ကြိုတင်မျိုးရိုးဗီဇစစ်ဆေးခြင်း

ဆက်စပ်ကျန်းမာရေးအချက်အလက်များ တိကျတဲ့ဆေးကုသခြင်း (Precision Medicine) | Targeted Therapy for Cancers | Oncogenetic Screening

ကြိုတင်ကျန်းမာရေးစစ်ဆေးခြင်း၊ အထူးသဖြင့် ကြိုတင်မျိုးရိုးဗီဇစစ်ဆေးခြင်းတွေဟာ အလွန်အရေးကြီးပါတယ်။ ကြိုတင်မျိုးရိုးဗီဇစစ်ဆေးခြင်းဟာ မျိုးရိုးဗီဇဆိုင်ရာ အချက်အလက်တွေကို စစ်ဆေးပြီး နောက်ပိုင်းမှာဖြစ်ပွားလာနိုင်တဲ့ မျိုးရိုးဗီဇဆိုင်ရာ အန္တရာယ်တွေကို သိရှိစေနိုင်မှာဖြစ်ပါတယ်။

ပုံမှန်အတိုင်းအားဖြင့် ကိုယ်ဝန်ဆောင်မိခင်တွေဟာ ပထမဆုံးကျန်းမာရေးစစ်ဆေးမှုကို ကိုယ်ဝန်ဆောင် (၃)လပတ်အချိန်မှာပြုလုပ်ပြီး ကလေးမှာ ချို့ယွင်းချက်ရှိမရှိကို သိရှိနိုင်မှာဖြစ်ပါတယ်။ တကယ်လို့ ကလေးမှာ ချို့ယွင်းချက်ရှိခဲ့မယ်ဆိုရင် မျိုးရိုးဗီဇဆိုင်ရာ ကျွမ်းကျင်သူတွေက နောက်ထပ် စစ်ဆေးမှုတွေနဲ့ လိုအပ်တဲ့လမ်းညွန်မှုတွေကို ပြုလုပ်ပေးမှာပါ။

အခုခေတ်မှာတော့ ကြိုတင်မျိုးရိုးဗီဇစစ်ဆေးနိုင်တဲ့ နည်းပညာ ရှိနေပြီဖြစ်ကာ မျိုးရိုးဗီဇအမျိုးအစား (၆၀၀) ကျော်နဲ့  မျိုးရိုးဗီဇ ချို့ယွင်းမှု (၂၀၀) ကျော်ကို ရှာဖွေနိုင်တာကြောင့် အရေးပါတဲ့အခြေအနေဖြစ်လာပြီလို့ဆိုရမှာပါ။ တကယ်လို့ ကျွန်တော်တို့ဟာ အခုလိုမျိုး ဗီဇပြောင်းလဲမှုတွေကို သိနိုင်တယ်ဆိုရင် ဒါကိုရှောင်ရှားနိုင်အောင် ပြုလုပ်နိုင်မှာဖြစ်ပါတယ်။ ယခုလိုကြိုတင်စစ်ဆေးခြင်းနည်းလမ်းဟာ အသက်အရွယ်အိုမင်းတဲ့မိဘတွေအတွက် အခွင့်အရေးတစ်ခုဖြစ်ရုံသာမကဘဲ တခြား ဗီဇချို့ယွင်းနိုင်ခြေရှိသူတွေအတွက် နောက်ပိုင်းမှာဘာဆက်လုပ်သင့်လဲ ဆိုတာ ဆုံးဖြတ်ဖို့ အချိန်ရမှာဖြစ်ပါတယ်။

အသက်အရွယ်ဟာလည်း အရေးကြီးတဲ့အကြောင်းအရင်းတစ်ခုဖြစ်ပြီး အသက်ကြီးမှ လက်ထပ်ကာ ကလေးရယူမယ့်သူတွေအနေနဲ့ မျိုးရိုးဗီဇချို့ယွင်းမှုဖြစ်ဖို့ ပိုပြီးအခွင့်အလမ်းများပါတယ်။  ဥပမာ အသက် (၃၅) နှစ်အထက်မိခင်အယောက် (၃၅၀) မှာ (၁) ယောက်က ဖွံ့ဖြိုးမှုနှေးကွေးတဲ့ရောဂါဖြစ်ဖို့ ရာခိုင်နှုန်းများတယ်လို့ သတ်မှတ်နိုင်ပြီး အသက်အရွယ်ကြီးတဲ့ ဖခင်တွေကြောင့်လည်း ဖွံဖြိုးတိုးတက်မှုမှာ ချို့ယွင်းချက်ရှိလာနိုင်ကာ စိတ်ပိုင်းဆိုင်ရာထိခိုက်မှုတွေပါ ဖြစ်နိုင်ပါတယ်။

ထိုင်းနိုင်ငံသားတွေနဲ့ နိုင်ငံခြားသားတွေမှာဖြစ်န်ိုင်တဲ့ မိဘတွေမှာ ပုန်းကွယ်နေပေမယ့် ကလေးငယ်မှာဖြစ်လာနိုင်တဲ့ မျိုးရိုးဗီဇချို့ယွင်းမှု (၅) မျိုး

1. Thalassemia Syndrome : ဒီရောဂါဟာ သွေးနီဥများရဲ့ ချို့ယွင်းမှုကြောင့်ဖြစ်ပေါ်ပြီး တကယ်လို့ မိဘနှစ်ဦးစလုံးမှာ အဆိုပါ ရောဂါပိုးကို သယ်ဆောင်တယ်ဆိုရင် ကလေးငယ်မှာ ဖြစ်ပွားဖို့ (၂၅) ရာခိုင်နှုန်းရှိနေပြီး တကယ်လို့ မိဘ (၂) ဦးစလုံးမှာ ရောဂါရှိနေပြီဆိုရင် ကလေးငယ်မှာလည်း ဖြစ်ပွားမှာ ကျိန်းသေပါတယ်။
2. SMA (Spinal Muscular Atrophy): ဒီရောဂါလက္ခဏာကတော့ မိဘတွေကနေ ဆင်းသက်လာတဲ့ ရောဂါလက္ခဏာတစ်မျိုးဖြစ်ပြီး လူမျိုးမရွေးဖြစ်ပွားတတ်ပါတယ်။ အခုရောဂါက ဦးနှောက်အာရုံကြောတွေမှာ မော်တာနူရွန်လို့ခေါ်တဲ့ ဆဲလ်တွေမှာဖြစ်ပွားတာဖြစ်ပြီး  ကြွက်သားတွေကိုပါ အားနည်းစေပါတယ်။
3. Cystic Fibrosis: ဒီလက္ခဏာကတော့ မျိုးရိုးဗီဇပြောင်းလဲခြင်းကြောင့်ဖြစ်ပြီး အသက်ရှုလမ်းကြောင်း၊ အစာခြေဖျက်လမ်းကြောင်းနဲ့ မျိုးပွားတဲ့ကိစ္စရပ်တွေမှာပါ ထိခိုက်စေပါတယ်။ လက်ရှိအချိန်အထိတော့ အမြစ်ပြတ်အောင် ကုသနိုင်တဲ့နည်းလမ်းမရှိသေးဘဲ လူနာကို သက်သာအောင်၊ ပိုပြီးကြာကြာနေထိုင်နိုင်အောင်၊  ရှုပ်ထွေးမှုနည်းပါးအောင်ပဲ ဆောင်ရွက်နိုင်သေးတာဖြစ်ပါတယ်။
4. Fragile X: ဒီပြဿနာကတော့ ဦးနောက်ဖွံဖြိုးတိုးတက်မှုကိုထိခိုက်စေတဲ့ လက္ခဏာပဲဖြစ်ပါတယ်။ များသောအားဖြင့် ယောင်္ကျားလေးတွေမှာ ပိုတွေ့ရတတ်ပြီး စိတ်ပိုင်းဆိုင်ရာထိခိုက်မှုတွေ၊ အမူအကျင့်ပိုင်းဆိုင်ရာတွေနဲ့ အခြားသူများနဲ့ ပြောဆိုဆက်ဆံတဲ့အချိန် အဆင်မပြေမှုတွေကို ကြုံတွေ့လာရမှာဖြစ်ပါတယ်။
5. အကြားအာရုံချို့ယွင်းမှု : ဒီချို့ယွင်းမှုမှာ နားမကြားခြင်း၊ နားထိုင်းခြင်းနဲ့ အကြားအာရုံလုံးဝမရှိခြင်းအထိ ပါဝင်ပြီးတော့ ပျမ်းမျှအားဖြင့် ကလေးငယ် (၄၀) ရာခိုင်နှုန်းရဲ့ အကြားအာရုံချို့တဲ့မှုဟာ မျိုးရိုးဗီဇကြောင့် ဖြစ်ပွားတာပါ။

အချို့သောအခြေအနေတွေမှာ လူနာတွေဟာ ဆွေးနွေးမှုကို ခံယူပြီး မျိုးရိုးဗီဇဆိုင်ရာ ရောဂါလက္ခဏာတွေကို တွေ့ရတယ်ဆိုရင် မျိုးပွားမှုဆိုင်ရာ ဆေးကုထုံးကျွမ်းကျင်တဲ့ OB/YGNs တွေက ဖန်ပြွန်သန္ဓေသား(IVF) နည်းပညာအတိုင်း တစ်ဦးချင်းစီအတွက် ဖွံဖြိုးစေမယ့်ဆောင်ရွက်မှုတွေကို စတင်ကူညီပေးသွားမှာဖြစ်ပါတယ်။ ဒါ့အပြင် ကျန်းမာတဲ့ သန္ဓေသားကို ရရှိနိုင်အောင်လည်း နည်းပညာတွေအသုံးပြုပြီး ကိုယ်ဝန်ရနိုင်တဲ့ အခွင့်အလမ်းပိုများအောင် ကူညီပေးမှာပါ။ အခုနည်းစနစ်ဟာ သားအိမ်က သန္ဓေသားကိုလက်ခံဖို့ ကောင်းစွာဖွံ့ဖြိုး ပြီး မပြီးကို သန္ဓေသားမထည့်သွင်းခင် စမ်းသပ်တာဖြစ်ပါတယ်။ အဆိုပါ ပြုလုပ်မှုကို သားအိမ်လက်ခံနိုင်စွမ်းစစ်ဆေးမှု လို့ ခေါ်ပါတယ်။ အခု စမ်းသပ်မှုတွေထဲမှာ Mitochondria လို့ခေါ်တဲ့ သန္ဓေသားကို ကောင်းစွာအာဟာရပေးနိုင်တယ်ဆိုတာကို စမ်းသပ်တဲ့စနစ်တွေပါဝင်ပြီး ကိုယ်ဝန်ဆောင်နိုင်စေတဲ့ အခွင့်အလမ်းကို (၅၀) ရာခိုင်နှုန်းတိုးတက်စေပါတယ်။

တကယ်လို့ မိခင်က အသက် (၃၅) နှစ်အထက်မှာ ကိုယ်ဝန်ဆောင်တယ်ဆိုရင် သားဖွားမီးယပ်ကျွမ်းကျင်ဆရာဝန်နဲ့ ကိုယ်ဝန်ရရှိပြီး ရက်သတ္တပတ် ၁၀ ပတ်အတွင်းမှာတင် သန္ဓေသားကျန်းမာမှုရှိမရှိကို စစ်ဆေးနိုင်ပါတယ်။ အခုအချိန်မှာတော့ သန္ဓေသားကို စစ်ဆေးတဲ့အချိန်မှာ မှားယွင်းဖတ်ရှုမှုကို Ultrasound စနစ်ရဲ့ တိုးတက်လာမှုနဲ့အတူ ၀.၂ ရာခိုင်နှုန်းအထိ လျှော့ချနိုင်ပြီဖြစ်ပြီး တိကျမှုနှုန်းကလည်း ၉၉.၃ ရာခိုင်နှုန်းအထိရှိလာပြီဖြစ်တဲ့အတွက် စိတ်ပိုင်းဆိုင်ရာထိခိုက်မှုမရှိဘဲ မိခင်အတွက် စိတ်ချမ်းမြေ့မှုကို မြန်မြန်ဆန်ဆန်ယူဆောင်ပေးနိုင်မှာပါ။

ကိုယ်ဝန်မဆောင်ခင်နဲ့ ကိုယ်ဝန်ဆောင်နေချိန်မှာ ကြိုတင်ကာကွယ်နိုင်မှုနဲ့ ပတ်သက်ရင် ယခင်က အန္တရာယ်ခံစားရတာကို လက်တွေ့ကြုံတွေ့မှသာ သိနိုင်ခဲ့တာဖြစ်ပြီး အခုအချိန်မှာတော့ လူတိုင်းက မျိုးရိုးဗီဇဆိုင်ရာချို့ယွင်းမှု၊ မွေးဖွားတဲ့အချိန်မှာ ပြင်ဆင်မှုတွေကို ကောင်းစွာပြုလုပ်နိုင်နေပြီပဲဖြစ်ပါတယ်။ ကျွန်တော်တို့ဟာ အခုလိုကြိုတင်ကာကွယ်ပေးမှုစနစ်တွေကို ဆောင်ရွက်လာတာ ၈ နှစ်ကျော်ရှိနေပြီဖြစ်ပြီး ရလဒ်ကောင်းတွေကိုပဲ ယူဆောင်ခဲ့တာဖြစ်ပါတယ်။  လမစေ့ကလေးမွေးဖွားမှုကာကွယ်ရေး ဆေးခန်း အကြောင့်လေ့လာလိုပါက

ဆက်စပ်ကျန်းမာရေးအချက်အလက်များ တိကျတဲ့ဆေးကုခြင်း (Precision Medicine) | Targeted Therapy for Cancers | Oncogenetic Screening

Our Specialists Team

		Assoc. Prof. Boonsri Chanrachakul, M.D., PhD Obstetrics And Gynaecology (Maternal And Fetal Medicine) Head Doctor for Maternal-Fetal Medicine at Samitivej Sukhumvit Hospital
		Boonsaeng Wutthiphan, M.D. Obstetrics And Gynaecology (Reproductive Medicine)
		Thewin Dejthevaporn, M.D. Obstetrics And Gynaecology (Maternal And Fetal Medicine)
		Bongkoch Naraphut, M.D. Obstetrics And Gynaecology (Maternal And Fetal Medicine)
		Patama Promsonthi, M.D. Obstetrics And Gynaecology (Maternal And Fetal Medicine)
		Anyarin Preechapornprasert, M.D. Obstetrics And Gynaecology (Maternal And Fetal Medicine)
		Chantarat Suratanakavikul, M.D. Obstetrics And Gynaecology (Maternal And Fetal Medicine)