အဆစ်ကြည့်မှန်ပြောင်းဖြင့် ခွဲစိတ်ကုသခြင်း (Arthroscopic Surgery) နဲ့ အားကစား နဲ့ အရိုးအကြောဆိုင်ရာ ကုသမှုစင်တာ
Arthroscopic Surgery and Sports Orthopedic Center Daily (7 days /week) - 07:00 - 20:00 66 (0) 2378-9242 [email protected]
အဆစ်ကြည့်မှန်ပြောင်းဖြင့် ခွဲစိတ်ကုသခြင်း (Arthroscopic Surgery) နဲ့ အားကစား နဲ့ အရိုးအကြောဆိုင်ရာ ကုသမှုစင်တာ
ယခုခေတ် လူငယ်လူရွယ်များဟာ ကျန်းမာကြံ့ခိုင်ဖို့အတွက် အစားအသောက်ကအစ လေ့ကျင့်ခန်းလုပ်တဲ့အထိ ကျန်းမာရေးကို အထူးဂရုစိုက်လာကြပါတယ်။ ဘောလုံးကစားခြင်း၊ အပြေးလေ့ကျင့်ခြင်း၊ ကိုယ်ကာယလေ့ကျင့်ခန်းလုပ်ခြင်း (Fitness) နဲ့ စက်ဘီးစီးခြင်း စတဲ့ အားကစားနည်းများဟာ ခန္ဓာကိုယ်ကို သန်စွမ်းစေသော်လည်း တစ်ဖက်မှာလည်း မတော်တဆ ထိခိုက်ဒဏ်ရာရနိုင်ခြေများ ရှိနေနိုင်ပါတယ်။
ဤကဲ့သို့ ဒဏ်ရာရနိုင်ခြေများကို ရှေးရှုပြီး ဆစ်မီတဝေ့ ဆရီနာခရင် ဆေးရုံတွင် “အဆစ်ကြည့်မှန်ပြောင်းဖြင့် ခွဲစိတ်ကုသခြင်းနဲ့ အားကစား နဲ့ အရိုးအကြောဆိုင်ရာ ကုသရေးစင်တာ” ကို ဖွင့်လှစ်ထားပါတယ်။ ဤစင်တာတွင် မိမိကစားချင်တဲ့ အားကစားနည်းအလိုက် ကြိုတင်ပြင်ဆင်မှုတွေ ပြုလုပ်ပေးသလို၊ အားကစားကြောင့်ရတဲ့ ဒဏ်ရာတွေကိုလည်း အမြန်ဆုံးပြန်လည်သက်သာလာအောင် ကုသပေးပါတယ်။ ကျွန်ုပ်တို့ရဲ့ အထူးကုဆရာဝန်ကြီးများက ခေတ်မီစံချိန်စံညွှန်းများနဲ့အညီ ရောဂါများကို ရှာဖွေကုသပေးနေတာကြောင့် အားကစားလောကထဲကို ယုံကြည်မှုအပြည့်နဲ့ ပြန်လည်ဝင်ရောက်နိုင်မှာဖြစ်ပါတယ်။
ကျွန်ုပ်တို့၏ဝန်ဆောင်မှုများ
အဆစ်ကြည့်မှန်ပြောင်းဖြင့် ခွဲစိတ်ကုသခြင်းနဲ့ အားကစား နဲ့ အရိုးအကြောဆိုင်ရာ ကုသရေးစင်တာ တွင် အရိုးအကြောအဆစ်ခွဲစိတ်အထူးကုဆရာဝန်များ၊ ရုပ်ပိုင်းဆိုင်ရာ ပြန်လည်သန်စွမ်းရေး ကုထုံးပညာရှင်များနဲ့ အားကစားဆိုင်ရာ ဆေးပညာရှင်များ စုစည်းထားသော အတွေ့အကြုံရင့် ဆေးဘက်ဆိုင်ရာကျွမ်းကျင်ပညာရှင်အဖွဲ့မှ စောင့်ရှောက်ပေးနေတာဖြစ်ပါတယ်။ ဤဆေးဘက်ဆိုင်ရာ ကျွမ်းကျင်ပညာရှင်များဟာ လူနာရဲ့ခန္ဓာကိုယ်၊ အရိုးနဲ့ အဆစ်အမြစ်များ ပြန်လည်သန်စွမ်းလာစေရန် ကူညီဆောင်ရွက်ပေးနေသောကြောင့် လူနာများအနေဖြင့် အကောင်းဆုံးသော ကုသမှုများကို ရရှိနေသည်ဟူသော ယုံကြည်စိတ်ချမှု အပြည့်အဝ ကို ရှိနိုင်ပါတယ်။ ဒါ့အပြင် နေ့စဉ်ပုံမှန်ဘဝသို့ အမြန်ဆုံး ပြန်လည်ရောက်ရှိနိုင်စေရန်အတွက်လည်း အလေးထား ဆောင်ရွက်ပေးနေတာဖြစ်ပါတယ်။
ကျွန်ုပ်တို့ရဲ့ ဆေးဘက်ဆိုင်ရာနည်းပညာနဲ့ အထောက်အကူပြုပစ္စည်းများ
ဆစ်မီတဝေ့ ဆရီနာခရင် ဆေးရုံရှိ အဆစ်ကြည့်မှန်ပြောင်းဖြင့် ခွဲစိတ်ကုသခြင်းနဲ့ အားကစား နဲ့ အရိုးအကြောဆိုင်ရာ ကုသရေးစင်တာတွင် ရောဂါရှာဖွေခြင်း၊ ကုသခြင်းနဲ့ ပြန်လည်သန်စွမ်းရေး ကုထုံးများအတွက် နောက်ဆုံးပေါ် ဆန်းသစ်သော ဆေးဘက်ဆိုင်ရာ နည်းပညာများကို အပြည့်အစုံ တပ်ဆင်ထားပါတယ်။
- ဆေးဘက်ဆိုင်ရာ ကိရိယာတန်ဆာပလာ အစုံအလင်ဖြင့် ခေတ်မီစွာ ပြင်ဆင်ထားသော ရောဂါရှာဖွေ စစ်ဆေးရေးခန်းများ
- အဆင့်မြင့်ဆုံး စံချိန်စံညွှန်းမျာနဲ့အညီ စနစ်တကျ ဖွဲ့စည်းထားသော ခွဲစိတ်ခန်းများ
- X-ray ၊ အာထရာစောင်း နဲ့ MRI ကဲ့သို့သော အရိုးအကြောဆိုင်ရာ ရောဂါရှာဖွေရေးတွင် အထောက်အကူပြုသော အဆင့်မြင့် ပုံရိပ်ဖော် နည်းပညာသုံး စက်ကိရိယာများ
- ပြန်လည်သန်စွမ်းရေး ဆေးပညာဆိုင်ရာ အထူးကုဆရာဝန်များ၊ အဆစ်အမြစ် ပြဿနာများကို ကုသရာတွင် ကျွမ်းကျင်စွာ လေ့ကျင့်ထားသော ရုပ်ပိုင်းဆိုင်ရာ ကုထုံးပညာရှင်များ ပါဝင်သည့် ဘက်စုံပြန်လည်သန်စွမ်းရေးစင်တာလည်း ရှိပါတယ်။ ကျွန်ုပ်တို့ရဲ့ပညာရှင်များဟာ လူနာများ အမြန်ဆုံးနဲ့ အကောင်းမွန်ဆုံး ပြန်လည်ကျန်းမာလာစေရန်အတွက် ခွဲစိတ်မှုမပြုလုပ်မီနဲ့ ပြုလုပ်ပြီးနောက် လိုအပ်သော အကြံဉာဏ်များကို စဉ်ဆက်မပြတ် ပံ့ပိုးပေးလျက်ရှိနေပါတယ်။
ရောဂါရှာဖွေခြင်း၊ ကုသခြင်းနဲ့ စောင့်ရှောက်မှုပေးရာတွင် အသုံးပြုသော ဆေးဘက်ဆိုင်ရာနည်းပညာများ
- ပြင်းထန်မှုမရှိသော ဒဏ်ရာများအတွက် ခွဲစိတ်ရန်မလိုသော ကုသနည်းများ - ခွဲစိတ်ရန်မလိုဘဲ ကုသနိုင်တဲ့ အခြေအနေရှိသော လူနာများအတွက် သောက်ဆေးများပေးခြင်း၊ အဆစ်အမြစ်အားဖြည့်ဆေးကဲ့သို့ ဒဏ်ရာရသည့်နေရာကို တိုက်ရိုက်ထိရောက်စေမည့် ဆေးဝါးများ အသုံးပြုခြင်း၊ ရုပ်ပိုင်းဆိုင်ရာ ပြန်လည်သန်စွမ်းရေး ကုထုံးများ (Physical Therapy) ပေးခြင်း၊ အကြောဆေးသွင်းခြင်း သို့မဟုတ် အဆစ်အတွင်းသို့ ဆေးထိုးကုသခြင်း စတဲ့ နည်းလမ်းများဖြင့် ကုသမှုပေးလျက်ရှိပါတယ်။
- ခွဲစိတ်ကုသမှုနည်းလမ်းများ - အဆစ်အမြစ်ဆိုင်ရာ ဝေဒနာများအတွက် အဆစ်ကြည့်မှန်ပြောင်းဖြင့် ခွဲစိတ်ကုသခြင်း (Arthroscopic Surgery) ကို အသုံးပြုကာ ကုသမှုပေးနိုင်ပါတယ်။ ဤနည်းပညာဖြင့် အောက်ပါဝေဒနာများကို ထိရောက်စွာ ကုသနိုင်ပါတယ်။
- ပျက်စီးသွားသော အရိုးနုများကို ပြန်လည်ပြုပြင်ခြင်း
- အဆစ်အတွင်းရှိ အရိုးစ သို့မဟုတ် အရိုးနု အပိုင်းအစလေးများကို ဖယ်ရှားခြင်း
- အဆစ်ရောင်ရောဂါ၊ ပုခုံးအဆစ်ခိုင်ခြင်း(Frozen Shoulder)၊ ဒူးတွင်းအရွတ်ပြဲခြင်း (ACL) နဲ့ လက်ကောက်ဝတ် အာရုံကြောပိခြင်း (Carpal Tunnel Syndrome) တို့ကို ကုသခြင်း
- ပုခုံးအဆစ်၊ ဒူးအဆစ် နဲ့ တင်ပါးဆုံအဆစ်များ အစားထိုးကုသခြင်း
ဆရာဝန်
ဆောင်းပါးများ