ဆစ်မီတဝေ့ရဲ့ဦးစားပေးရာလူနာများရဲ့ဘေးကင်းလုံခြုံမှု

ဆစ်မီတဝေ့ဆေးရုံဟာ ထိုင်းနိုင်ငံမှပြည်သူတွေ ကိုဗစ်ရောဂါ ကပ်ဆိုးကာလကို အောင်မြင်ကျော်လွှားနိုင်ဖို့ ပံ့ပိုးကူညီနိုင်မှုမှန်သမျှကို လုပ်ဆောင်လျက်ရှိပါတယ်။ ကျန်းမာရေးစောင့်ရှောက်မှုများအတွက် အဖက်ဖက်မှအကောင်းဆုံးပံ့ပိုးဖြည့်တင်းရာမှာ ဆေးရုံရဲ့ကုသဝန်ဆောင်မှုကိုခံယူလိုသော်လည်း ယခုလိုကာလမှာ ဆေးရုံကို လူကိုယ်တိုင်လာဖို့အဆင်မပြေသူများအတွက်လည်း ထည့်သွင်းစဉ်းစားပါတယ်။ ဒီလိုစိန်ခေါ်မှု အခက်အခဲများကို ဖြေရှင်းဖို့ အွန်လိုင်းမှတစ်ဆင့် ဆရာဝန်နဲ့ ဆွေးနွေးတိုင်ပင်ခြင်း၊ လူနာများအနေနဲ့ အိမ်မှာပဲနေပြီး ဆေးရုံဝန်ဆောင်မှုများကို ရယူနိုင်တဲ့ဝန်ဆောင်မှုအသစ်များ၊ ကျွန်တော်တို့ရဲ့ ဆေးဘက်ဆိုင်ရာ ကျွမ်းကျင်ဝန်ထမ်းများရဲ့ ရောဂါကာကွယ်မှုကို အထူးဦးစားပေးတဲ့ ကာကွယ်ဆေး ထိုးနှံခြင်း အပါအဝင် အရေးပေါ်ကျန်းမာရေး စောင့်ရှောက်မှုအစီအစဉ်များ စသည်တို့ကို လုပ်ဆောင်ပေးလျက်ရှိပါတယ်။

ကိုဗစ်ကာလအတွင်း သန့်ရှင်းမှု၊ လုံခြုံမှုနဲ့ ရောဂါပိုးမွှားကင်ဝေးရေးကို ဦးစားပေးတဲ့ ဆစ်မီတဝေ့ဆေးရုံဟာ ဆေးရုံပရဝုဏ်နေရာအားလုံးကို ရောက်လာသူတိုင်း အမြင့်မား ဆုံးသော ယုံကြည်မှုရရှိအောင် စီစဉ်ပေးထားပါတယ်။ ဒီလိုပြင်ဆင်ထားရှိမှုဟာ ပြည်သူ့ကျန်းမာရေးဝန်ကြီးဌာန မှ သတ်မှတ်ထားတဲ့ စည်းမျဉ်းစည်းကမ်းများအတိုင်း လိုက်နာဆောင်ရွက်တာဖြစ်ပြီး အောက်ပါအတိုင်း ဖြစ်ပါတယ်။

• ဆေးရုံရဲ့ ဝင်ပေါက် ထွက်ပေါက်နေရာများကို လျှော့ချထားအပြင် ဆေးရုံကို ရောက်လာသူများနဲ့ ဆေးရုံဝန်ထမ်းများ အားလုံးကို ရောဂါပိုးကင်းစင်စေဖို့ သက်ဆိုင်ရာဝန်ထမ်းများမှ စစ်ဆေးပေးတဲ့အပြင် အယ်လ်ကိုဟောပါတဲ့ လက်ဆေးဂျယ်များကိုလည်း ထားရှိပါတယ်။
• ဖျားနာခြင်း ရှိ မရှိ သိရဖို့ အပူချိန်တိုင်းကိရိယာအသုံးပြုကာ စစ်ဆေးပေး တဲ့အပြင် သံသယရှိသူလူနာများ (သို့) ရောဂါဖြစ်နိုင်ခြေရှိတဲ့လူနာများကို အသက်ရှူလမ်းကြောင်းဆိုင်ရာရောဂါကူးစက်မှုအထူးကုဆေးခန်း (Acute Respiratory Infection Clinic) မှာ သီးသန့်ခွဲထုတ်ကာထားရှိပါတယ်။ အဆိုပါဆေးခန်းကို ပင်မဆေးရုံ အဆောက်အဦးမှ သီးသန့်ခွဲထား တာဖြစ်ပါတယ်။
• COVID-19 ခေတ် နည်းပညာများကိုအလေးထားပြီး ယုံကြည်မှုပိုမိုတိုးမြင့်စေရန် ဖိနပ်များကို ပိုးသတ်ပေးသည့်ကိရိယာများ၊ ဘတ်တီးရီးယားနဲ့ ဗိုင်းရပ်စ်ပိုးမွှား များ ကိုသတ်ထားသည့် အခင်းများ၊ လက်ကိုင်ကဲ့သို့သော မျက်နှာပြင်နေရာများ ကိုပိုးသတ်ပေးသည့် UV-Cနည်းပညာသုံး ပိုးသတ်မီးချောင်းများ၊ ပြင်ပလူနာခန်း၊ အတွင်းလူနာခန်း၊ ခွဲစိတ်ခန်း၊ အထူးကြပ်မတ်ကုသခန်း စသဖြင့် အခန်းအားလုံး ရှိ ရောဂါပိုးမွှားများကို (၉၉.၉)ရာခိုင်နှုန်းအထိ လျှော့ချပေးနိုင်သည့် UV-C နည်းပညာသုံးပိုးသတ်ကိရိယာများကို အသုံးပြုပါတယ်။
• ဆေးရုံကိုလာရောက်တဲ့လူနာအရေအတွက်နဲ့ ဆေးရုံမှာအသုံးချရတဲ့အချိန်ကို လျှော့ချနိုင်ဖို့ “ Register Anywhere ” ဆိုတဲ့ System ကို အသုံးပြုနိုင်တဲ့အပြင် နေအိမ်မှအပြင်မထွက်ချင်သည့်လူနာများ(သို့) ဆေးရုံကို လူကိုယ်တိုင်လာ ရောက်ဖို့အဆင်မပြေသည့်လူနာများ အတွက် Samitivej Virtual Hospital မှတစ်ဆင့် ဆရာဝန်နဲ့ ဆွေးနွေးတိုင်ပင်နိုင်ပါတယ်။

• Worry - free အရေးပေါ်ကျန်းမာရေးစောင့်ရှောက်မှု
• Samitivej Virtual Hospitalမှတစ်ဆင့်ဆရာဝန်နဲ့ဆွေးနွေးတိုင်ပင်ခြင်း
• အိမ်တိုင်ရာရောက်ဝန်ဆောင်မှုပေးသည့်Samitivej Care Plusအစီအစဉ်
• ကာကွယ်ဆေးများဖြင့်ခုခံအားကောင်းမွန်စေခြင်း

ထပ်မံသိလိုသည့်အချက်အလက်များနှင့် ဆေးရုံရဲ့ဝန်ဆောင်မှုများကိုမေးမြန်းစုံစမ်းဖို့  ဒီနေရာမှာကလစ်နှိပ်ပါ။