1. ကင်ဆာဖြစ်နိုင်ခြေကို ဆန်းစစ်ခြင်းနှင့် ကြိုတင်ရှာဖွေစစ်ဆေးခြင်း -  လူနာတစ်ဦးချင်းစီရဲ့ အသက်၊ ကျား/မ၊ မိသားစုမျိုးရိုးအတွင်း ကင်ဆာဖြစ်ဖူးသည့် ရာဇဝင်၊ ပြသသည့် ရောဂါလက္ခဏာများနှင့် အခြားသော ကင်ဆာဖြစ်ပွားစေနိုင်သည့် အချက်အလက်များ အပေါ် အခြေခံပြီး အသင့်တော်ဆုံးသော ကြိုတင်စစ်ဆေးမှုများကို စနစ်တကျ ရွေးချယ်ပေးပါ တယ်။ ရင်သားကင်ဆာ၊ အူမကြီးကင်ဆာ၊ အမျိုးသမီးမီးယပ်ဆိုင်ရာ ကင်ဆာများနှင့် အခြား လိုအပ်သော ကင်ဆာရောဂါများကို ကြိုတင်ရှာဖွေ စစ်ဆေးပေးခြင်းများ ပါဝင်ပါတယ်။
2. ရောဂါရှာဖွေခြင်းနှင့် ကင်ဆာအဆင့် သတ်မှတ်ခြင်း - တိကျမှန်ကန်တဲ့ ကင်ဆာကုသမှု အစီအစဉ်ကို ရေးဆွဲနိုင်ဖို့အတွက် စနစ်တကျ ရောဂါရှာဖွေခြင်းဖြင့် စတင်ရပါတယ်။ ရောဂါကို အမိအရ ရှာဖွေနိုင်ရန်၊ စောင့်ကြည့်စစ်ဆေးရန်နှင့် အကဲဖြတ်ရန် အတွက် လိုအပ်တဲ့ စစ်ဆေးမှုများကို ဆောင်ရွက်ရပါတယ်။ ရရှိလာတဲ့ အသားစယူစစ်ဆေးချက်၊ ရောဂါဗေဒ ဓာတ်ခွဲခန်းရလဒ်များအပေါ် အခြေခံပြီး လူနာတစ်ဦးချင်းစီအတွက် အသင့်တော်ဆုံးနှင့် အထိရောက် ဆုံးဖြစ်မည့် ကုသမှုအစီအစဉ်ကို စနစ်တကျ အတည်ပြု ရွေးချယ်ပေးရပါတယ်။
3. အလှူရှင် ရှာဖွေညှိနှိုင်းပေးခြင်း -  မိသားစုဝင်များအတွင်း ကိုက်ညီသော Stem Cell အလှူရှင်မရှိတဲ့ လူနာတွေအတွက် ဆေးရုံကြီးမှ တစ်ဆင့် ပြင်ပအလှူရှင်များ ရှာဖွေနိုင်ရန် ညှိနှိုင်းဆောင်ရွက်ပေးတဲ့ ဝန်ဆောင်မှုများကို ပေးအပ် လျက် ရှိပါတယ်။ လူနာ၏ ကုသမှုအပိုင်းနှင့်စပ်လျဉ်းပြီး ပြတ်တောက်မသွားစေရန်အတွက် သက်ဆိုင်ရာ နိုင်ငံတကာအဖွဲ့အစည်းများ၊ အလှူရှင်ကွန်ရက်များနှင့် အတူတကွ ပူးပေါင်းချိတ်ဆက် ၍ ကူညီပံ့ပိုး ပေးခြင်းများလည်း ပါဝင်ပါတယ်။
4. ရောဂါကုသမှုပေးခြင်း
   စနစ်ကျသောကုထုံးများ - ကင်ဆာအမျိုးအစားနှင့် လူနာတစ်ဦးချင်းစီ၏ ဓာတ်ခွဲစစ်ဆေးချက် ရလဒ်များအပေါ် မူတည်၍ ကင်ဆာဆေးသွင်းကုထုံး၊ ဟော်မုန်းကုထုံး၊ ပစ်မှတ်ထားကုထုံး သို့မဟုတ် ခုခံအားစနစ်သုံး ကုထုံးများကို စနစ်တကျ ရွေးချယ်ကုသပေးပါတယ်။
   ကင်ဆာခွဲစိတ်ကုသခြင်း - ကင်ဆာဝေဒနာရှင်အချို့အတွက် ခွဲစိတ်ကုသခြင်းဟာ အလွန်အရေးကြီးတဲ့ ကုထုံးတစ်ခုအဖြစ် ရှိနေဆဲ ဖြစ်ပါတယ်။ ကင်ဆာခွဲစိတ်အထူးကု ဆရာဝန်ကြီးများနှင့် ခွဲစိတ်အဖွဲ့သားများသည် ကင်ဆာကျိတ်တည်ရှိရာနေရာ၊ ကင်ဆာအဆင့်နှင့် ကုသမှု၏ ရည်မှန်းချက်များအပေါ် မူတည် ပြီး ကုသမှုအစီအစဉ်ကို အသေးစိတ် ရေးဆွဲဆောင်ရွက်ပေးပါတယ်။
   ဓာတ်ရောင်ခြည်ဖြင့် ကုသခြင်း Radiation therapy - ဒီကုထုံးကို ခွဲစိတ်ကုသခြင်း၊ ကင်ဆာဆေးသွင်းကုသခြင်းတို့နှင့် တွဲဖက်၍သော်လည်းကောင်း၊ အချို့သော ကင်ဆာရောဂါများတွင် ဝေဒနာသက်သာစေရန် အတွက်သော်လည်းကောင်း ပူးတွဲ အသုံးပြုပါတယ်။
5. သွေးကင်ဆာနှင့် ရှုပ်ထွေးသော သွေးရောဂါဝေဒနာရှင်များအား ပြုစုစောင့်ရှောက်ခြင်း သွေးကင်ဆာ၊ ပြန်ရည်ကျိတ်ကင်ဆာ နှင့် ခက်ခဲရှုပ်ထွေးနက်နဲသော သွေးရောဂါဝေဒနာ ခံစားနေရတဲ့ လူနာတွေဟာ သွေးရောဂါအထူးကုဆရာဝန်ကြီးများ နှင့် အထူးကျွမ်းကျင်သူ ပညာရှင် အဖွဲ့များရဲ့ စနစ်တကျ အနီးကပ်ပြုစုစောင့်ရှောက်မှုကို ခံယူဖို့ လိုအပ်ပါတယ်။
6. နောက်ဆက်တွဲ စောင့်ကြည့်ခြင်း၊ ပြန်လည်သန်စွမ်းစေခြင်းနှင့် လူနာ၏ ဘဝအရည်အသွေး မြှင့်တင်ပေးခြင်း -  ကင်ဆာကုသမှု ခံယူပြီးနောက် ဝေဒနာရှင်အများစုဟာ ပုံမှန်နေ့စဉ်ဘဝသို့ တတ်နိုင်သမျှ အမြန်ဆုံး ပြန်လည်ဝင်ရောက်နိုင်ရန်အတွက် ရေရှည်နောက်ဆက်တွဲ စောင့်ကြည့်စစ်ဆေးခြင်း၊ ကုသမှုကြောင့် ဖြစ်တတ်တဲ့ ဘေးထွက်ဆိုးကျိုးများကို ကုသပေးခြင်း၊ ပြန်လည်သန်စွမ်းရေး လေ့ကျင့်ခန်းများ ပြုလုပ်ပေးခြင်း၊ အာဟာရပိုင်းဆိုင်ရာ ပံ့ပိုးပေးခြင်းနှင့် စိတ်ပိုင်းဆိုင်ရာ အားပေး စောင့်ရှောက်ခြင်း တို့ကို လိုအပ်ပါတယ်။ ဒါဟာ ကျွန်တော်တို့ ဆေးရုံကြီးရဲ့ ဘက်စုံလွှမ်းခြုံသော ကင်ဆာစောင့်ရှောက် မှုလုပ်ငန်းရဲ့ အရေးကြီးသော အစိတ်အပိုင်းတစ်ခုလည်း ဖြစ်ပါတယ်။
7. သက်ကြီးရွယ်အိုများအတွက် သီးသန့်ကင်ဆာစောင့်ရှောက်မှု - သက်ကြီးရွယ်အိုများအတွက် ကင်ဆာစောင့်ရှောက်မှုသည် အခြားသောအသက်အုပ်စုများနှင့် မတူဘဲ ကွဲပြားခြားနားမှုရှိပါတယ်။ ကင်ဆာအမျိုးအစားနှင့် ရောဂါအဆင့်ကို သိရှိရုံတင်မကဘဲ လူနာ၏ ခန္ဓာကိုယ်မှ ကုသမှုဒဏ်ကို ဘယ်လောက်အထိ ကြံ့ကြံ့ခံနိုင်ရည်ရှိသလဲ ဆိုတဲ့အချက်ကို ဆန်းစစ်ဖို့ အလွန်အရေးကြီးပါတယ်။ အသက်ကြီးပိုင်းဝေဒနာရှင်တွေဟာ ကင်ဆာအပြင် အခြားသော အထွေထွေနာတာရှည်ရောဂါများ အတူတွဲရှိနေတတ်ခြင်း၊ ခန္ဓာကိုယ်မသန်စွမ်း ဖြစ်ခြင်း၊ လှုပ်ရှားသွားလာမှုနှင့် ဟန်ချက်ထိန်းနိုင်စွမ်း လျော့နည်းလာခြင်း၊ အာဟာရချို့တဲ့ခြင်း၊ မှတ်ဉာဏ်ပိုင်းဆိုင်ရာ သို့မဟုတ် စိတ်ခံစားမှုဆိုင်ရာ အားနည်းချက်များရှိခြင်းနှင့် ဆေးဝါးမျိုးစုံကို မှီဝဲနေရခြင်း စတဲ့ အခြေအနေများ ရှိတတ်ကြတာကြောင့် ဖြစ်ပါတယ်။ ဒီအချက်များအားလုံးဟာ ကုသမှု၏ဘေးထွက်ဆိုးကျိုးများ၊ ပြန်လည်ကျန်းမာလာမှုနှုန်းနှင့် ကုသမှုအပြီး ဘဝအရည်အသွေး တို့အပေါ် တိုက်ရိုက်သက်ရောက်မှု ရှိနေပါတယ်။
8. ဝေဒနာသက်သာစေမည့် အထူးပြုစုစောင့်ရှောက်ခြင်း -  လူနာအတွက် ဘက်စုံလွှမ်းခြုံသော စောင့်ရှောက်မှုများ ပေးအပ်နိုင်ရန်အတွက် ဆေးဘက်ဆိုင်ရာ ကျွမ်းကျင်အထူးကုဆရာဝန်ကြီများနှင့် အသိပညာရှင် အတတ်ပညာရှင်အဖွဲ့ မှ စနစ်တကျ ပူးပေါင်းညှိနှိုင်း၍ အနီးကပ် ပြုစုစောင့်ရှောက် ပေးတဲ့ ဝန်ဆောင်မှု ဖြစ်ပါတယ်။
9. နိုင်ငံတကာလူနာများအတွက် အထူးစောင့်ရှောက်မှု ဝန်ဆောင်မှုများ -  နိုင်ငံတကာမှ လာရောက်ကုသကြတဲ့ လူနာများရဲ့ သီးခြားလိုအပ်ချက်များကို အကောင်းဆုံး ဖြည့်ဆည်းပေးနိုင်ရန် ဝန်ဆောင်မှုများကို စနစ်တကျ အထူးစီမံပေးထားပါတယ်။ လူနာများ အနေဖြင့် ကုသမှုအဆင့်တိုင်းမှာ စိတ်အေးချမ်းသာစွာဖြင့် အရည်အသွေးမြင့် စောင့်ရှောက်မှု များကို ရရှိခံစားနိုင်မှာပဲ ဖြစ်ပါတယ်။
   • ကြိုတင်ပြင်ဆင်ခြင်း

     • ဆေးရုံသို့ မလာရောက်မီ ရောဂါလက္ခဏာများကို ဆန်းစစ်ရန်နှင့် ကုသမှုအစီအစဉ်များ ကြိုတင်ရေးဆွဲနိုင်ရန်အတွက် အွန်လိုင်းမှတစ်ဆင့် ဆရာဝန်နှင့် တိုက်ရိုက်ဆွေးနွေးခြင်း နည်းလမ်းကို အသုံးပြုနိုင်ပါတယ်

     • အရေးပေါ်လူနာများကို ဘေးကင်းလုံခြုံစွာဖြင့် အချိန်မီ လွှဲပြောင်းကုသနိုင်ရန် လေကြောင်းဖြင့် လူနာသယ်ယူပို့ဆောင်ရေးနှင့် နေရပ်ပြန်လည်ပို့ဆောင်ရေး ဝန်ဆောင်မှုများရှိပြီး၊ စိုးရိမ်ရတဲ့ လူနာများအတွက် အထူးကုဆရာဝန်ကြီးများအဖွဲ့ကိုယ်တိုင် အနီးကပ်လိုက်ပါပြီး စောင့်ရှောက်မှု ပေးပါတယ်။

     • ဆေးကုသမှုခံယူစဉ်ကာလ

     • လူနာတစ်ဦးချင်းစီအတွက် သီးသန့်တာဝန်ခံ ညှိနှိုင်းရေးမှူးများရှိပြီး ရက်ချိန်းများ စီစဉ်ပေးခြင်း၊ သိလိုသည်များကို ဖြေကြားပေးခြင်းနှင့် ကုသမှုလုပ်ငန်းစဉ်တစ်ခုလုံး ချောမွေ့စေရန် ကူညီပံ့ပိုး ပေးခြင်းတို့ကို ဆောင်ရွက်ပေးပါတယ်။
     • ဆေးဘက်ဆိုင်ရာဆက်သွယ်ပြောဆိုမှုများတိကျမှန်ကန်ပြီးထိရောက်မှုရှိစေရန်ကျွမ်းကျင်စကားပြန် ဝန်ဆောင်မှုများကိုလည်း စနစ်တကျ စီစဉ်ပေးထားပါတယ်။
     • ကုသမှုခံယူနေသည့် ကာလတစ်လျှောက်လုံး ပိုမိုသက်သောင့်သက်သာရှိစေရန်နှင့် လိုအပ်သည်များ ကို တစ်ဦးချင်းအလိုက် အဆင်ပြေအောင် ဖြည့်ဆည်းပေးနိုင်ရန် ဧည့်ကြိုနှင့် အထွေထွေကူညီပံ့ပိုး ရေးအဖွဲ့ မှလည်း အနီးကပ် ဝန်ဆောင်မှုပေးလျက်ရှိပါတယ်။
   • ဆေးကုသမှု ခံယူပြီးနောက်ပိုင်း ဆက်လက်စောင့်ရှောက်ခြင်း
     • နေရပ်သို့ ပြန်လည်ရွှေ့ပြောင်းရာမှာ ဘေးကင်းလုံခြုံမှု ရှိစေရန် လေကြောင်းဖြင့် လူနာသယ်ယူ ပို့ဆောင်ရေးနှင့် နေရပ်ပြန်လည်ပို့ဆောင်ရေး ဝန်ဆောင်မှုများကို အသုံးပြုနိုင်ပြီး၊ လေကြောင်း ဆေးဘက်ဆိုင်ရာ အဖွဲ့သားများကပင် လမ်းခရီးတစ်လျှောက် စောင့်ရှောက်မှုများ ပြတ်တောက်မှုမရှိစေရန် ဆက်လက်တာဝန်ယူ ဆောင်ရွက်ပေးပါတယ်။
     • နေရပ်နိုင်ငံသို့ ပြန်လည်ရောက်ရှိသွားပြီးတဲ့အခါမှာလည်း ရောဂါအခြေအနေကို စဉ်ဆက်မပြတ် စောင့်ကြည့်စစ်ဆေးနိုင်ရန်နှင့် ပြန်လည်သန်စွမ်းရေးဆိုင်ရာ လမ်းညွှန်မှုများ ပေးနိုင်ရန်အတွက် အွန်လိုင်းမှတစ်ဆင့် ဆရာဝန်နှင့် နောက်ဆက်တွဲ ပြန်လည်ဆွေးနွေးခြင်း နည်းလမ်းကို အသုံးပြု၍ လူနာကျန်းမာရေး ရေရှည်ပြန်လည်ကောင်းမွန်လာစေရန် ပံ့ပိုးကူညီပေးပါတယ်။

ဆေးရုံတွင်း အခြေခံအဆောက်အအုံနှင့် အခန်းအမျိုးအစားများ

• HEPA စစ်ထုတ်စနစ်သုံး လေဖိအားမြှင့် ပိုးမွှားကင်းစင်ခန်းများ HEPA-filtered positive pressure rooms
• Stem Cell နှင့် ရိုးတွင်းခြင်ဆီ အစားထိုးကုသမှုခံယူမည့် ဝေဒနာရှင်များအတွက် သီးသန့်အခန်းများ 
• ဆရာဝန်ကြီးများနှင့် သီးသန့် တိုင်ပင်ဆွေးနွေးနိုင်သည့် အခန်းများ 
• မိသားစုဝင်များ အနီးကပ် စောင့်ရှောက်နိုင်ရန် အခန်းချင်းချိတ်ဆက်ထားသည့် အခန်းတွဲများ 
• ကူးစက်ရောဂါ ကာကွယ်ရေး သီးသန့်အခန်းများ 
• ကင်ဆာဆေးသွင်းကုသမှု ခံယူရန်အတွက် သီးသန့်အထူးဒီဇိုင်းဆင်ထားသည့် အခန်းများ 

ကျွန်ုပ်တို့၏ အထူးကုဆရာဝန်ကြီးများအဖွဲ့ 

• ကင်ဆာအထူးကုဆရာဝန်ကြီးများ
  • Akkapol Poolcharoen, M.D.
  • Surachai Sitawarin, M.D.
  • Maturos Soukavanitch, M.D.
  • Supagone Wangsubtawee, M.D.
• ဓာတ်ရောင်ခြည်ကင်ဆာအထူးကုဆရာဝန်ကြီးများ
  • Supagone Wangsubtawee, M.D.
  • Sakpisid Nawasiri, M.D.
• ကင်ဆာခွဲစိတ်ကုသမှုဆိုင်ရာအထူးကုဆရာဝန်ကြီးများ
  • Tonkla Suchantabutr, M.D.
  • Krittanai Thangsakul, M.D.
  • Chanin Apiwanich, M.D.
  • Rupporn Sukpanich, M.D.
• အထူးကြပ်မတ်ကုသမှုဆေးပညာ
  • Pimsai Kunakorn, M.D.
• ကူးစက်ရောဂါဗေဒ
  • Nisha Pongpech, M.D.
  • Kittipong Kongchan, M.D.
• သက်ကြီးရွယ်အိုဆေးပညာ 
  • Tippapa Chutikankosol, M.D.
  • Sawana Srirattanawong, M.D.