|
| ကလေးငယ်များမှာ ဖြစ်တတ်တဲ့ ကင်ဆာရောဂါအမျိုးအစားတွေဟာ လူကြီးတွေမှာ ဖြစ်တဲ့ ကင်ဆာနဲ့ သိသိသာသာကို ကွဲပြားခြားနားပါတယ်။ ဒါကြောင့် သင့်ရင်သွေးများအတွက် အကောင်းဆုံးဖြစ်နိုင်တဲ့ ကုသမှုများကို ဝန်ဆောင်မှုပေးနိုင်ဖို့ ဆစ်မီတဝေ့ကလေးဆေးရုံကြီးရဲ့ ကလေးကင်ဆာအထူးကု ပါရဂူများအပါအဝင် သူနာပြုများနဲ့ ရောဂါဗေဒပညာရှင်များ ပါဝင်တဲ့အဖွဲ့က အသင့်ရှိနေပါတယ်။ သင့်ကလေးငယ်အနေနဲ့ ခီမိုဆေးသွင်းခြင်း ၊ ဓာတ်ကင်ခြင်း ဒါမှမဟုတ် ရိုးတွင်းခြင်ဆီအစားထိုးကုသခြင်း စတဲ့ကုထုံးတွေထဲကမှ ဘယ်တစ်ခု လိုအပ်မလဲဆိုတာဇဝေဇဝါဖြစ်စရာမလိုပါဘူး။ တစ်ခုချင်းစီ ၊ အဆင့်တစ်ဆင့်ချင်းစီတိုင်းအတွက် ကျွန်ုပ်တို့သင့်ကိုကူညီအားပေးမှာပါ။
တကယ်လို့ သင့်ရင်သွေးငယ် အနေနဲ့ ဆေးရုံမှာ ထပ်ပြီးနေဖို့လိုအပ်တယ်ဆိုရင်လည်း ကလေးငယ်များရဲ့ စိတ်ဓာတ်ပိုင်းဆိုင်ရာမြှင့်တင်ပေးတဲ့ အစီအစဉ်ဖြစ်တဲ့ “Child Life Project” ရှိပါတယ်။ ဆစ်မီတဝေ့နဲ့ အော်ရီဂွန်ကျန်းမာရေးနှင့်သိပ္ပံတက္ကသိုလ်ရဲ့ ပူးပေါင်းဆောင်ရွက်မှုအရ ပထမခြေလှမ်းအဖြစ် ကလေးငယ်နှင့် ၎င်းတို့၏ မိသားစုများအတွက် စိတ်ဓာတ်ပိုင်းဆိုင်ရာပျော်ရွှင်မှုနဲ့ သက်သောင့်သက်သာဖြစ်စေရေးကို အဓိကထားပြီး လုပ်ဆောင်ပါတယ်။ ဆစ်မီတဝေ့ကလေးဆေးရုံဟာ ထိုင်းနိုင်ငံမှာ အကြီးမားဆုံးသောဆေးပညာဆိုင်ရာ စက်ကိရိယာများ ၊ နည်းပညာများဖြင့် နိုင်ငံတကာအဆင့် မီကလေးကျန်းမာရေးစောင့်ရှောက်မှုပေးတဲ့ ဆေးရုံဖြစ်ပါတယ်။ နှစ်စဉ် နိုင်ငံပေါင်း (၁၂၄)နိုင်ငံမှ လာရောက်ကုသတဲ့ လူနာပေါင်း (၅၉၀၀၀) ကျော်ကို ကုသပေးပြီး နိုင်ငံတကာမှ လူနာကလေးငယ်များအတွက် ကျန်းမာရေးဆိုင်ရာလေကြောင်းပို့ဆောင်မှု မိုင်ပေါင်း(၅၀၀၀၀) ကျော် ဝန်ဆောင်မှုပေးခဲ့ပြီးဖြစ်ပါတယ်။ ကင်ဆာရောဂါအမျိုးမျိုးအပါအဝင် ဖြစ်တောင့်ဖြစ်ခဲရောဂါများအတွက် ကလေးအထွေထွေဆရာဝန်နှင့် ကလေးအထူးကုဆရာဝန် (၁၅၀) ကျော်ပါတဲ့ အဖွဲ့လည်း ရှိပါတယ်။ |
|
|
ကလေးကင်ဆာစင်တာနှင့်ပတ်သက်ပြီးပိုမိုသိရှိရန်
