Gut Microbiome Screening Program (အူလမ်းကြောင်း အဏုဇီဝဂေဟစနစ်ကျန်းမာရေး စစ်ဆေးခြင်းအစီအစဉ်)
ခန္ဓာကိုယ်ထဲမှာ အူလမ်းကြောင်းဆိုင်ရာ အဏုဇီဝပိုးတွေ မမျှမတဖြစ်နေတယ်လို့ ခံစားရတဲ့ လက္ခဏာတွေ ရှိနေပြီလား?
အောက်ပါလက္ခဏာတွေ ရှိနေပြီလား ဆိုတာ ဆန်းစစ်ကြည့်ပါ။
- ဗိုက်ထဲမှာလေပွခြင်း၊ ဝမ်းလျှောခြင်း သို့မဟုတ် ဝမ်းချုပ်ခြင်း
- ပျောက်နိုင်ခဲတဲ့ ဝက်ခြံတွေထွက်ပြီး အရေပြားရောင်ရမ်းခြင်း
- ခဏခဏ ပြန်ဖြစ်တတ်တဲ့ ဓာတ်မတည့်အရေပြားယားယံဖုများ ထွက်ခြင်း
- ကိုယ်အလေးချိန် လျှော့ချရ ခက်ခဲနေခြင်း
ကျွန်တော်တို့ရဲ့ အူလမ်းကြောင်းထဲမှာ အဏုဇီဝပိုး အမျိုးအစားပေါင်း (၅,၀၀၀) ကျော် မှီတင်းနေထိုင်နေတယ် ဆိုတာကိုရော သင်သိပါသလား?အခုဆိုရင် Next Generation Sequencing (NGS) လို့ခေါ်တဲ့ အဏုဇီဝမျိုးဗီဇ အသေးစိတ် စစ်ဆေးနည်းကို အသုံးပြုပြီး ခန္ဓာကိုယ်ထဲက အကျိုးပြုပိုးနဲ့ အကျိုးမဲ့ပိုး အမျိုးအစားပေါင်း (၁၀၀) ကျော်ကို အသေးစိတ် ခွဲခြားစိတ်ဖြာ စစ်ဆေးနိုင်ပြီ ဖြစ်ပါတယ်။
| ပရိုဂရမ် | ပရိုမိုးရှင်းဈေးနှုန်း (ထိုင်းဘတ်) |
|
Gut Microbiome Screening (အူလမ်းကြောင်း အဏုဇီဝဂေဟစနစ်ကျန်းမာရေး စစ်ဆေးခြင်း) |
18,000 |
Gut microbiome screening (အူလမ်းကြောင်း အဏုဇီဝဂေဟစနစ်ကျန်းမာရေး စစ်ဆေးခြင်း) ဆိုတာ ဝမ်းစစ်ဆေးခြင်းနည်းလမ်းကို အသုံးပြုပြီး အူလမ်းကြောင်းမှာရှိတဲ့ အဏုဇီဝပိုးတွေရဲ့ ကျန်းမာရေး အခြေအနေကို စစ်ဆေးပေးခြင်း ဖြစ်ပါတယ် ။ ဒီစစ်ဆေးမှုကတစ်ဆင့် အဏုဇီဝပိုး အမျိုးအစား ပေါင်း (၁၀၀) ကျော်ရဲ့ ပမာဏကို သိရှိနိုင်ရုံသာ မက ဖြစ်ပွားနိုင်ခြေရှိတဲ့ အောက်ပါ ဝေဒနာ (၉) မျိုးနဲ့ ဆက်စပ်မှု တွေကိုပါ ဆန်းစစ်အဖြေထုတ်ပေးနိုင်ပါတယ်။
- အဝလွန်ခြင်း
- နာတာရှည် အူလမ်းကြောင်းလှုပ်ရှားမှုမမှန်သည့် ရောဂါ
- ဆီးချိုရောဂါ
- သွေးတွင်း ကိုလက်စထရော မြင့်မားခြင်း
- အသားစားသုံးမှုနဲ့ ဆက်စပ်သော နှလုံးနဲ့ သွေးကြောဆိုင်ရာ ရောဂါများ
- အူမကြီး အသားပိုများ
- စိတ်ဓာတ်ကျခြင်း
- လေးဖက်နာ အဆစ်အမြစ် ရောင်ရမ်းခြင်း
- အသက်အရွယ်ကြောင့် ဖြစ်တတ်သော အမြင်အာရုံ ချွတ်ယွင်းခြင်း
အူလမ်းကြောင်း အဏုဇီဝဂေဟစနစ် မမျှတခြင်း
ကျန်းမာတဲ့ အူလမ်းကြောင်း အဏုဇီဝဂေဟစနစ်ဟာ အူနံရံဆဲလ်တွေကို အကျိအချွဲလွှာလေးနဲ့ ဖုံးအုပ်ပြီး အကာအကွယ်ပေးထားခြင်းအားဖြင့် ခန္ဓာကိုယ်ကို ဒုက္ခပေးမယ့် ပိုးမွှားတွေ အူနံရံကို ထိုးဖောက်မဝင်နိုင် အောင် တားဆီးပေးထားပါတယ်။ အစာခြေလမ်းကြောင်းထဲမှာ အကျိုးပြုပိုးတွေ နည်းသွားပြီး အဏုဇီဝပိုး တွေ မမျှတတော့ဘူးဆိုရင်တော့ နာတာရှည် အူလမ်းကြောင်းရောင်ရမ်းတာ (chronic inflammatory bowel disease - IBD) နဲ့ နာတာရှည် အူလမ်းကြောင်း လှုပ်ရှားမှု မမှန်ခြင်း (irritable bowel syndrome - IBS) လို ရောဂါတွေ ဖြစ်ပွားဖို့ အခွင့်အလမ်း ပိုများလာစေနိုင်ပါတယ်။ အထူးသဖြင့် ပိုးသတ်ဆေးတွေ သောက်သုံးတဲ့ အခါမျိုးမှာ ရောဂါဖြစ်စေတဲ့ ပိုးမွှားတွေ ပိုမိုအားကောင်းလာတတ်ပြီး၊ အဲ့ဒီပိုးတွေက အူနံရံဆဲလ်တွေထဲ အထိ ထိုးဖောက်ဝင်ရောက်သွားကာ ခန္ဓာကိုယ်မှာ ရောင်ရမ်းမှုတွေဖြစ်ပြီး ရောဂါဝေဒနာတွေ ရလာနိုင်ပါတယ်။
စစ်ဆေးမှုက ဘာတွေလုပ်ရတာလဲ၊ ပြီးဖို့ အချိန်ဘယ်လောက်ကြာနိုင်ပါသလဲ?
ဒီစစ်ဆေးမှုဟာ အဏုဇီဝမျိုးဗီဇ အသေးစိတ် စစ်ဆေးနည်း (Next Generation Sequencing - NGS) ကို အသုံးပြုတာဖြစ်ပြီး၊ ATK စစ်သလိုမျိုးပဲ ဂွမ်းတံလေးနဲ့ တို့ဖတ် နမူနာယူရတာ ဖြစ်လို့ ရိုးရှင်းလွယ်ကူပါတယ်။ ဆေးရုံကို မလာရောက်နိုင်ဘူးဆိုရင်လည်း အိမ်မှာတင် နမူနာယူ စစ်ဆေးနိုင်ပါတယ်။ ဆေးရုံဝန်ထမ်း တွေက ချိန်းဆိုထားတဲ့အတိုင်း အိမ်တိုင်ရာရောက် နမူနာလာယူပေးမှာဖြစ်ပြီး၊ တိကျတဲ့အဖြေရဖို့အတွက် ကိုးရီးယားနိုင်ငံရှိ ဓာတ်ခွဲခန်းကို ပေးပို့စစ်ဆေးသွားမှာ ဖြစ်ပါတယ်။ ဒီစစ်ဆေးမှုဟာ အချိန်တိုအတွင်းမှာပဲ မြန်မြန်ဆန်ဆန်ပြီးစီးမှာ ဖြစ်ပါတယ်။
စစ်ဆေးခြင်းမှ ရရှိလာမည့် အကျိုးကျေးဇူးများ
ဒီလို စစ်ဆေးလိုက်ခြင်းအားဖြင့် မိမိရဲ့ ကျန်းမာရေးနဲ့ပတ်သက်ပြီး အောက်ပါအချက်တွေကို သေချာသိရှိသွားစေနိုင်ပါတယ်။
- ခန္ဓာကိုယ်ထဲမှာရှိတဲ့ အဏုဇီဝပိုး အမျိုးအစားတွေ၊ သူတို့ရဲ့ ပမာဏနဲ့ သိပ်သည်းဆ။
- အဏုဇီဝပိုး အမျိုးအစား ဘယ်နှမျိုးလောက် ရှိနေသလဲဆိုတဲ့ အရေအတွက်နဲ့ သူတို့ရဲ့ ကွဲပြားခြားနားမှု အခြေအနေ။
- အဏုဇီဝပိုး အမျိုးအစားတစ်ခုချင်းစီက သင့်ခန္ဓာကိုယ်အတွက် ဘယ်လိုအကျိုးပြုနေသလဲဆိုတဲ့ အခန်းကဏ္ဍ။
စစ်ဆေးမှု ရလဒ်အဖြေထွက်လာပြီးရင် ဘာတွေဆက်လုပ်ရမလဲ?
ဆရာဝန်က အဏုဇီဝပိုးမွှားအသေးစိတ်စစ်ဆေးနည်းကနေ ရရှိလာတဲ့ ရလဒ်ကိုကြည့်ပြီး အူလမ်းကြောင်း အဏုဇီဝပိုးတွေကြောင့် ဖြစ်လာနိုင်တဲ့ နာတာရှည်အူလမ်းကြောင်းလှုပ်ရှားမှု မမှန်တဲ့ ဝေဒနာ (IBS)၊ အဝလွန်ခြင်း၊ ဆီးချို၊ ခေါင်းတစ်ခြမ်းကိုက်ခြင်း၊ စိုးရိမ်ပူပန်မှုနဲ့ စိတ်ဓာတ်ကျခြင်း စတဲ့ ဝေဒနာတွေ ဖြစ်ပွားနိုင်ခြေ ရှိ၊ မရှိကို ဆန်းစစ်ပေးမှာ ဖြစ်ပါတယ်။ ဒါ့အပြင် ခန္ဓာကိုယ်ထဲက အကျိုးပြုပိုးတွေ ပြန်လည်များပြားလာအောင် မိမိကျန်းမာရေးနဲ့ ကိုက်ညီမယ့် စားသောက်မှုပုံစံကိုလည်း အကြံပြုပေးပါလိမ့်မယ်။ အဲ့ဒီမှာ အစားအစာ ကနေ ဖြစ်စေ၊ ဖြည့်စွက်အားဆေးအနေနဲ့ဖြစ်စေ ပရိုဘိုင်အိုတစ် နဲ့ ပရီဘိုင်အိုတစ် (Probiotics / Prebiotics) တွေကို ပိုပြီး စားသုံးပေးဖို့ လမ်းညွှန်မှုတွေလည်း ပါဝင်မှာဖြစ်ပါတယ်။ ဒါ့အပြင် ကျန်းမာတဲ့ နေထိုင်မှုပုံစံ ဖြစ်စေဖို့အတွက် အောက်ပါအတိုင်း ပြောင်းလဲနေထိုင်ဖို့လည်း အကြံပြုပေးပါလိမ့်မယ်။
- နိုင်ငံတကာ အိပ်စက်ခြင်းဆိုင်ရာ အဖွဲ့အစည်း (The International Association for The Study of Dreams - IASD) က လူကြီးတစ်ဦးအနေနဲ့ ညစဉ် ၆ နာရီမှ ၈ နာရီအထိ အိပ်စက်ဖို့ အကြံပြုထားပါတယ်။ လုံလောက်စွာ အိပ်စက်ခြင်းဟာ ခန္ဓာကိုယ်ကို ပြန်လည်အားဖြည့်ပေးနိုင်ပြီး စိတ်ဖိစီးမှုကို လျှော့ချပေးနိုင်ကြောင်း တွေ့ရှိရပါတယ်။ ဒါကြောင့် လုံလောက်တဲ့ အနားယူခြင်းဟာ ကျန်းမာတဲ့ အူလမ်းကြောင်းပတ်ဝန်းကျင် ဖြစ်ပေါ်ဖို့အတွက် အလွန်အရေးကြီးပါတယ်။
- တစ်နေ့ကို အနည်းဆုံး မိနစ် ၃၀၊ တစ်ပတ်ကို ၃ - ၅ ကြိမ်လောက် လေ့ကျင့်ခန်းလုပ်ပေးတာဟာ အူလမ်းကြောင်းရဲ့ ခုခံအားကို မြှင့်တင်ပေးပါတယ်။ အန္တရာယ်ရှိအဏုဇီဝပိုးမွှားတွေ ပေါက်ဖွားမှုကို ကို လျှော့ချပေးသလို အကျိုးပြုပိုးတွေကိုလည်း ပိုမိုရှင်သန်စေပါတယ်။
- ပြုပြင်မွမ်းမံထားတဲ့ အဆင့်သင့်စား အသားနဲ့ အစားအစာများကို ရှောင်ပါ။
- အစပ်၊ အငန်နဲ့ အဆီများသော အစားအစာများကို လျှော့စားပါ။
- အဆီဓာတ် ဒါမှမဟုတ် ကစီဓာတ် (Carbohydrates) များလွန်းတဲ့ အစားအစာတွေကို လျှော့စားပါ။
- မိမိရဲ့ အစားအသောက်ပုံစံထဲမှာ ပရိုဘိုင်အိုတစ် (အကျိုးပြုပိုးမွှားလေးများ) နဲ့ ပရီဘိုင်အိုတစ် (အကျိုးပြုပိုးမွှားလေးများအတွက် အာဟာရ) (Probiotics / Prebiotics) တွေ ကြွယ်ဝစွာ ပါဝင် အောင် ဂရုစိုက်ပါ။ ဒီအချက်တွေက အန္တရာယ်ရှိတဲ့ အဏုဇီဝပိုးမွှားတွေ ပေါက်ဖွားမှုကို ဟန့်တား ပေးခြင်းဖြင့် အူမကြီးကင်ဆာ အပါအဝင် အူလမ်းကြောင်းဆိုင်ရာ ဝေဒနာတွေ ဖြစ်ပွားနိုင်ခြေကို လျှော့ချပေးနိုင်မှာ ဖြစ်ပါတယ် ။ တစ်ချိန်တည်းမှာပဲ အူလမ်းကြောင်းရဲ့ ခုခံအားနဲ့ လုပ်ဆောင်ချက် တွေကို မြှင့်တင်ပေးနေမှာ ဖြစ်ပါတယ်။ ဒါပေမဲ့ ပရိုဘိုင်အိုတစ် Probiotics (အကျိုးပြုပိုး) တွေကို အလွန်အကျွံ စားသုံးမိရင် ရင်ပြည့်ရင်ကယ်ဖြစ်တာ၊ ဝမ်းချုပ်တာ ဒါမှမဟုတ် ဝမ်းလျှောတာမျိုး ဖြစ်နိုင်တာကြောင့် ကျန်းမာရေးကို ထိခိုက်စေနိုင်ပါတယ်။ ဒါကြောင့် မိမိရဲ့ စားသောက်မှုပုံစံကို မပြောင်းလဲခင်မှာ ဆရာဝန်နဲ့ အရင်တိုင်ပင်ဆွေးနွေးဖို့က အလွန်အရေးကြီးပါတယ်။
ဘယ်သူတွေ စစ်ဆေးသင့်သလဲ?
- ဗိုက်ထဲမှာ လေပွခြင်း၊ မအီမသာဖြစ်ခြင်း၊ အော့အန်ခြင်း၊ ဝမ်းလျှောခြင်း သို့မဟုတ် ဝမ်းချုပ်ခြင်း စတဲ့ အစာခြေစနစ် ပုံမှန်မဟုတ်တဲ့ လက္ခဏာများ
- ခေါင်းတစ်ခြမ်းကိုက်ခြင်း သို့မဟုတ် အိပ်မပျော်ခြင်း
- ဝက်ခြံထွက်ခြင်း
- ခဏခဏ ပြန်ဖြစ်တတ်တဲ့ ဓာတ်မတည့်အရေပြားယားယံဖုများ ထွက်ခြင်း
- ပန်းနာရင်ကျပ်ရောဂါရှိခြင်း
- ခန္ဓာကိုယ် ဇီဝကမ္မဖြစ်စဉ် ချွတ်ယွင်းခြင်း
- စိုးရိမ်ပူပန်ခြင်း၊ စိတ်ဓာတ်ကျခြင်း၊ အဝလွန်ခြင်း၊ ဆီးချို (အမျိုးအစား-၂) နဲ့ အယ်လ်ဇိုင်းမားရောဂါ ဖြစ်နိုင်ခြေရှိသူများ
- ခံတွင်းနံ့ နံခြင်း
- ဝမ်းထဲမှာ အကျိအချွဲများ ပါလာခြင်း
- ပိုးသတ်ဆေးတွေကို အချိန်အကြာကြီး သောက်သုံးဖူးသူများ
- ကစီဓာတ် Carbohydrate နဲ့ ဓာတ်မတည့်သူများ
- နာတာရှည် နုံးချိနေခြင်း
- အစာချေအက်ဆစ်ဓာတ်ပျယ်ဆေး (antacids) များကို ပုံမှန် သောက်နေရသူများ
- နှာခေါင်းပိတ်ခြင်း
အောက်ပါ လက္ခဏာတွေထဲက (၅) မျိုးနဲ့အထက် ခံစားနေရသူတွေဟာ အူလမ်းကြောင်း အဏုဇီဝ ဂေဟစနစ် မမျှတတာမျိုး ဖြစ်နိုင်လို့ ဒီစစ်ဆေးမှုကို ခံယူသင့်ပါတယ်။
စစ်ဆေးမှုအတွက်ကြိုတင်ပြင်ဆင်ရန်
- အစာနဲ့ရေ ဖြတ်ထားရန် မလိုပါ။
- ပိုးသတ်ဆေးသောက်တာရှိရင် စစ်ဆေးမှုမတိုင်ခင် (၄) ပတ်အလိုကတည်းက ရပ်ထားရပါမယ်။
- အူမကြီးမှန်ပြောင်း (colonoscopy) ကြည့်ထားရင် အနည်းဆုံး (၄) ပတ် စောင့်ပြီးမှ စစ်ဆေးရပါမယ်။
- အစာချေအက်ဆစ်ဓာတ်ပျယ်ဆေး နဲ့ ဝမ်းနှုတ်ဆေးတွေကို (၁) ပတ် ကြိုတင် ရပ်နားထားပါ။
- အစာအဆိပ်သင့်ဖူးရင် လက္ခဏာတွေ လုံးဝပျောက်ကင်းပြီး အနည်းဆုံး (၅) ရက် ကြာမှ စစ်ဆေးနိုင်ပါတယ်။
