လိပ်ခေါင်းကိုအလွယ်တကူကုသလို့ရလား?
လိပ်ခေါင်းဆိုတာဘာလဲ?
လိပ်ခေါင်း (Hemorrhoids) ဆိုတာဟာ စအို သွေးထွက်ခြင်းကြောင့် အဖြစ်များ ပါတယ်။ လိပ်ခေါင်းဖြစ်စေတဲ့ အကြောင်းအရင်းများကတော့ အိမ်သာထဲမှာအချိန် ကြာရှည်စွာထိုင်ခြင်း၊ ဝမ်းသွားရာတွင်အားစိုက်ထုတ်ခြင်း၊ ကိုယ်ကာယလှုပ်ရှား ချိန်မှာအားစိုက်ထုတ်ခြင်း၊ လေးလံတဲ့အရာဝတ္ထုများကို မ ခြင်း၊ အဝလွန်ခြင်း၊ အမျှင်ဓာတ်စားသုံးမှုနည်းခြင်း၊ ကိုယ်ဝန်ဆောင်ခြင်း စတာတွေဖြစ်ပါတယ်။
Piles လို့လည်း နောက်တစ်မျိုးခေါ်သေးတဲ့ လိပ်ခေါင်းဟာ စအိုအတွင်း (သို့) စအိုတစ်ဝိုက်မှာ ရှိတဲ့ သွေးကြောများ ရောင်ရမ်းဖောင်းကားလာရာမှတစ်ဆင့် ဖြစ်ပေါ်ပါတယ်။ လိပ်ခေါင်းဟာ အစုလိုက်ပုံစံ ဖြစ်တတ်သလို မတူညီတဲ့နေရာများ မှာ သီးသန့် ကွက်ပြီးလည်း ဖြစ်တတ်ပါတယ်။
လိပ်ခေါင်းကိုအဓိကအားဖြင့်နှစ်မျိုးခွဲခြားနိုင်ပါတယ် -
၁။ အတွင်းလိပ်ခေါင်း(Internal Hemorrhoids) - စအိုအတွင်းမှာရှိတဲ့ သွေးကြောများ ရောင်ရမ်းခြင်းကြောင့်ဖြစ်ပြီး အပြင်ဘက်ကနေ မမြင်နိုင်ပါဘူး။ အူမကြီးမှန်ပြောင်းကြည့်ခြင်း(Colonoscopy) နဲ့ ရှာဖွေဖို့လိုပါတယ်။ အတွင်းလိ်ပ်ခေါင်းကို အရွယ်အစား အသေးဆုံးကနေ အကြီးဆုံးအထိ အဆင့်(၄)ဆင့် ခွဲခြားသတ်မှတ်နိုင်ပါတယ်။
- အဆင့်(၁) - အဆင့်(၁)လိပ်ခေါင်းဟာ သေးငယ်ပြီး စအိုဝကနေ ပြူးထွက်ခြင်းမရှိပါဘူး။ ဝမ်းသွားနေစဉ်(သို့) ဝမ်းသွားပြီးချိန်မှာ စအိုကနေ သွေးထွက်တတ်ပါတယ်။
- အဆင့်(၂) - အဆင့်(၂)လိပ်ခေါင်းဟာ ကျယ်ပြန့်ပြီး ဝမ်းသွားနေချိန် ပြူးထွက်လာကာ ဝမ်းသွားပြီးချိန်မှာ နဂိုအနေအထားကို ပြန်လည် ရောက်ရှိ သွားပါတယ်။ မကြာခဏသွေးထွက်ပြီး သွေးအရောင်ဟာ အနီရဲရဲဖြစ်ပါတယ်။
- အဆင့်(၃) - အဆင့်(၃)လိပ်ခေါင်းဟာ ကြီးမားပြီး ဝမ်းသွားနေချိန်မှာ စအိုဝကနေ ပြူးထွက်လာပါတယ်။ ဝမ်းသွားပြီးတဲ့အချိန်မှာ လူနာအနေနဲ့ အားစိုက်ပြီးပြန်မသွင်းဘူးဆိုရင် နဂိုမူလနေရာဆီပြန်ဝင်သွားခြင်းမရှိပါဘူး။ ဒီလိုလိပ်ခေါင်းမျိုးဟာ အကြိမ်ကြိမ်သွေးထွက်တတ်ပြီး ကျိန်းစပ်စပ်ဝေဒနာ ကို သိသိသာသာ ခံစားရပါတယ်။
- အဆင့်(၄) - အဆင့်(၄) လိပ်ခေါင်းကတော့ တော်တော်ကို ကြီးမားပြီး စအိုဝကနေ အချိန်တိုင်းပြူးထွက်နေကာ လွန်စွာနာကျင်တဲ့ ခံစားမှုကို ဖြစ်ပေါ်စေပါတယ်။
၂။ အပြင်လိပ်ခေါင်း(External Hemorrhoids) - ဒီလိပ်ခေါင်းအမျိုးအစားဟာ စအိုအပြင်ဘက်မှာဖြစ်ပေါ်တတ်ပြီး အဲဒီနေရာမှာရှိတဲ့ သွေးကြောများ ရောင်ရမ်းမှုကြောင့် ဖြစ်ရတာပါ။ ဒီလိပ်ခေါင်းကတော့ လက်နဲ့စမ်းနိုင်သလို မြင်သာထင်သာလည်းရှိပြီး ရောင်လာတဲ့အချိန်မှာ ပိုပြီး နာကျင်ပါတယ်။
လူနာတွေအနေနဲ့ အတွင်းလိပ်ခေါင်းနဲ့ အပြင်လိပ်ခေါင်းကို တစ်ချိန်တည်းမှာ ပြိုင်တူခံစားရလေ့ရှိပါတယ်။
လူနာများအနေနဲ့ ကိုယ့်ရောဂါအခြေအနေအပေါ်မူတည်ကာ အသင့်လျော်ဆုံး ကုသမှုနည်းလမ်းတွေကို Samitivej Virtual Hospital ကနေတစ်ဆင့် အထူးကုဆရာဝန်များနဲ့တိုင်ပင်ရှာဖွေနိုင်ပါတယ်။ ရက်ချိန်းယူရန် ဒီနေရာမှာ နှိပ်ပါ။
စောင့်ကြည့်ရမည့်လက္ခဏာများ
ညိုရင့်ရင့်ဝမ်း(မစင်)ထဲမှာ အဖြူရောင်အချွဲများပါလာခြင်း။
- သွေးအားနည်းရောဂါများ။
- မကြာခဏဝမ်းသွားခြင်း(သို့) ကောင်းစွာဝမ်းမသွားနိုင်ခြင်း။
- စအိုနေရာမှာတောက်လျှောက်နာကျင်ခြင်း။
- ဆိုးဆိုးရွားရွားဝမ်းချုပ်ခြင်းနှင့် ဝမ်းလျှောခြင်းကိုတစ်လှည့်စီခံစားရခြင်း။
- ဝမ်း(မစင်)အရွယ်အစားအဆက်မပြတ်သေးငယ်သွားခြင်း။
- ရုတ်တရက်ကိုယ်အလေးချိန်ကျဆင်းခြင်း။
- မိသားစုဝင်ထဲမှာ အူမကြီးကင်ဆာရောဂါရာဇဝင်ရှိခြင်း။
ဖော်ပြခဲ့တဲ့လက္ခဏာများဟာ ပြန်မကောင်းလာဘဲ ပိုမိုဆိုးရွားလာမယ်ဆိုရင် စောနိုင်သမျှအစောဆုံး ရောဂါရှာဖွေပြီး ဆရာဝန်နဲ့ပြသဖို့ အကြံပေးချင်ပါတယ်။ ဘာလို့လဲဆိုတော့ လိပ်ခေါင်းရောဂါရဲ့လက္ခဏာများနဲ့ အဖုအကျိတ်များဟာ အူမကြီးကင်ဆာနဲ့ ဆက်စပ်နေလို့ပဲဖြစ်ပါတယ်။ မူမမှန်တဲ့လက္ခဏာတစ်ခုကို စောစောစီးစီးသိလေ ပိုမိုအောင်မြင်တဲ့ ကုသမှုအခွင့်အရေးကို ပေးစွမ်းလေ ဖြစ်ပါတယ်။
ဆွေးနွေးတိုင်ပင်မှုအတွက် တိုက်ရိုက်ပြောဆိုလို့ရပါတယ်။ ဒါမှမဟုတ် Samitivej Virtual Hospital မှ တစ်ဆင့် ကျွန်တော်တို့ရဲ့ အထူးကု ဆရာဝန် များနဲ့ အွန်လိုင်းရက်ချိန်းရယူနိုင်ပါတယ်။ ဒီနေရာကိုကလစ်နှိပ်ပါ…
ဘယ်ဆရာဝန်တွေနဲ့ပြသရမလဲ
အစာအိမ်နှင့်အူလမ်းကြောင်းအထူးကုဆရာဝန် (သို့) အူမကြီးအထူးကုဆရာဝန် တစ်ယောက်က လိပ်ခေါင်းရောဂါကို ရှာဖွေစစ်ဆေးပေးနိုင်ပါတယ်။ ဒါပေမယ့် အစာအိမ်နဲ့အူလမ်းကြောင်းအထူးကုဆရာဝန်ဟာ ခွဲစိတ်မှုမပါတဲ့ ကုသမှုများကို သာလျှင် လုပ်ဆောင်ပေးနိုင်တာဖြစ်ပါတယ်။ တကယ်လို့ ခွဲစိတ်ဖို့လိုတဲ့ လိပ်ခေါင်း အခြေအနေဆိုရင် အူမကြီးခွဲစိတ်ဆရာဝန်(သို့) အထွေထွေခွဲစိတ် ဆရာဝန်မှ လုပ်ဆောင်ပေးနိုင်မှာဖြစ်ပါတယ်။
ဆစ်မီတဝေ့ဆေးရုံမှာ လိပ်ခေါင်းရောဂါကုသပေးသူများဟာ အရည်အသွေး ပြည့်ဝပြီး ကျွမ်းကျင်မှုမြင့်မားတဲ့ ဆရာဝန် များနဲ့ ခွဲစိတ်ဆရာဝန်များဖြစ်ပါတယ်။ ၎င်းဆရာဝန်များဟာ နှစ်ပေါင်း(၂၀) ကျော်အတွေ့အကြုံများနဲ့အတူ နောက်ဆုံး ပေါ်သုတေသနများ၊ လေ့ကျင့်မှုများနဲ့ မျက်ချည်မပြတ်ဘဲ ခေတ်မီပြီး ကမ္ဘာ့အသိအမှတ်ပြု အခံရဆုံး ကုသမှုများကို လုပ်ဆောင်နိုင်သူများဖြစ်ပါတယ်။
လိပ်ခေါင်းရောဂါကိုဘယ်လိုရှာဖွေစစ်ဆေးမလဲ
သာမန်အားဖြင့် ဆရာဝန်တစ်ယောက် အပြင်လိပ်ခေါင်းကို ကြည့်ရှုနိုင်ပါတယ်။ ဒါပေမယ့် အတွင်းလိပ်ခေါင်းဆိုရင်တော့ ပုံမှန်မဟုတ်တာတွေဖြစ်လာနိုင်တာ ကြောင့် စအိုလမ်းကြောင်း နဲ့ စအို စစ်ဆေးမှု လိုအပ်ကောင်း လိုအပ်မှာ ဖြစ်ပါတယ်။ တိကျတဲ့ရောဂါရှာဖွေမှုနဲ့ ကုသမှုကိုလိုချင်တယ် (သို့) လူနာရဲ့ လက္ခဏာအပေါ်မူတည်ပြီး ဆရာဝန်က တခြားရောဂါတွေကို သံသယဖြစ်တယ် ဆိုရင် အူလမ်းကြောင်း တစ်လျှောက်လုံးကို ပြီးပြည့်စုံစွာမြင်တွေ့နိုင်တဲ့ အူမကြီး မှန်ပြောင်းကြည့်ခြင်းကို လုပ်ဆောင်မှာဖြစ်ပါတယ်။
ရောဂါရှာဖွေမှုပြီးတဲ့နောက်မှာ အထိရောက်ဆုံးနဲ့ အန္တရာယ်မရှိတဲ့ ကုသမှု နည်းလမ်းကို ဆရာဝန်က အကြံပြုပေးမှာဖြစ်ပြီး တစ်ခုချင်းစီရဲ့ ကောင်းကျိုး ဆိုးကျိုးတွေကိုလည်း ရှင်းပြပေးမှာဖြစ်ပါတယ်။ ဆစ်မီတဝေ့ဆေးရုံဟာ လာရောက်ကုသတဲ့ လူနာတွေကို အကောင်းဆုံးသော ကုသမှုတွေ ပေးစွမ်း နိုင်ဖို့အတွက် နောက်ဆုံးပေါ်ခွဲစိတ်ကိရိယာများ၊ သန့်ရှင်းပြီး သီးသန့် ဖြစ်တဲ့ စက်ပစ္စည်းများ၊ အထူးနည်းပညာများနဲ့ ဝန်ဆောင်ပေးလျက်ရှိပါတယ်။
လိပ်ခေါင်းရောဂါအတွက်ကုသမှုနည်းလမ်းများ
လိပ်ခေါင်းရောဂါကုသမှုဟာ ဖြစ်ရပ်တစ်ခုချင်းစီအလိုက် အမျိုးအစားနဲ့ ရောဂါ အတိမ်အနက်အပေါ်မူတည်ပါတယ်။
၁။ ခွဲစိတ်မှုမလိုသည့်ကုသမှု - ဒီနည်းလမ်းဟာ လိပ်ခေါင်း အဆင့်(၁) နဲ့ အဆင့်(၂) ကုသရာမှာ အသုံးပြုပါတယ်။ ခွဲစိတ်မှုမလိုတဲ့ကုသမှုနည်းလမ်း များစွာရှိပါတယ်။
- စအိုထဲထည့်ရသည့်ဆေး(Suppository Medication) - အတွင်းလိပ်ခေါင်း နဲ့ ဆက်စပ်နေတဲ့လက္ခဏာတွေကို လျော့ပါးစေဖို့ ပေးရတဲ့ဆေးဖြစ်ပါ တယ်။
- ထိုးဆေးများ(Injections) – ရောင်နေတဲ့နေရာကို ဆေးထိုးမယ်ဆိုရင် အရွယ်အစားလျော့ကျသွားမှာဖြစ်ပါတယ်။ ဒါပေမယ့် အကောင်းဆုံး ရလဒ် ရဖို့ဆိုရင် (၂)ပတ်တစ်ခါ (သို့) (၄)ပတ် တစ်ခါလောက် ဆေးထိုးရမှာပါ။
- သားရေကွင်းချည်ခြင်း(Rubber Band Ligation) – သားရေကွင်းကို လိပ်ခေါင်းရဲ့ ထိပ်ကို တင်းကျပ်စွာစည်းလိုက်ပြီး ပြတ်ထွက်သွားတဲ့အထိ သွေးထောက်ပံ့မှုကို ဟန့်တားလိုက်တာဖြစ်ပါတယ်။ ဒီနည်းလမ်းဟာ ပိုးဝင်ခြင်းနဲ့ တခြား ဘေးထွက်ဆိုးကျိုးတွေရှိတာကြောင့် ကျွမ်းကျင်တဲ့ ဆရာဝန်များရဲ့ ညွှန်ကြားမှုနဲ့သာလုပ်ဆောင်သင့်ပါတယ်။
၂။ ခွဲစိတ်ကုသမှု - အတွင်းလိပ်ခေါင်း အဆင့်(၃) နဲ့ အဆင့်(၄)အတွက်ဆိုရင် ခွဲစိတ်ကုသမှုက သင့်လျော်ပါတယ်။
- သမားရိုးကျလိပ်ခေါင်းခွဲစိတ်မှု - ကြီးမားပြီး ပြဿနာဖြစ်လာနိုင်တဲ့လိပ်ခေါင်း ရောဂါများအတွက် ဒီခွဲစိတ်ကုသမှုကို အသုံးပြုနိုင်ပါတယ်။ စအိုကို လုံးဝ ထိခိုက်မှုမရှိစေဘဲ သွေးကြောထဲကို ဖြတ်တောက်လိုက်တာ ဖြစ်ပါတယ်။ ခွဲစိတ်မှု ပြီးတဲ့နောက်မှာ လူနာအနေနဲ့ ပုံမှန်အတိုင်း ဝမ်းသွားလို့ရမှာဖြစ်ပြီး တခြား ကုသမှုများထက်စာရင် ရေရှည်မှာ ပိုပြီး ကောင်းကျိုးရှိပါတယ်။ ခွဲစိတ်အထူးကု ဆရာဝန်နဲ့ ခွဲမယ်ဆိုရင် ပြန်လည်ဖြစ်ပွားနိုင်ခြေနည်းပါတယ်။
- PPH Stapler အသုံးပြုကုသသည့် Staple Hemorrhoidopexy နည်းပညာ -
ဒီနည်းလမ်းဟာ အရွယ်အစားပိုမိုသေးငယ်တဲ့ အတွင်းလိပ်ခေါင်း ကုသမှုအတွက် သင့်တော်ပါတယ်။ ဒါပေမယ့်လည်း လိပ်ခေါင်းခံစားရပြီဆိုရင် အတွင်းလိပ်ခေါင်း ရော အပြင်လိပ်ခေါင်းပါ တွဲပြီး ဖြစ်နိုင်တယ်ဆိုတဲ့ အချက်ကြောင့် ဒီကိရိယာ အသုံးပြုမှုဟာ သိပ်တော့ မတွင်ကျယ်ပါဘူး။ ခွဲစိတ်ဆရာဝန်တွေအတွက် ဒီ ကုသမှုဟာ အတော်လေး သတိကြီးစွာထားရမယ့် ကုသမှုဖြစ်ပါတယ်။ ခွဲစိတ်ရာ က အရမ်းကျဉ်းပြီး တချို့ပြင်ပတစ်ရှူးများကို ဖယ်ရှားမိလိုက်မယ်ဆိုရင် သတ္တုကွင်းကို ပုံသေ နေရာအထားမှားမှုကြောင့် နောက်ဆက်တွဲပြဿနာတွေ ရှိလာနိုင်ပါတယ်။ - လေဆာဖြင့်ကုသခြင်း - လေဆာနဲ့ ကုသတဲ့နည်းလမ်းဟာ ပြူးထွက်နေတဲ့ တစ်ရှူးတွေ သေးငယ်တဲ့ အခြေအနေနဲ့ ပြင်းထန်မှုနည်းပါးတဲ့ အခြေအနေ မှာ အသုံးပြုပါတယ်။ ရောင်ရမ်းနေတဲ့ သွေးကြောများဆီကို လေဆာရောင်ခြည် ဦးတည်ပစ်လွှတ်ပြီး တဖြည်းဖြည်း ဖျက်စီးပစ်လိုက်တာဖြစ်ပါတယ်။ ဒီနည်းလမ်း ဟာ အတော်လေးထိရောက်မှုရှိပေမယ့် ရေရှည်မှာ လိပ်ခေါင်း နောက်တစ်ကြိမ် ဖြစ်လာနိုင်တဲ့ အခွင့်အရေးများပါတယ်။
- Recto-Anal Repair နည်းလမ်းဖြင့် လိပ်ခေါင်းသွေးကြောကိုစည်းနှောင်ခြင်း
ဒီနည်းလမ်းဟာ ပိုမိုသေးငယ်တဲ့ အတွင်းလိပ်ခေါင်းကို ကုသရာမှာ အသုံးပြုပါ တယ်။ ဒီကုသမှုဟာ လိပ်ခေါင်းဆီ သွေးပို့လွှတ်တဲ့ သွေးကြောတစ်ခုချင်းစီရဲ့ တည်နေရာကို တိတိကျကျညွှန်ပြပေးတဲ့ အာထရာစောင်း ရလဒ်များအပေါ် မူတည်ပါတယ်။ လိပ်ခေါင်းဆီ သွေးပို့လွှတ်ခြင်းကို ဖြတ်တောက်လိုက်ဖို့အတွက် သွေးကြောကို ပြန်ချုပ်ပေးလိုက်တာဖြစ်ပါတယ်။ ဒီနည်းလမ်းဟာ သွေးကြောများ ပျံ့နှံ့မှုကြောင့်သော်လည်းကောင်း (သို့) ဖျက်စီးလိုက်တဲ့သွေးကြောနေရာမှာ ခန္ဓာကိုယ်ကပြန်အစားထိုးခြင်းကြောင့်သော်လည်းကောင်း ရေရှည်မှာ လိပ်ခေါင်း ပြန်လည်ဖြစ်ပေါ်လာနိုင်ခြေရှိပါတယ်။
လူနာများအနေနဲ့ ကိုယ့်ရောဂါအခြေအနေအပေါ်မူတည်ကာ အသင့်လျော်ဆုံး ကုသမှုနည်းလမ်းတွေကို Samitivej Virtual Hospital ကနေတစ်ဆင့် အထူးကုဆရာဝန်များနဲ့တိုင်ပင်ရှာဖွေနိုင်ပါတယ်။ ဒီနေရာကိုကလစ်နှိပ်ပါ။.
လိပ်ခေါင်းရောဂါကိုကုသပေးနေတဲ့ဆစ်မီတဝေ့ဆေးရုံမှအထူးကုဆရာဝန်ကြီးများ
Chingyiam Panjapiyakul, M.D. ဟာ Endoscopic နဲ့ Laparoscopic နည်းပညာ ခွဲစိတ်ကုသမှု တွေမှာ ကျွမ်းကျင်တဲ့ဆရာဝန်တစ်ဦးဖြစ်ပါတယ်။ Dr.Pornthep ဟာ Siriraj Hospital Mahidol University ကနေ Faculty of Medicine ဘွဲ့ကို First Class Honors နဲ့ ရရှိခဲ့သူဖြစ်ပါတယ်။ ဒါ့အပြင် အမေရိကန်နိုင်ငံ Loyola University Chicago Stritch School of Medicine (SSOM) နဲ့ ဂျပန်နိုင်ငံ Kyushu University Hospital တို့မှာ အထူးပြုလေ့ကျင့်ခဲ့သူဖြစ်ပါတယ်။ ပြည်ပအတွေ့အကြုံ (၇)နှစ်ကျော်ရှိပြီး လူသိများတဲ့ ထိုင်းလူမျိုးခွဲစိတ်အထူးကု ဆရာဝန်တစ်ဦးဖြစ်ကာ လိပ်ခေါင်းကုသမှုကို အထူးပြုလုပ်ဆောင်သူဖြစ်ပါတယ်။ Dr. Pornthep နဲ့ပြသဖို့ ရက်ချိန်းရယူလိုပါက ဒီနေရာမှာကလစ်နှိပ်ပါ။
Pakpong Wathanaoran, M.D. ဟာ အူကျွံခြင်းကိုကုသမှု၊ ကိရိယာအသုံးပြုခွဲစိတ်ကုသမှုနဲ့ ဝမ်းဗိုက်ခွဲစိတ်ကုသမှုတွေမှာ အတွေ့အကြုံ(၁၀)နှစ်ကျော်ရှိတဲ့ အထူးကုဆရာဝန် ကြီးတစ်ဦးဖြစ်ပါတယ်။ သူဟာ ကိရိယာသုံးခွဲစိတ်ကုသမှုပေါင်း (၁၅၀၀) ကျော်ကို လုပ်ဆောင်ခဲ့ပြီးဖြစ်ပါတယ်။ Dr.Pakpong ဟာ Medicine Siriraj Hospital, Mahidol University ကနေ Second Class Honors M.D နဲ့ ဘွဲ့ရရှိခဲ့ပြီး နောက်ဆုံးပေါ်ဆေးပညာလောကနဲ့ အဆက်မပြတ်ခဲ့ဘဲ Workshops ၊ Seminar တွေမှာ ပါဝင်ခြင်းအားဖြင့် သူ့အချိန်တွေကို ဆေးပညာမှာသာ မြှုပ်နှံ ထားခဲ့ပါတယ်။ Dr. Pakpong နဲ့ပြသဖို့ ရက်ချိန်းရယူလိုပါက ဒီနေရာမှာကလစ်နှိပ်ပါ။
Pornthep Prathanvanich, M.D. ဟာ Endoscopic နဲ့ Laparoscopic နည်းပညာ ခွဲစိတ်ကုသမှု တွေမှာ ကျွမ်းကျင်တဲ့ဆရာဝန်တစ်ဦးဖြစ်ပါတယ်။ Dr.Pornthep ဟာ Siriraj Hospital Mahidol University ကနေ Faculty of Medicine ဘွဲ့ကို First Class Honors နဲ့ ရရှိခဲ့သူဖြစ်ပါတယ်။ ဒါ့အပြင် အမေရိကန်နိုင်ငံ Loyola University Chicago Stritch School of Medicine (SSOM) နဲ့ ဂျပန်နိုင်ငံ Kyushu University Hospital တို့မှာ အထူးပြုလေ့ကျင့်ခဲ့သူဖြစ်ပါတယ်။ ပြည်ပအတွေ့အကြုံ (၇)နှစ်ကျော်ရှိပြီး လူသိများတဲ့ ထိုင်းလူမျိုးခွဲစိတ်အထူးကု ဆရာဝန်တစ်ဦးဖြစ်ကာ လိပ်ခေါင်းကုသမှုကို အထူးပြုလုပ်ဆောင်သူဖြစ်ပါတယ်။ Dr. Pornthep နဲ့ပြသဖို့ ရက်ချိန်းရယူလိုပါက ဒီနေရာမှာကလစ်နှိပ်ပါ။
ကိုဗစ်ကာလအတွင်းဆေးကုသဖို့အတွက်လာမယ်ဆိုရင်
ခရီးသွားကာလကြာချိန်
တခြားနိုင်ငံကနေ ဆေးရုံကိုလာရောက်ကုသမှုခံယူသူများအနေနဲ့ ထိုင်းအစိုးရရဲ့သတ်မှတ်ချက်အတိုင်း ဆေးရုံကွာရန်တင်း (AHQ) (၁၅) ရက် ဝင်ရောက်ရမှာဖြစ်ပါတယ်။ တကယ်လို့ လိပ်ခေါင်းက အရမ်းမကြီးဘူးဆိုရင် ခွဲစိတ်ကုသမှုက ခန့်မှန်း မိနစ် (၄၀)လောက်ပဲ ကြာပြီး ဆေးရုံမှာ တစ်ညနေဖို့ လိုအပ်ကောင်းလိုအပ်ပါလိမ့်မယ်။ အဲဒီနောက် ထုံးစံအတိုင်း ဆေးရုံရဲ့ အထူးကု ဆရာဝန်ကြီးမှ တစ်ပတ်အတွင်း နောက်ထပ်ပြသဖို့ ရက်ချိန်းပေးမှာဖြစ်ပါတယ်။ ဆရာဝန်ကခွင့်ပြုတယ်ဆိုရင် လူနာအနေနဲ့ ထပ်မံပြသရမယ့်ရက်ချိန်းကို Samitivej Virtual Hospital ကနေတစ်ဆင့် ဗီဒီယိုကောလ်နဲ့ ပြသနိုင်ပါတယ်။ တကယ်လို့ လိပ်ခေါင်းရောဂါကို ကုသဖို့အတွက်လာရောက်မယ်ဆိုရင် ဘန်ကောက်မှာ အနည်းဆုံး (၁၇) ရက် ( ရက်ချိန်းပြသမှုပါလျှင် (၂၄) ရက် ) နေထိုင်ဖို့ အကြံပြုချင်ပါတယ်။
New Normal ကာလအတွင်း ကျန်းမာရေးဝန်ဆောင်မှုများ
ဆက်လက်ဖတ်ရှုရန်
- အွန်လိုင်းဆွေးနွေးတိုင်ပင်မှု - လူနာများအနေနဲ့ မိမိတို့ရဲ့ ဆေးစစ်ချက်ကို ပေးပို့ပြီး Samitivej Virtual Hospital ကနေတစ်ဆင့် ဗီဒီယိုကောလ် ခေါ်ဆိုကာ အထူးကုဆရာဝန်နဲ့ ဆွေးနွေးတိုင်ပင်နိုင်ပါတယ်။
- Covid-19 စစ်ဆေးပေးခြင်း - ဆစ်မီတဝေ့ဆေးရုံဟာ လူနာနဲ့ ကျန်းမာရေး ဝန်ထမ်းများရဲ့ ဘေးကင်းလုံခြုံမှုကိုရှေးရှုပြီး ခွဲစိတ်ကုသမှုမတိုင်ခင်မှာ လူနာအားလုံးကို Covid-19 စစ်ဆေးပေးပါတယ်။ အဆိုပါစစ်ဆေးမှုကို ၂၀၂၁ ခုနှစ် မတ်လအထိ အခမဲ့ဝန်ဆောင်မှုပေးခဲ့တာဖြစ်ပါတယ်။
- သန့်ရှင်းမှုနှင့်ဘေးကင်းလုံခြုံမှု - ဆစ်မီတဝေ့ဆေးရုံတစ်ခုလုံးမှာ ပိုးသတ် နည်းပညာများနဲ့ လုံခြုံစိတ်ချရတဲ့စီမံမှုတွေကို လုပ်ဆောင်ထားပါ တယ်။ ဆေးရုံရဲ့ခွဲစိတ်ခန်းတွေဟာ ရောဂါပိုးမွှားများအန္တရာယ်ကို လျှော့ချ ပေးတဲ့ Laminar Airflow Filtration တပ်ဆင်ထားတာကြောင့် နိုင်ငံတကာ အသိအမှတ်ပြုမှုကို ရရှိထားပါတယ်။ ဘတ်တီးရီးယားကာကွယ်မှုနံရံများနဲ့ အထူးပြုလုပ်ထားတဲ့ မှန်သားနံရံ စနစ်ဟာ ဘတ်တီးရီးယားနဲ့ ရောဂါပိုး များကို လျှော့ချပေးနိုင်ပါတယ်။
- Samitivej PROMPT – ဒီဝန်ဆောင်မှုဟာ လူနာများအနေနဲ့ အနှောင့်အယှက်မရှိ အနားယူလိုတဲ့ အချိန်ကို မိမိတို့ရဲ့ ဆရာဝန်ဆီ စာပို့ အကြောင်းကြားနိုင်တဲ့ ဝန်ဆောင်မှုဖြစ်ပါတယ်။ ဒါ့အပြင် ဆေးရုံတက်ခြင်း အတွက် ကနဦးကုန်ကျစရိတ်ကိုလည်း သိရှိနိုင်ပါတယ်။
- Samitivej PACE – ဒီ Application ထဲ ဝင်ရောက်နိုင်တဲ့ Link ကို လူနာဆီ ပေးပို့မှာဖြစ်ပါတယ်။ လူနာအနေနဲ့ အဆိုပါ Link ကို မိမိတို့ရဲ့ ဆွေမျိုး မိတ်ဆွေများထံ ထပ်မံပေးပို့ပြီး ခွဲစိတ်ကုသမှုအတွင်း အချိန်နဲ့ တစ်ပြေးညီ ကြည့်ရှုနိုင်မှာဖြစ်ပါတယ်။ ဒါ့အပြင် လူနာဟာ ခွဲစိတ်ခန်းအတွင်းဝင်ဖို့ စောင့်နေတယ်၊ Recovery Rooms ထဲရောက်သွားပြီ စတဲ့ အခြေအနေများ ကို အချိန်နဲ့တစ်ပြေးညီ သိနိုင်မှာဖြစ်ပါတယ်။
Digital Ward
ဆစ်မီတဝေ့ဆေးရုံမှာ လူနာများအတွက် သက်သောင့်သက်သာနဲ့ လွယ်ကူ အဆင်ပြေစေဖို့အတွက် Digital Ward ကို ဖန်တီးထားပါတယ်။ လူနာအနေနဲ့ Ipod ကနေတစ်ဆင့် သူနာပြုများရဲ့ အကူအညီကို ရယူနိုင်ရုံမျှမက မီးနှင့် အဲကွန်း အဖွင့်အပိတ်ပြုလုပ်နိုင်ခြင်း၊ လူနာရဲ့နာမည်မှလွဲပြီး တခြားအချက် အလက်များကို ဖော်ပြထားတဲ့ မော်နီတာမျက်နှာပြင်၊ မတော်တဆ ချော်လဲခြင်း၊ ခလုတ်တိုက်မိခြင်း၊ လူနာကုတင်နဲ့ မိနစ်(၃၀) ကင်းကွာသွားရင် သူနာပြုများဆီ အချက်ပြနိုင်တဲ့ Paramount Bed System စတာတွေ ပါရှိပါတယ်။
ဘန်ကောက်ဆစ်မီတဝေ့ဆေးရုံမှာ လာရောက် ဆေးကုသမှုခံယူဖို့လိုအပ်ပါက Samitivej Virtual Hospital မှတစ်ဆင့် အသင့်တော်ဆုံးဆေးကုသမှုနည်းလမ်း၊ ဘန်ကောက်တွင်နေထိုင်ရေး ရက်ပေါင်း ကြာချိန်များကို အထူးကုဆရာဝန်များနှင့် အွန်လိုင်းဆွေးနွေးနိုင်ပါတယ်။ ရက်ချိန်းကို ဒီနေရာမှာနှိပ်ပြီး ရယူလို့ရပါတယ်။
ဘာသာပြန်ဝန်ဆောင်မှုအကူအညီ
လာရောက်ကုသတဲ့လူနာနဲ့ ကုသပေးမယ့် ဆရာဝန်များအကြား နားလည် သဘောပေါက်အောင် ပြောဆိုဆက်ဆံနိုင်ဖို့ကအရေးကြီးပါတယ်။ ဒါကြောင့် ဆစ်မီတဝေ့ဆေးရုံမှာ ဂျပန်၊ ကိုးရီးယား၊ မြန်မာ၊ တရုတ်၊ အာရပ်၊ အင်ဒိုနီးရှား အပါအဝင် ဘာသာစကားပေါင်းများစွာကို ကောင်းမွန်စွာဘာသာပြန်ပေးနိုင်တဲ့ ဘာသာပြန် များကိုလည်း စီစဉ်ထားရှိပါတယ်။
အထူးကုဆရာဝန်ကြီးများနဲ့ အွန်လိုင်းဆွေးနွေးရန် မေးမြန်းလိုပါက ဒီနေရာမှာ ကလစ်နှိပ်ပါ။
နိုင်ငံတကာဆုတံဆိပ်များနှင့်အသိအမှတ်ပြုမှုများ
ဆစ်မီတဝေ့ဆေးရုံဟာ ရောဂါရှာဖွေမှုနဲ့ စစ်ဆေးမှုကို အဓိကထားတာကြောင့် ကုသမှုထက် ကာကွယ်မှုကို အလေးပေးပါတယ်။ တကယ်လို့ ကုသမှုလိုအပ် တယ်ဆိုရင် ဆေးရုံဘက်က အထိရောက်ဆုံး ကုသမှုပေးစွမ်း နိုင်တယ်ဆိုတာကို လူနာတွေအနေနဲ့ ယုံကြည်ကြပါတယ်။
ဆစ်မီတဝေ့ဆေးရုံဟာ ၂၀၂ဝခုနှစ်အတွင်းမှာ အရည်အသွေးမြင့် ဆုတံဆိပ် (၄) ဆုကို ပေးအပ်ချီးမြှင့်ခြင်းခံခဲ့ရပါတယ်။
ဆစ်မီတဝေ့မှ ဝန်ထမ်းများအနေနဲ့ လူနာများကိုကူညီဖို့အတွက် အောက်ပါ ဝန်ဆောင်မှုများပေးဖို့အသင့်ရှိနေပါတယ်။
- အွန်လိုင်းဗီဒီယိုကောလ်မှတစ်ဆင့်ဆရာဝန်နှင့် ကုသမှုအစီအစဉ် ဆွေးနွေးတိုင်ပင်ခြင်း (ဒုတိယရွေးချယ်မှု)။
- တခြားဆေးရုံမှ ဆေးမှတ်တမ်းများနဲ့ ခန့်မှန်းကုန်ကျစရိတ်များရှိခဲ့မယ်ဆိုရင်လုပ်ဆောင်နိုင်တဲ့ ကုသမှုစီစဉ်ရေးဆွဲခြင်း။
- ဆစ်မီတဝေ့ရဲ့ တန်ဖိုးတွက်ချက်မှုအဖွဲ့ (Appraisal Team) မှ အာမခံ ဈေးနှုန်းနဲ့အတူ ကုန်ကျစရိတ်တွက်ချက်ရေးဆွဲခြင်း။ ( နောက်ဆက်တွဲ ရောဂါမရှိသည့်ကုသမှုအစီအစဉ်များအတွက်သာ)
- ထိုင်းနိုင်ငံအပါအဝင် နိုင်ငံတကာကုမ္ပဏီများနှင့် ဆေးဝါးဝယ်ယူနိုင်သည့်ပမာဏ (Initial Coverage Eligibility) တွက်ချက်ပေးခြင်း။ (ဆေးရုံနှင့်စာချုပ် ချုပ်ဆိုထားသည့်ကုမ္ပဏီများအတွက်သာ)
လူနာများအနေနဲ့ ကိုယ့်ရောဂါအခြေအနေအပေါ်မူတည်ကာ အသင့်လျော်ဆုံး ကုသမှုနည်းလမ်းတွေကို Samitivej Virtual Hospital ကနေတစ်ဆင့် အထူးကုဆရာဝန်များနဲ့တိုင်ပင်ရှာဖွေနိုင်ပါတယ်။ ပိုမိုသိရှိလိုလျှင် (သို့) ရက်ချိန်း ရယူရန် ဒီနေရာကိုကလစ်နှိပ်ပါ။
တတ်ကျွမ်းနားလည်သူများထံမှာ အကူအညီရယူလိုက်ပါ။
စုံစမ်းမေးမြန်းရန် (သို့) ရက်ချိန်းယူရန်
*ထည့်သွင်းရန်လိုအပ်သည်။
ဆောင်းပါးမျှဝေရန်
