နှလုံး ၊ ဦးနှောက်နှင့်အာရုံကြော ၊ သွေးကြော ဆိုင်ရာများ စစ်ဆေးမှုစင်တာ
Bi-plane DSA: လေဖြတ်ခြင်းနှင့်နှလုံးသွေးကြောရောဂါအတွက် ခေတ်မီကုသမှုနည်းပညာ
တိကျ မြန်ဆန် လုံခြုံဘေးကင်းပြီး ထိရောက်မှုနှုန်းမြင့်မားတဲ့ကုသမှု
Bi-Plane DSA (Digital Subtraction Angiography) လို့ လည်းခေါ်ကြတဲ့ မျက်နှာပြင်နှစ်ဖက်ပါတဲ့ X-ray စက်ဟာ ခန္ဓာကိုယ်နေရာအနှံ့အပြားရှိ သွေးကြောများကုသရာမှာ ထိရောက်မှုနဲ့ ဘေးကင်းလုံခြုံမှုကို ပေးစွမ်းတဲ့ ခေတ်မီနည်းပညာကိုအသုံးပြုထားပါတယ်။ ဦးနှောက် ၊ နှလုံးသွေးကြောများ ၊ ဝမ်းဗိုက် ၊ လက်မောင်း နဲ့ ခြေထောက်များနဲ့ ဆက်စပ်နေတဲ့ သွေးကြောများကို ကုသရာမှာ အသုံးပြုနိုင်ပါတယ်။ ဒါ့အပြင် ဓာတ်မှန်ရိုက်ရာတွင်ကွဲပြားစေသော ကြားခံပစ္စည်းပမာဏကို ကိုလျှော့ချပေးပြီး လူနာအတွက် စစ်ဆေးမှုလုပ်ဆောင်တဲ့ ကြာချိန်ကိုလည်း ပိုမို တိုတောင်းစေမှာဖြစ်ပါတယ်။
Bi-Plane DSA ရဲ့ ထူးခြားတဲ့လုပ်ဆောင်နိုင်စွမ်းများ
- မျက်နှာပြင်နှစ်ဖက် (အရှေ့ဖက်နှင့်ဘေးဖက်)မှာ ပုံရိပ်ဖမ်းယူနိုင်ခြင်း
- အလွန်သေးငယ်တဲ့သွေးကြောများကို အရည်အသွေးမြင့်မားပြီး ကြည်လင်ပြတ်သားစွာ မြင်တွေ့ရနိုင်ခြင်း
- လက်တွေ့ကျတဲ့ သုံးဖက်မြင် 3D ပုံရိပ်များထုတ်ပေးနိုင်တာကြောင့် ခန္ဓာကိုယ်နေရာအနှံ့အပြားမှာရှိတဲ့ သွေးကြောများရဲ့ ရောဂါဗေဒကို ကြည်လင်ပြတ်သားစွာမြင်တွေ့နိုင်ခြင်း
- ဓာတ်မှန်ရိုက်ရာတွင်ကွဲပြားစေသော ကြားခံပစ္စည်း (Contrast Agent) ကို တစ်ကြိမ်သာ ထိုးရတာကြောင့် လူနာဟာ ဓာတုဆိုးဆေးများနဲ့ ဓာတ်ရောင်ခြည်ကိုအနည်းငယ်သာထိတွေ့ရခြင်း
- အထူးသဖြင့် လေဖြတ်ခြင်းနှင့် နှလုံးသွေးကြောပိတ်ခြင်းကဲ့သို့ အချိန်မီရောဂါရှာဖွေအတည်ပြုရမယ့် အခြေအနေများအတွက် ဆရာဝန်များအနေနဲ့ လျှင်မြန်စွာ ရောဂါရှာဖွေအတည်ပြုနိုင်ခြင်း
- ဘေးကင်းလုံခြုံတဲ့ကုသမှုများကိုစွမ်းဆောင်ပေးခြင်း
- ရောဂါရှာဖွေရာမှာ ယုံကြည်မှုမြင့်မားပြီး ထိရောက်တဲ့ကုသမှုကိုမြှင့်တင်ပေးနိုင်ခြင်း
- ခွဲစိတ်ကုသမှုအချိန်ကိုလျှော့ချပေးခြင်း
- လူနာကိုအလျှင်အမြန်ပြန်လည်သက်သာလာစေပြီးဆေးရုံတက်ရတဲ့အချိန်အနည်းငယ်သာရှိခြင်း
Bi-Plane DSA ရဲ့ အဓိကလုပ်ဆောင်ပုံ
Bi-Plane DSA ဟာ CT scan နဲ့ လုပ်ဆောင်ချက်ဆင်တူပေမယ့်လည်း သွေးကြောများကိုမျက်နှာပြင်နှစ်ဖက် (အရှေ့ဖက်နဲ့ဘေးဖက်) မှာ တစ်ပြိုင်နက်တည်း ပုံရိပ်ဖမ်းယူနိုင်ပါတယ်။ ထွက်ပေါ်လာတဲ့ ပုံရိပ်ဟာ အရည်အသွေးကောင်းမွန်ပြီး ဆရာဝန်အနေနဲ့ သုံးဖက်မြင် 3D နီးပါး သွေးကြောများကို ရှင်းလင်းပြတ်သားစွာ မြင်တွေ့ရမှာဖြစ်ပါတယ်။ ဒီလိုမျိုးလုပ်ဆောင်နိုင်စွမ်းဟာ ရှုပ်ထွေးနေတဲ့သွေးကြောများ အထူးသဖြင့် လေဖြတ်ခြင်း ၊ ဦးနှောက်နှင့်အာရုံကြောပြဿနာ အခြေအနေများမှာ အသုံးဝင်ပြီး ကျောရိုး ၊ ဝမ်းဗိုက် နဲ့ နှလုံး ကဲ့သို့ တခြားသော ခန္ဓာကိုယ် နေရာအနှံ့အပြားက သွေးကြောများကို လည်း ကြည်လင်ပြတ်သားစွာ မြင်တွေ့ရ စေနိုင်တာကြောင့် ကုသမှုကိုအထောက်အကူများစွာပေးပါတယ်။ နောက်ထပ်အနေနဲ့ ဓာတ်မှန်ရိုက်ရာတွင် ကွဲပြားစေသောကြားခံပစ္စည်း အသုံးပြုမှုကိုလျှော့ချနိုင်ပြီး စစ်ဆေးမှုအားလုံးလုပ်ဆောင်ချိန်ဟာလည်း တိုတောင်းပါတယ်။
Bi-plane DSA ရဲ့ သုံးဖက်မြင် 3Dပုံရိပ်ဟာ ဆရာဝန်များအတွက် ပုံမှန်မဟုတ်တဲ့သွေးကြောများဖြစ်တည်ပုံကို တိုင်းတာ စစ်ဆေး သုံးသပ်နိုင်ဖို့ အထောက်အကူပြုပါတယ်။ ဥပမာ စစ်ဆေးမှုမတိုင်ခင်နဲ့ စစ်ဆေးမှုအပြီး သွေးလည်ပတ်မှုနဲ့ ဦးနှောက်ရဲ့ ပုံမှန်/ပုံမှန်မဟုတ်တဲ့နေရာများကို ဆော့ဖ်ဝဲလ်ကနေတစ်ဆင့် နှိုင်းယှဉ်ပြသပေးနိုင်ပြီး ဆရာဝန်များအတွက် သူတို့လုပ်ဆောင်လိုက်တဲ့ ကုသမှုအပေါ် ယုံကြည်မှုများ တိုးပွားလာ စေပါတယ်။ ဒါဟာ ရောဂါရှာဖွေမှုနဲ့ ကုသမှုကို ပိုမိုလွယ်ကူ ထိရောက်စေကာ လူနာအနေနဲ့ ဆေးရုံမှာ ရက်အနည်းပဲနေပြီးနောက် ပုံမှန်နေ့စဉ်လုပ်ဆောင်မှုများကို ပြန်လည်လုပ်ဆောင်နိုင်မှာ ဖြစ်ပါတယ်။
Bi-plane DSA ကနေတစ်ဆင့် ဘယ်လိုကုသမှုနည်းလမ်းတွေကအကျိုးရှိစေသလဲ?
နှလုံးသွေးကြောရောဂါအတည်ပြုခြင်းနဲ့ ကုသခြင်းအတွက်သုံးတဲ့ Bi-plane DSA ဟာ ခန္ဓာကိုယ်တစ်ခုလုံးရှိသွေးကြောများကုသမှုပေးဖို့အတွက် ရည်ရွယ်ပါတယ်။ ဒါ့အပြင် အသည်းကင်ဆာ ၊ ဝမ်းဗိုက်သွေးယိုခြင်းကဲ့သို့ အကျိတ်ကိုတိုက်ရိုက်ဆေးထိုးရမယ့် ကင်ဆာကုသမှုများအတွက်လည်း အသုံးပြု ပါတယ်။ အဆိုပါ အခြေအနေမှာ ဆရာဝန်များဟာ သွေးထွက်နေတဲ့နေရာကို ဆေး(သို့) သွေးတိတ်စေတဲ့ပစ္စည်း များ ကို ပြွန်ပိုက်ကနေတစ်ဆင့် တိုက်ရိုက်ထိုးသွင်းဖို့အတွက် ဒီနည်းပညာကိုအသုံးပြုပြီး လူနာအတွက် ပိုပြီး ဘေးကင်းစေပါတယ်။ ဒါ့အပြင် Bi-plane DSA ကို အောက်ဖော်ပြပါ သွေးကြောသွေးကြောဆိုင်ရာရောဂါများ နှင့်တခြားရောဂါများကုသရာမှာလည်း အသုံးပြုနိုင်ပါတယ်။
နှလုံးသွေးကြောရောဂါနှင့်တခြားသောအခြေအနေများ
- နှလုံးသွေးကြောရောဂါများကုသခြင်း (သို့)နှလုံးသွေးကြောပုံရိပ်ဖမ်းယူခြင်း
- နှလုံးမှာရှိတဲ့သွေးကြောများကိုပုံရိပ်ဖမ်းယူပြီးကုသခြင်း (CAG) (သို့) နှလုံးဆီရောက်ရှိတဲ့ သွေးလည်ပတ်မှုကိုမြှင့်တင်ပြီးနှလုံးသွေးကြောရောဂါကိုကုသခြင်း
- မွေးရာပါနှလုံးရောဂါကိုကုသခြင်း
- နှလုံးအဆို့ရှင်အစားထိုးကုသခြင်း ((TAVI) (သို့) နှလုံးအဆို့ရှင်ကျဉ်းခြင်းကိုကုသခြင်း (PTMC)
- နှလုံးကြွက်သားထူလာခြင်း (HCM) ကဲ့သို့ နှလုံးတည်ဆောက်ပုံနဲ့ဆိုင်တဲ့ရောဂါများကိုကုသခြင်း
- ခြေထောက်မှာနှလုံးသွေးကြောပိတ်ခြင်းကိုကုသခြင်း
ဦးနှောက်နှင့်အာရုံကြောသွေးကြောရောဂါများကိုကုသခြင်း
- ဦးနှောက်ပိတ်နေတဲ့သွေးခဲကို ဖယ်ရှားခြင်း (Stent Retrievers) (သို့) သွေးကြောမှာပိတ်နေတဲ့ သွေးခဲကိုဖယ်ရှားခြင်း (Neurovascular Diseases) နည်းလမ်းများဖြင့် ပြင်းထန်စွာသွေးခဲခြင်း ကြောင့်ဖြစ်တဲ့ရုတ်တရက်လေဖြတ်ခြင်းကိုကုသခြင်း
- ဖောင်းနေတဲ့သွေးကြောများမပေါက်ထွက်အောင် သေးငယ်ရှည်လျားသောပိုက်ပျော့ထည့်သွင်းခြင်း (Aneurysm Coiling) နည်းလမ်းဖြင့် ရုတ်တရက် ဦးနှောက်သွေးယိုခြင်းကြောင့်ဖြစ်တဲ့လေဖြတ်ခြင်း ကို ကုသခြင်း
- ပလက်တီနမ်ကြိုးအသုံးပြုပြီး ဦးနှောက်သွေးကြောများဖောင်းမလာအောင် ကြိုတင်ကာကွယ်ခြင်း (သို့) ဖြစ်လာနိုင်ခြေကိုလျှော့ချခြင်
- ဖောင်းနေတဲ့သွေးကြောများမပေါက်ထွက်အောင်သေးငယ်ရှည်လျားသောပိုက်ပျော့ထည့်သွင်းခြင်း (Aneurysm Coiling) နည်းလမ်းဖြင့် ဦးနှောက်သွေးယိုမှုကိုကုသခြင်း (သို့) ဦးနှောက်သွေးကြောများမပေါက်အောင် ကုသခြင်း
- ဦးနှောက်သွေးကြောဆိုင်ရာရောဂါများအတွက်သွေးကြောထဲသို့ ပြွန်ငယ်တစ်ခုအားထည့်သွင်းပြီး သေးငယ်သော Stent , ကော် (သို့) Ballon ကိုအသုံးပြု၍သွေးလွှတ်ကြောပိတ်ခြင်း
- လည်ပင်းဘေးတစ်ဖက်စီရှိသွေးလွဝ်ကြောများကျဉ်းခြင်းကို သွေးကြောတွင်း Stent ထည့်သွင်းခြင်း (CAS) နည်းလမ်းဖြင့် ကုသခြင်း
- ဦးနှောက်ပုံရိပ်ဖမ်းယူခြင်း
သွေးကြောဆိုင်ရာရောဂါများနှင့်ကင်ဆာရောဂါများ
- ကော်(သို့)ပြွန်ငယ် ထည့်သွင်းခြင်းနည်းလမ်းဖြင့် အစာအိမ်သွေးကြောပေါက်ခြင်းကို ကုသခြင်း
- ဆီးကျိတ်သွေးကြောတွင်းပြွန်ငယ် ထည့်ခြင်းနည်းလမ်းဖြင့် ဆီးကျိတ်ကြီးခြင်းကိုကုသခြင်း
- ကင်ဆာကျိတ်ဆီသွေးပို့လွှတ်မှုကိုပိတ်ဆို့ခြင်း (TACE) နည်းလမ်းဖြင့် အသည်းကင်ဆာကို ကုသခြင်း
- သွေးလွှတ်ကြောမကိုပြွန်ပိုက်ထိုးသွင်းကုသခြင်း (EVAR) နည်းလမ်းဖြင့် ဝမ်းဗိုက်သွေးလွှတ်ကြောမကြီးဖောင်းခြင်းကိုကုသခြင်း
- ခြေထောက်မှာနှလုံးသွေးကြောပိတ်ခြင်းကိုကုသခြင်း
- အသည်း၊ ကျောက်ကပ်နဲ့ အဆိုတ်တို့မှာရှိတဲ့ ကင်ဆာကျိတ်များကို မိုက်ခရိုဝေ့အပူလှိုင်းများသုံးကာ ဖျက်စီးခြင်း
- သွေးပြန်ကြောထုံးရောဂါကုသခြင်း
- သွေးပြန်ကြောများဖြစ်ပေါ်မှုပုံစံမူမမှန်ခြင်းကိုကုသခြင်း
- မှဲ့နီ (သို့) သွေးကြောအကျိတ်ကုသခြင်း
- သွေးကြောများထုံးဖွဲ့ခြင်း ၊ သွေးလွှတ်ကြောနှင့်သွေးပြန်ကြောကြားဆက်သွယ်ပေးခြင်း ၊ သွေးကြော ဖောင်းခြင်း ၊ သွေးယိုခြင်း ၊ သွေးပံ့ပိုးမှုနှင့်ဆိုင်တဲ့အကျိတ် စတာတွေကိုကုသဖို့အတွက် သွေးကြောပို့လွှတ်မှုကိုဟန့်တားခြင်း
Bi-plane DSA နည်းပညာဟာ အမျိုးမျိုးသောသွေးကြောအခြေအနေများအတွက် ရောဂါရှာဖွေမှုနဲ့ အတည်ပြုခြင်းကို ထူးခြားပြောင်မြောက်စွာ လုပ်ဆောင်ပေးနိုင်ပြီး တိကျမှု ၊ ဘေးကင်းလုံခြုံမှုနဲ့ ထိရောက်မှုတို့ကို မြင့်မားစေပါတယ်။ ဒီနည်းပညာဟာ မျက်နှာပြင်နှစ်ဖက်မှာ တစ်ပြိုင်တည်း ပုံရိပ်ဖမ်းနိုင်ပြီး အရည်အသွေးမြင့်မားတဲ့ သုံးဖက်မြင် 3D ပုံရိပ်ကို ထုတ်ပေးနိုင်ကာ ခန္ဓာကိုယ်တစ်ခုလုံးရှိ သွေးကြောများကို ကြည်လင်ပြတ်သားစွာမြင်တွေ့ရစေနိုင်ပါတယ်။ ဒီနည်းပညာကိုအသုံးပြုခြင်းအားဖြင့် ရှုပ်ထွေးလှတဲ့သွေးကြောများနဲ့ဆက်စပ်နေတဲ့ နှလုံးသွေးကြောရောဂါများနဲ့ လေဖြတ်ခြင်း အပြင် ကင်ဆာ ရောဂါကုသမှုကိုပါ အထောက်အကူဖြစ်စေပါတယ်။ Bi-plane DSA နည်းပညာဟာ လူနာအတွက် အချိန်ပိုမိုသက်သာစေပြီး ဓာတ်ရောင်ခြည်ထိတွေ့မှုကိုလျှော့ချပေးကာ ကုသမှုရလဒ်များကို ပိုမိုကောင်းမွန်စေပါတယ်။