မျက်စိရေတိမ်စစ်ဆေးမှု အစီအစဉ် (Glaucoma Screening Package)
မျက်စိရေတိမ်နဲ့ပတ်သက်ပြီး အောက်ပါ အချက် (၄)ချက်ကို သတိမထားမိဘူး ဆိုရင် အမြင်အာရုံကို ထိခိုက်ချို့ယွင်းစေမှာအမှန်ပါပဲ။
- ၂၀၂၀ ခုနှစ်တုန်းက တစ်ကမ္ဘာလုံးမှာ မျက်စိရေတိမ်စွဲနေသူအရေ အတွက်ဟာ (၇၆)သန်းနီးပါးရှိခဲ့ပါတယ်။
- မျက်စိရေတိမ်ဟာ လက္ခဏာမပြဘူးဆိုပေမယ့် နောက်ဆုံးအဆင့်ကို ရောက်တဲ့အခါမှာ လူနာအနေနဲ့ တဖြည်းဖြည်းအမြင်ဝေဝါးမှုကို ခံစားရနိုင်ပြီး ဒါကိုမကုသဘဲထားလိုက်မယ်ဆိုရင် အမြင်အာရုံ လုံးဝ ကွယ်ပျောက်သွားနိုင်ပါတယ်။
- မျက်စိရေတိမ်ကို မျက်စဉ်း၊ လေဆာ စတဲ့ကုသမှုနည်းလမ်းများနဲ့ ကုသလို့ ရနိုင်သလို မျက်စိဖိအားပိုမိုလျော့ကျဖို့ ခွဲစိတ်ကုသနိုင်ပါတယ်။
- မျက်စိရေတိမ်ဖြစ်နိုင်ခြေမြင့်မားစေတဲ့အကြောင်းအရင်းများ
- အသက်(၄၀)ကျော်ခြင်း
- မျက်လုံးအတွင်းဖိအားများခြင်း
- မိသားစုမျိုးရိုးမှာရေတိမ်ဖြစ်ဖူးသူရှိခြင်း
- စတီးရွိုက်ပါတဲ့ဆေးဝါးများပုံမှန်သောက်သုံးခြင်း
- ဆီးချိုကဲ့သို့ ရောဂါအခံရှိသူများ
- မျက်စိထိခိုက်မိထားသူများ
- ဆိုးဆိုးရွားရွားအဝေးမှုန်ခြင်း (သို့) အနီးမှုန်ခြင်း
မျက်စိစမ်းသပ်စစ်ဆေးခြင်းအတွက်ပြင်ဆင်မှုများ
- စမ်းသပ်စစ်ဆေးမှုမပြုလုပ်ခင်ညမှာ လူနာအနေနဲ့ လုံလောက်တဲ့ အိပ်စက်ချိန်ရှိရမှာဖြစ်ပြီး အနည်းဆုံး (၆)နာရီ ကနေ (၈) နာရီ အိပ်စက်ရပါမယ်။
- လူနာဟာ ဆေးရုံကို ကိုယ်တိုင်ကားမမောင်းလာသင့်ပါဘူး။
- လူနာအနေနဲ့ စမ်းသပ်စစ်ဆေးမှုအပြီးတပ်ဖို့အတွက် နေကာမျက်မှန် ယူဆောင်လာရပါမယ်။
