ဆေးရုံဟာ သန့်ရှင်းမှု၊ ဘေးကင်းလုံခြုံမှု၊ COVID-19 ကာလအတွင်း ရောဂါကူးစက်မှုကင်းဝေးရေး စတဲ့အချက်များကို ရှေ့တန်းတင်ဦးစားပေးပါတယ်။ ဒါကြောင့်လည်း ဆေးရုံရဲ့နေရာအားလုံးမှာ အကောင်းဆုံးအစီအမံ အပြင်အဆင်များ ထားရှိပြီး ဝန်ဆောင်မှုကို ရယူသူအားလုံးအတွက် အမြင့်မားဆုံး ယုံကြည်စိတ်ချမှုတစ်ခု ကို ပေးစွမ်းနိုင်ခဲ့ပါတယ်။ ဒီလိုမျိုးလုပ်ဆောင်ရာမှာလည်း ထိုင်းနိုင်ငံရဲ့ ပြည်သူ့ကျန်းမာရေး ဝန်ကြီးဌာန (Ministry of Public Health) က ချမှတ်ထားတဲ့ ကာကွယ်ရေးလမ်းညွှန်ချက်တွေအတိုင်း အတိအကျ လုပ်ဆောင်ခဲ့ ပါတယ်။

အရေးပေါ်ကျန်းမာရေးစောင့်ရှောက်မှု (သို့) ချက်ချင်းခွဲစိတ်ကုသမှုခံယူဖို့ လိုအပ်သူ များအတွက် COVID-19 ရောဂါပိုး ရှိ မရှိသိရဖို့ကိုလည်း Rapid Test (သို့) PCR Test များနဲ့ ကျန်းမာရေးဝန်ထမ်းများက စစ်ဆေးပေးလျက်ရှိပါတယ်။

• အွန်လိုင်းဗီဒီယိုကောလ်မှတစ်ဆင့်ဆရာဝန်နှင့် ကုသမှုအစီအစဉ် ဆွေးနွေးတိုင်ပင်ခြင်း (ဒုတိယရွေးချယ်မှု) ။
• တခြားဆေးရုံမှ ဆေးမှတ်တမ်းများနဲ့ ခန့်မှန်းကုန်ကျစရိတ်များရှိ ခဲ့မယ်ဆိုရင် ဆေးကုသမှုစီစဉ်ရေးဆွဲခြင်း ။
• ဆစ်မီတဝေ့ရဲ့ တန်ဖိုးတွက်ချက်မှုအဖွဲ့ (Appraisal Team) မှ အာမခံ ဈေးနှုန်းနဲ့အတူ ကုန်ကျစရိတ်တွက်ချက်ရေးဆွဲခြင်း။ ( နောက်ဆက်တွဲ ရောဂါမရှိသည့်ကုသမှုအစီအစဉ်များအတွက်သာ)
• ထိုင်းနိုင်ငံအပါအဝင် နိုင်ငံတကာကုမ္ပဏီများနှင့် ဆေးဝါးဝယ်ယူနိုင်သည့်ပမာဏ (Initial Coverage Eligibility) တွက်ချက်ပေးခြင်း။ (ဆေးရုံနှင့်စာချုပ် ချုပ်ဆိုထားသည့်ကုမ္ပဏီများအတွက်သာ)

• Pakpong Wathanaoran, M.D., Surgeon
• Santi Pongphantarak, M.D., Obstetrician and Gynecologist