နှလုံး‌အဆို့ရှင်အစားထိုးခွဲစိတ်ကုသမှု (TAVI) : (MIS)နည်းပညာ ဖြင့် ထိုးဖောက်မှုအနည်းဆုံး နှလုံးခွဲစိတ်ကုသမှု

• TAVI ဆိုတာဟာ ထိုးဖောက်မှုအနည်းဆုံး နှလုံးအဆို့ရှင်အစားထိုးခွဲစိတ်ကုသမှု နည်းလမ်းတစ်ခုဖြစ်ကာ ရောဂါအခံရှိပြီး အန္တရာယ်များတဲ့ လူကြီးပိုင်းများ အတွက် ရွေးချယ်စရာတစ်ခုဖြစ်ပါတယ်။
• TAVI ဟာ အန္တရာယ်ဖြစ်နိုင်ခြေကိုလျှော့ချပေးပြီး နာကျင်မှုသက်သာစေကာ အလျှင်အမြန်ပြန်လည်သက်သာစေတဲ့အပြင် ပိုမိုကောင်းမွန်တဲ့ဘဝတစ်ခုကို ရရှိ စေပါတယ်။
• TAVI နည်းလမ်းနဲ့ကုသမှုခံယူပြီးနောက် အများအားဖြင့် နောက်ထပ် ထိန်းသိမ်းမှု (သို့) ကုသမှုမလိုအပ်တော့ပါဘူး။ ဒါဟာ နောက်ထပ် (၁၀)နှစ်အထိ ဆက်လက် အသုံးပြုနိုင်တဲ့ TAVI valve(အဆို့ရှင်) ရဲ့ ကြာရှည်ခံနိုင်မှုကြောင့်ပဲဖြစ်ပါတယ်။

နှလုံးအဆို့ရှင်ကျဉ်းခြင်း(Aortic Stenosis) ဟာ အသက်ကြီးပိုင်းများမှာ အများဆုံးတွေ့ရလေ့ရှိပြီး  အကြောင်းအရင်းကတော့ နှလုံးအဆို့ရှင် ယိုယွင်းလာပြီး ပြောင်းလဲခြင်းကြောင့် ဖြစ်ပါတယ်။ နောက်ဆက်တွဲအနေနဲ့  နှလုံးအဆို့ရှင်ကျဉ်းလာခြင်း ၊ တချို့အခြေအနေများမှာ နှလုံးအဆို့ရှင်ဟာ အဖွင့်အပိတ် ကောင်းစွာမလုပ်နိုင်ခြင်း စတာတွေပါ ဖြစ်လာပါတယ်။ အဲဒီနောက်  နှလုံးကနေ ခန္ဓာကိုယ်ရဲ့ မတူညီတဲ့ အစိတ်အပိုင်းများ ဆီ သွေးစီးဆင်းမှုကို ပိတ်ဆို့စေခြင်း (သို့) လျော့နည်းစေခြင်းကို ဖြစ်ပေါ်စေပါတော့တယ်။ နောက်ဆုံးမှာ နှလုံးဟာ ပုံမှန်ထက် ပိုအလုပ် လုပ်ရပြီး နှလုံး စွမ်းဆောင်ရည်ကျဆင်းခြင်း အထိ ဖြစ်သွားနိုင်ပါတယ်။

1. ပုံမှန်မဟုတ်ဘဲ အလွယ်တကူပင်ပန်းနွမ်းနယ်ခြင်း
2. အထူးသဖြင့် လေ့ကျင့်ခန်းလုပ်နေချိန်မှာ မိုက်ခနဲဖြစ်ခြင်း (သို့)ခေါင်းမူးခြင်း
3. ခွန်အားစိုက်ထုတ်တဲ့အချိန်များမှာရင်ဘတ်အောင့်ခြင်း

အထက်ဖော်ပြပါလက္ခဏာ (၃)ခုဟာ ချက်ချင်းကုသမှုခံယူဖို့လိုအပ်တဲ့ အခြေအနေဖြစ်ပြီး ဒီအတိုင်းထားလိုက်မယ်ဆိုရင် ပိုမိုဆိုးရွားလာနိုင်ပါတယ်။

နှလုံးအဆို့ရှင်ကျဉ်းခြင်းအတွက် ဟိုးယခင်ကတည်းကလုပ်ဆောင်ခဲ့တဲ့ ကုသမှု နည်းလမ်းကတော့ နှလုံးကိုခွဲစိတ်လိုက်ပြီး နှလုံးအဆို့ရှင် အစားထိုးလိုက်တာဖြစ်ပါ တယ်။ ဒါပေမယ့် တချို့သော လူနာများအနေနဲ့ သမားရိုးကျခွဲစိတ်ကုသမှုအတွက် အဆင်မပြေတဲ့ ရုပ်ပိုင်းဆိုင်ရာ အခြေအနေတချို့ရှိတတ်ကြပါတယ်။  ဥပမာ- ရောဂါအခံရှိတဲ့ သက်ကြီးပိုင်းများ ဟာ လူငယ်တွေလောက် ကြံ့ခိုင်မှုမပြည့်ဝတာ ကြောင့် သမားရိုးကျခွဲစိတ်ကုသမှုနည်းလမ်းနဲ့ မသင့်လျော်ပါဘူး။ အကြောင်းအရင်း အမျိုးမျိုးကြောင့် သမားရိုးကျခွဲစိတ်ကုသမှုဟာ ခက်သထက် ခက်လာပါတယ်။
Transcatheter Aortic Valve Implantation (TAVI) လို့ခေါ်တဲ့ ထိုးဖောက်မှုအနည်းဆုံး နည်းပညာတစ်ခုဟာ ဒီလို လူနာအမျိုးအစားများအတွက် တကယ့်ကိုအဆင်ပြေတဲ့ ရွေးချယ်မှု တစ်ခုဖြစ်ပါတယ်။ ဒီနည်းလမ်းဟာ လူနာများအတွက် ချစ်ခင်ရသူများနဲ့  ကောင်းမွန်တဲ့ဘဝသက်တမ်းတစ်ခုမှာ အတူနေထိုင်ခွင့်ရရှိစေမှာဖြစ်ပြီး ယခင်အတိုင်း နေ့စဉ်လုပ်ငန်းဆောင်တာများကို ပြန်လည် လုပ်ဆောင်နိုင်မှာဖြစ်ပါတယ်။

TAVI (Transcatheter Aortic Valve Implantation) (သို့) TAVR (Transcatheter Aortic Valve Replacement) လို့ခေါ်တဲ့နည်းပညာဟာ  ခေါ် ထိုးဖောက်မှုအနည်းဆုံး နဲ့ နှလုံးအဆို့ရှင်အစားထိုးကုသတဲ့ နည်းလမ်းဖြစ်ပါတယ်။  ဒီနည်းလမ်းဟာ ကောင်းစွာအဖွင့်အပိတ် မလုပ်နိုင်ဘဲ (တစ်နည်းအားဖြင့်နှလုံးသွေးကြောကျဉ်းတဲ့) ထူပြောနေတဲ့ နှလုံးအဆို့ရှင်ကို အစားထိုးလိုက်တာဖြစ်ပါတယ်။ ဒီအခြေအနေဟာ နှလုံးအဆို့ရှင် ကို ယိုယွင်းကာကျဉ်းမြောင်းစေပြီး နှလုံးကို ပိုပြီးအားစိုက်ထုတ်မှုနဲ့ဝန်ထုပ်ဝန်ပိုးဖြစ်စေ ပါတယ်။ အများအားဖြင့် သက်ကြီးပိုင်းတွေမှာအဖြစ်များပါတယ်။

ဒီနည်းလမ်းမှာတော့ ပြွန်ပိုက်(Catheter) တစ်ချောင်းကို သွေးကြောထဲကို ထည့်သွင်းလိုက်တာ ဖြစ်ပါတယ်။ အများထက်တစ်မူထူးတဲ့ အားသာချက်ကတော့ နှလုံး လုပ်ဆောင်ချက်ကို ရပ်တန့်လိုက်ဖို့မလိုအပ်ဘဲ လူနာရဲ့ နှလုံးခုန်နေချိန်မှာပဲ ကုသမှုကို လုပ်ဆောင်နိုင်ခြင်း ဖြစ်ပါတယ်။ TAVI အဆို့ရှင် ကို အများအားဖြင့် ပေါင်ခြံမှာရှိတဲ့ သွေးလွှတ်ကြောအတွင်းကို ထည့်သွင်းလိုက်ပြီး ပျက်စီးနေတဲ့နှလုံးအဆို့ရှင်နဲ့ သွေးကြောထဲကနေဖြတ်ပြီး သွယ်တန်း ထားတဲ့ နောက်ထပ် ပြွန်နဲ့ ဆက်လိုက်ပါတယ်။ အဲဒီနောက် အဆို့ရှင်အသစ်ကို မူလရှိနေတဲ့ အဆို့ရှင်နေရာမှာ ဖိသွင်းပြီး အစားထိုးလိုက်ပါတယ်။ ဒီလုပ်ဆောင်မှုဟာ တစ်နာရီလောက်သာကြာမြင့်ပြီး ခွဲစိတ်ဒဏ်ရာဘာတစ်ခုမှ မရှိပါဘူး။ အဲဒီအပြင် အချိန်တိုအတွင်းပြန်လည်သက်သာပြီး လူနာရဲ့ တိုးတက်မှု အခြေအနေအပေါ်မူတည်ကာ (၂)ရက်-(၃)ရက် နေရင် အိမ်ပြန်နိုင်ပြီဖြစ်ပါတယ်။

TAVI နည်းလမ်းဟာ အသက်အရွယ်ကြီးရင့်ပြီး အန္တရာယ်များတဲ့ လူနာများအတွက် အကောင်းဆုံးရွေးချယ်မှုတစ်ခုဖြစ်ပြီး အသက်(၈၀)ကျော် လူနာများအတွက် သင့်လျော် ပါတယ်။ အသက်(၇၀)နဲ့ (၈၀)ကြား လူနာများအတွက် ဆရာဝန်နဲ နှလုံးအထူးကု ဆေးအဖွဲ့များက လူနာကိုခွဲစိတ်ရင်ဖြစ်လာနိုင်တဲ့အခြေအနေ၊ လူနာရဲ့နှလုံးအဆို့ရှင် နဲ့ အနီးတစ်ဝိုက် ခန္ဓာဗေဒဖွဲ့စည်းမှု အပါအဝင် အမျိုးမျိုးသော အချက်အလက်များကို သေချာ စစ်ဆေးပါတယ်။

TAVI နည်းလမ်းဟာ (၁၀)နှစ်ကျော်ခံပြီး စံ ကုသမှုနည်းလမ်းတစ်ခုဖြစ်လာခဲ့ပါတယ်။ အမေရိကန်နဲ့ ဥရောပမှာ ရောဂါအခြေအနေအများစုအတွက် သမားရိုးကျနှလုံးခွဲစိတ် ကုသမှုနေရာမှာ TAVI ကို ရွေးချယ်စဉ်းစားလာကြပါပြီ။ သမားရိုးကျခွဲစိတ်ကုသမှု နည်းလမ်းနဲ့ဆိုရင် အန္တရာယ်များနိုင်တဲ့လူနာများအနေနဲ့ TAVI ကိုရွေးချယ်မယ်ဆိုရင် အသက်ရှင်နိုင်မှုရာခိုင်နှုန်းဟာ (၄) ရာခိုင်နှုန်းကနေ (၈) ရာခိုင်နှုန်းအထိ မြင့်တက်လာ နိုင်ခြေရှိပါတယ်။ ဒီလိုလူနာများအတွက်တော့ TAVI ဟာ အကောင်းဆုံးသော နည်းလမ်း ပဲဖြစ်ပါတယ်။

ယေဘုယျအားဖြင့်ပြောရမယ်ဆိုရင် TAVI ရဲ့ အောင်မြင်မှုနှုန်းဟာ အရမ်းကို မြင့်မားပြီး သေဆုံးနိုင်ခြေ (၅)ရာခိုင်နှုန်းအောက်သာရှိတာကြောင့် အရမ်းနည်းတယ်လို့ ဆိုရပါမယ်။ သွေးထွက်နိုင်ခြေနဲ့ လေဖြတ်နိုင်ခြေကတော့ (၁)ရာခိုင်နှုန်းကနေ (၂)ရာခိုင်နှုန်း လောက်သာ လျှင်ရှိပါတယ်။ (၅) ရာခိုင်နှုန်းကနေ (၁၀) ရာခိုင်နှုန်းသော လူနာများမှာ နှလုံးအဆို့ရှင် အစားထိုးပြီးနောက် နှလုံးရဲ့ လျှပ်စစ်စီးကူးမှုစနစ်နှေးကွေးသွားတယ် ဆိုရင် လျှပ်စစ်စီးကူးမှုပြဿနာဖြစ်လာနိုင်တာကြောင့် နှလုံးခုန်စက်(pacemaker) ကို အမြဲတပ်ထားဖို့လိုပါလိမ့်မယ်။ ခွဲစိတ်ရာကြောင့်ပိုးဝင်ခြင်းကတော့ ဖြစ်နိုင်ခြေ အင်မတန်မှကို နည်းပါးပါတယ်။ လူနာရဲ့ ပြန်လည်ကောင်းမွန်လာမှုအချိန်ဟာ ပိုပြီး တိုတောင်းတာကြောင့် ကုသမှုအပြီးမှာ လူနာဟာ လှုပ်ရှားနိုင်ပြီဖြစ်ပါတယ်။

TAVI ကုသမှုဟာ အဆင်ပြေပြေနဲ့ ပြီးဆုံးကာ ထည့်သွင်းလိုက်တဲ့နှလုံးအဆို့ရှင်ဟာ သင့်လျော်တဲ့အနေအထားမှာရှိပြီး သွေးမယိုဘူး ၊ အဆင်ပြေပြေရှိနေတယ်ဆိုရင် နောက်ထပ် ထိန်းသိမ်းလုပ်ဆောင်မှု‌တွေ မလိုအပ်ပါဘူး။ TAVI အဆို့ရှင်ရဲ့ ကြာရှည်ခံနိုင်စွမ်းမြင့်မားမှုကြောင့် (၁၀)နှစ် လောက်အထိ ဆက်လက် အသုံးပြုနိုင်ပါတယ်။ အစားထိုးဖို့လိုအပ်တဲ့ တချို့ ရောဂါအခြေအနေမှာ ဖြစ်လာနိုင်တဲ့ဆိုးကျိုး အနည်းငယ် ရှိပါတယ်။ အများအားဖြင့် လူနာဟာ ကိုယ့်ကိုကုသပေးခဲ့တဲ့ ဆရာဝန် (သို့) နှလုံး အထူးကုနဲ့ ပုံမှန်ရက်ချိန်းပြန်လည် ပြသဖို့လိုအပ်ပါတယ်။ လူနာဟာ သွေးကျဲဆေး သောက်ဖို့မလိုပါဘူး။

ဆစ်မီတဝေ့ဆေးရုံဟာ ထိုင်းနိုင်ငံ ဘန်ကောက်မြို့ရဲ့ အချက်အချာနေရာမှာ တည်ရှိပြီး နောက်ဆုံးပေါ်ဆေးဘက်ဆိုင်ရာနည်းပညာများနဲ့ မြန်ဆန်တိကျတဲ့ ရောဂါရှာဖွေကုသမှု များကို လုပ်ဆောင်ပေးလျက်ရှိပါတယ်။ နောက်ဆုံးပေါ် ဆေးဘက်ဆိုင်ရာစက်ကိရိယာ များကို အသုံးပြုထားတာကြောင့် အတွေ့အကြုံရှိတဲ့ နှလုံးအထူးကုဆေးပညာရှင်များမှ နှလုံးနဲ့ပတ်သက်တဲ့ ရောဂါအမျိုးမျိုးကို ရှာဖွေကုသပေးနိုင်ပါတယ်။ မွေးရာပါနှလုံးရောဂါ ၊ နှလုံးသွေးကြောရောဂါ၊ နှလုံးဖောက်ခြင်း ၊ နှလုံးပျက်စီးခြင်း ၊ နှလုံးခုန်မမှန်ခြင်း ၊ နှလုံးလေးဘက်နာရောဂါနဲ့ တခြားသောနှလုံးနဲ့ပတ်သက်တဲ့ရောဂါများကို ဆစ်မီတဝေ့ဆေးရုံမှာ ကုသဝန်ဆောင်မှုပေးလျက်ရှိပါတယ်။

ဆစ်မီတဝေ့ဆေးရုံရဲ့ နှလုံးကုသမှုစင်တာ မှာ တစ်နေ့ကို (၂၄)နာရီ ပတ်လုံး နှလုံးအထူးကုဆရာဝန်များမှ အရေးပေါ်ဝန်ဆောင်မှုပေးလျက်ရှိပါတယ်။ ကုသပြီးနောက်မှာလည်း နောက်ဆက်တွဲဖြစ်လာနိုင်တဲ့ ပြဿနာတွေကိုလျှော့ချပေးဖို့ ကျွမ်းကျင်ပညာရှင်များ ၊ ကိုယ်ကာယပညာရှင်များမှ ပြန်လည်သန်စွမ်းရေးဝန်ဆောင်မှု များကို အင်တိုင်အားတိုက်ဝန်ဆောင်မှုပေးလျက်ရှိပါတယ်။ နှလုံးရောဂါကုသမှုနဲ့ပတ်သက် ရင် ကမ္ဘာ့အဆင့်ရှိတဲ့ ထိုင်းနိုင်ငံ ဘန်ကောက်မြို့ရဲ့ ဆစ်မီတဝေ့ဆေးရုံကို ရွေးချယ်ပါ။

• ပြီးပြည့်စုံတဲ့ဝန်ဆောင်မှု - ဆစ်မီတဝေ့ဆေးရုံရဲ့ နှလုံးကျန်းမာရေးကုသ စောင့်ရှောက်မှုများဟာ ကြိုတင်ကာကွယ်မှုနဲ့ စောစီးစွာရောဂါရှာဖွေ တွေ့ရှိမှုကို ပေးစွမ်းကာ အလုံးစုံသော ကုသစောင့်ရှောက်မှုများကို ရရှိနိုင်ပါတယ်။
• ကမ္ဘာ့အဆင့်မီကျွမ်းကျင်ဆရာဝန်ကြီးများ - ဆစ်မီတဝေ့ဆေးရုံရဲ့  ဝါရင့် နှလုံးရောဂါအထူးကုဆရာဝန်ကြီးများဟာ အမေရိကန် ၊ UK ၊ ကနေဒါ ၊ ဩစတြေးလျ အပါအဝင် ကမ္ဘာ့နိုင်ငံများရဲ့ ထိပ်တန်းတက္ကသိုလ်ကြီးများမှာ ပညာသင်ယူခဲ့ကြသူများဖြစ်ပါတယ်။
• နယ်ပယ်စုံကျွမ်းကျင်ဝန်ထမ်းများ - ဆစ်မီတဝေ့ဆေးရုံရဲ့ ကုသမှုအဖွဲ့မှာ နှလုံးပြွန်ထည့်သွင်းကုသမှုကျွမ်းကျင်ပညာရှင်များ ၊ နှလုံးလျှပ်စစ်ဆိုင်ရာအထူးကုဆရာဝန်ကြီးများ ၊ နှလုံးရောဂါအထူးကုဆရာဝန် များနဲ့ နယ်ပယ်စုံကျွမ်းကျင်ပညာရှင်များ ပါဝင်ဖွဲ့စည်းထားပါတယ်။
• လူနာပမာဏ - ဆစ်မီတဝေ့ဆေးရုံမှာ တစ်နှစ်ကို အတွင်းလူနာနဲ့ အပြင်လူနာ ပေါင်း (၆,၇၀၀) ကျော်ကို ကုသစောင့်ရှောက်ပေးပြီး တစ်ဦးချင်းစီအတွက် နွေးထွေးပျူငှာစွာ ကုသစောင့်ရှောက်ပေးလျက်ရှိပါတယ်။
• အမျိုးမျိုးသောဝန်ဆောင်မှုများ - နှလုံးသွေးကြောဖွင့်ခြင်း ၊ Stentထည့်သွင်းခြင်း ၊ နှလုံးခုန်မှန်အောင်မလိုအပ်တဲ့တစ်ရှူးများအားဖယ် ရှားခြင်း အပါအဝင် နှစ်စဉ် နှလုံးခွဲစိတ်ကုသမှုပေါင်း (၃၀၀)ကျော်ကို ကုသဝန်ဆောင်မှုပေးလျက်ရှိပါတယ်။
• ခေတ်မီစက်ပစ္စည်းကိရိယာများ - ဆစ်မီတဝေ့ဆေးရုံရဲ့ နောက်ဆုံးပေါ် ခွဲစိတ်ခန်းများနဲ့ Cath Lab များကို နည်းစနစ်ကျစွာ ပုံစံပြုဖွဲ့စည်းထားပြီး နောက်ဆုံးပေါ်နည်းပညာသုံးကိရိယာများကိုလည်း တပ်ဆင်ထားပါတယ်။

ဆစ်မီတဝေ့ဆေးရုံရဲ့ ဝါရင့်နှလုံးကုသမှုဆရာဝန်ကြီးများနဲ့ အမျိုးမျိုးသောဝန်ဆောင်မှု များဟာ လူနာများအတွက် အမြင့်ဆုံးသော ကုသမှုနဲ့ စောင့်ရှောက်မှုများကို ပေးစွမ်းလျက်ရှိတာကြောင့် နှလုံးရောဂါနဲ့ပတ်သက်ရင် ဘန်ကောက်မြို့မှာရှိတဲ့ ဆစ်မီတဝေ့ဆေးရုံကိုသာ ရွေးချယ်လိုက်ပါ။