ဆစ်မီတဝေ့ဆေးရုံကြီး အကြောင်း

ဆစ်မီတဝေ့ ဆူခွန်ဗစ်

၁၉၇၉ ခုနှစ်က တည်ထောင်ဖွင့်လှစ်ခဲ့ပြီး ထိုင်းနိုင်ငံအထင်ကရဦးဆောင်ဆေးရုံ အုပ်စုတွင် တစ်ခုအပါအဝင်ဖြစ်ပါသည်။ ဆူခွန်ဗစ် ဆွိုင် ၄၉ တွင်တည်ရှိပြီး အရှေ့တောင်အာရှ ဦးဆောင် ပုဂ္ဂလိက ဆေးရုံများ အသိအမှတ်ပြု ဆေးရုံတစ်ခုဖြစ်ပါသည်။ ဘန်ကောက်မြို့လယ်တွင်တည်ရှိပြီး အထူးကု ၄၀၀ ကျော် နှင့် ၂၇၅ ကုတင် ဆံ့ တတိယအဆင့်အထိ ကုသပေးနိုင်သော ဆေးရုံ တစ်ခုဖြစ်ပါသည်။ စစ်ဆေးမှုနှင့်ကုသမှုများအတွက်နောက်ဆုံးပေါ်နည်းပညာနှင့် ကိရိယာများ ဖြည့်ဆည်းပေးထားသည့်အပြင် အထူးလေ့ကျင့်ပေးထားပြီး အတွေ့အကြုံများစွာရှိသည့် ဆေးဘက် ဆိုင်ရာအတတ်ပညာရှင်အဖွဲ့များကြောင့် ဆစ်မီတဝေ့ ဆူခွန်ဗစ်ဆေးရုံကြီးကို ဘန်ကောက်ဌာနေများ၊ ထိုင်းနိုင်ငံနေ နိုင်ငံခြားသားများနှင့် တိုးတက်များပြားလာသည့် ကမ္ဘာတစ်ဝန်းမှ ဆေးကုသမည့်ခရီးသွားများအတွက် ကျန်းမာရေးစောင့်ရှောက်မှုပေးရန် အဓိကရွေးချယ်ခံရသည့် ဆေးရုံတစ်ရုံလည်း ဖြစ်ပါသည်။ ဘာသာစကားမျိုးစုံ ပြောဆိုဆက်ဆံနိုင်သည့် ဝန်ထမ်းအင်အားများလည်း ရှိ၍ အပြည်ပြည်ဆိုင်ရာဝန်ဆောင်မှုများဖြစ်သည့် စကားပြန်လုပ်ငန်းများနှင့် လူဝန်မှုကြီးကြပ်ရေးဆိုင်ရာကိစ္စများတွင် ကူညီထောက်ပံ့နိုင်မှုများ စသည့်အတွက်လည်း ဆေးရုံအနေဖြင့် များစွာ ဂုဏ်ယူနေမိပါသည်။ ထို့ပြင် ဂျပန်လူမျိုးများအတွက် တစ်ထိုင်တည်း ဝန်ဆောင်မှုပေးနိုင်မည့် သီးသန့်ဂျပန်ဆေးဘက်ဆိုင်ရာ စင်တာတစ်ခုလည်းထားရှိပေးထားပါသည်။

ဆစ်မီတဝေ့ ဆရီနာခရင်

ကုတင်၄၀၀ ဆံ့ ဆေးရုံဖြစ်ပြီး ဆေးပညာရှင် ၅၀၀ ပါဝင်သည့် ကျွမ်းကျင်အဖွဲ့ပါရှိပါသည်။ ကုသရေးဆိုင်ရာ ဝန်ဆောင်မှုမျိုးစုံကို ထိုင်းနှင့်နိုင်ငံခြားသားများအတွက် ဆောင်ရွက်ပေးလျက် ရှိပါသည်။ ဘန်ကောက်အရှေ့ပိုင်းနှင့် လက်တစ်ကမ်းအကွာအဝေးမှာတည်ရှိပြီး ပတ်ဝန်းကျင်မှာလည်း လျင်မြန်စွာ ဖွံဖြိုးတိုးတက်လျက် ရှိနေပါသည်။ ဆစ်မီတဝေ့ဆေးခန်းထားရှိရာ သုဝဏ္ဏဘူမိ အပြည်ပြည်ဆိုင်ရာလေဆိပ် အနီးတွင်ဖြစ်ပါသည်။

ဆစ်မီတဝေ့ ကလေးဆေးရုံကြီး

ဆစ်မီတဝေ့ ကလေးဆေးရုံသည် ဆစ်မီတဝေ့ဆူခွန်ဗစ်ဆေးရုံကြီး နှင့် ဆစ်မီတဝေ့ဆရီနာကရင်ဆေးရုံနှစ်ရုံလုံးမှာ ဌာနခွဲနှစ်ခုရှိပြီး နှစ်ရုံလုံးတွင် ၁၅၀ ကျော်သော ဆေးပညာအထူးကုအဖွဲ့များက ကလေးကျန်းမာရေးဆိုင်ရာ ကုသမှုမျိုးစုံကို ဆောင်ရွက်ပေးနေပါသည်။ ကလေးရောဂါမျိုးစုံအတွက် ပြီးပြည့်စုံသည့် တတိယအဆင့် အထိ ကုသပေးနိုင်သောဆေးရုံဖြစ်သည်နှင့်အညီ ဆေးကုသမှုနှင့်ခွဲစိတ်ကုသမှုများကိုအပြည့်အဝ အထူးပြုကုသပေးလျက် ရှိနေပါသည်။ ကလေးဆေးရုံနှစ်ရုံစလုံးတွင် ကလေးများကုသစောင့်ရှောက်ရေးအထူးပြု နောက်ဆုံးပေါ် နည်းပညာများပါဝင်သည့် “မွေးစမှ တစ်လသားများအတွက် မွေးကင်းစအထူးကြပ်မတ်ဆောင်”(NICU) နှင့် “တစ်လအထက် ကလေးလူနာများအတွက် ကလေးအထူးကြပ်မတ်ကုသဆောင်” (PICU)၊ ဦးနှောက်၊ ဆီးနှင့် ဆီးလမ်းကြောင်း၊ နှလုံးခွဲစိတ်မှုများစသည့်တို့အတွက် ကလေးခွဲစိတ်ကုသဆောင် များရှိပါသည်။ အရှုပ်ထွေးဆုံး ကလေးကျန်းမာရေး ဆိုးရွားမှုအခြေအနေများအတွက် လေကြောင်းလူနာလွှဲပြောင်းမှုလုပ်ငန်းများကိုလည်း ဆောင်ရွက်ပေးလျက်ရှိပါသည်။

ဆစ်မီတဝေ့ ဆရီရာချာ

ဘန်ကောက်အရှေ့ဘက် ၁၁၀ ကီလိုမီတာအကွာတွင်ရှိသည့် ၁၈၄ ကုတင်ဆံ့ဆေးရုံဖြစ်ပါသည်။ လမ်ချဘမ် စက်မှု့ဇုံနှင့် ပတ္တရားအပန်းဖြေမြို့တော်တို့မှ ဌာနေများ၊ နိုင်ငံခြားသားများ နှင့် ကမ္ဘာလှည့်ခရီးသည်များအတွက် အဓိကကျန်းမာရေးစောင့်ရှောက်မှုပေးလျက် ရှိပါသည်။ ထို့ပြင် ဆစ်မီတဝေ့ ဆရီရာချာဆေးရုံတွင် ဂျပန်လူမျိုးများအတွက် သီးသန့် ဂျပန် ဌာနခွဲ တစ်ခုဖွင့်ထားပြီး ဆေးဘက်ဆိုင်ရာဝန်ဆောင်မှုများကို တစ်ထိုင်တည်းအပြီးပေးသည့် စနစ်ဖြင့် ဝန်ဆောင်မှုပေးနေပါသည်။

ဆစ်မီတဝေ့ သွန်ဘူရီ

ကုတင်၁၀၀ ဆံ့ဆေးရုံဖြစ်ပြီး ရင်သားရောဂါဆိုင်ရာ၊ ဓါတ်မတည့်မှုရောဂါဆိုင်ရာ၊ အရိုး အကြော၊ မျက်စိ နှင့် လေဆာကုသမှုဘက်ဆိုင်ရာစင်တာများအများဆုံးထားရှိပေးသည့် ဆေးရုံတစ်ခုဖြစ်ပါသည်။ ဘန်ကောက်မြို့၏ စီးပွားရေး၊ လူမှုရေးနှင့် ယဉ်ကျေးမှုအပေါင်း စုံလင်သည့် နေရာတွင်တည်ရှိပြီး သွားလာရေး လွယ်ကူသည့် BTS Skytrain ဘူတာရုံများနှင့်လည်း နီးစပ်သည့်အတွက် အဆင်ပြေစွာ သွားလာနိုင်သည့် အားသာချက်များ ရှိပါသည်။

ဆစ်မီတဝေ့ ချွန်ဘူရီ

လူနာကုတင် 181 လုံးရှိပြီး စံသတ်မှတ်ထားသည့် ကျန်းမာရေးစောင့်ရှောက်မှုများကို ချွန်ဘူရီဒေသအတွက် ဦးဆောင်မှုပေးဆောင်ရွက်နေသည့် ဆေးရုံတစ်ခုဖြစ်ပါသည်။ ဆေးရုံတွင် အတွင်းလူနာဌာန၊ အထူးကြပ်မတ်ကုသရေးဌာန၊ ထိခိုက်မှုနှင့် အရေးပေါ်ဌာနများရှိသကဲ့သို့ အမျိုးမျိုးသောရောဂါများအတွက်ဆေးကုသမှု မျိုးစုံပေးနိုင်သည့်သီးခြားပြင်ပလူနာဌာန တစ်ခုလည်း ရှိပါသည်။

ဆစ်မီတဝေ့ ချိုင်းနားတောင်း

လူနာကုတင်၃၁ လုံးရှိပြီး ဘန်ကောက်ရဲ့ နာမည်ကျော် ချိုင်းနားတောင်း နှင့်ကပ်လျက် Yoawarat တွင် တည်ရှိပါသည်။ ဌာနေများနှင့် နိုင်ငံခြားသားများအတွက် ကျန်းမာရေး စောင့်ရှောက်မှုများကို ဆေးရုံ၏ ကျွမ်းကျင်သောဆရာဝန်များ၊ အထူးကျွမ်းကျင်သူနာပြုများ နှင့် ပညာရပ်နယ်ပယ်ပေါင်းစုံမှ ပါရဂူများက တာဝန်ယူဆောင်ရွက်ပေးလျက် ရှိပါသည်။ ဆေးရုံကို နောက်ဆုံးပေါ်ဆေးဘက်ဆိုင်ရာနည်းပညာများဖြင့် ဖြည့်ဆည်းထားပြီး မျက်စိကုသမှု၊ ကိုယ်ကာယနှင့် အကြောအဆစ်ပြန်လည်သန်စွမ်းရေး ကုသမှုနယ်ပယ်များသာမက ထိခိုက်ဒဏ်ရာနှင့် အရေးပေါ်ကုသမှုများတွင်ပါ အဆင့်မြင့် ကုသပြုစုမှုပေးနိုင်ခြင်း စသည်တို့ကြောင့် ကျော်ကြားမှု ဂုဏ်ဒြပ်များစွာကိုလည်း ရရှိပိုင်ဆိုင်ထားပါသည်။

ဆစ်မီတဝေ့အနေဖြင့် ထိုင်းနိုင်ငံပြင်ပကုသရေးအဖြစ် - မြန်မာနိုင်ငံ၊ ရန်ကုန်မြို့တွင် ဆေးခန်းတစ်ခန်း ဖွင့်လှစ်ထားရှိပါသည်။

• ဆစ်မီတဝေ့ အင်တာနေရှင်နယ် ဆေးခန်း ဖြစ်ပါသည်။