မျိုးရိုးဗီဇဆိုင်ရာ ချို့ယွင်းမှုများကို စမ်းသပ်စစ်ဆေးခြင်း - ရွေးချယ်စစ်ဆေးသင့်တာလား သို့မဟုတ် မဖြစ်မနေ စစ်ဆေး သင့်တာလား?

ကျန်းမာရေးအကောင်းဆုံးဖြစ်ဖို့ မျှော်လင့်ထားတဲ့မိခင်များအနေနဲ့ တစ်ခုတည်းသော လိုအပ်တဲ့အရာကတော့ ၄င်းတို့ရဲ့ မွေးမလာသေးတဲ့ ကလေးငယ်များကျန်းမာရေးကိုစစ်ဆေးရန် Non-invasive Test ခေါ် မိခင်ရဲ့သွေးကို နမူနာယူပြီး မွေးဖွားလာတဲ့ကလေးငယ်များရဲ့ မျိုးရိုးဗီဇကို စစ်ဆေးမှုနည်းလမ်းဖြစ် ကြောင်း  Dr Thewin Dejthevaporn က ပြောပါတယ်။ 

“ ဒီကလေးမရဲ့မျက်လုံးတွေက သူ့အမေ မျက်လုံးတွေနဲ့တူလိုက်တာ ”၊ “ သူကတကယ့်ကိုဖအေတူသားပဲ ”စတဲ့ မှတ်ချက်တွေကို အသစ်စက်စက်မိဘများအနေနဲ့ကြားဖူးကြမှာဖြစ်ပါတယ်။ မိဘများနဲ့ သားသမီးများကြား ဆင်တူနေတဲ့အချက်များဟာ ကျွန်တော်တို့ဘဝ အတွက် အဓိကသော့ချက်လို့ပြောလို့ရတဲ့ ခရိုမိုဆုန်းများ နဲ့ သက်ဆိုင်နေပါတယ်။ အရပ်အမြင့် ၊ ကိုယ်အလေးချိန် ၊ ဆံပင်အရောင် ၊ အသားအရောင် ၊ မျက်လုံးအရောင် ၊ ခြေလက်အင်္ဂါ အတိုအရှည် ၊ နှာခေါင်းအရွယ်အစား စတာတွေဟာ ကျွန်တော်တို့ရဲ့ ခရိုမိုဆုန်း ၊ နောက်တစ်နည်းအားဖြင့် အထူးပြုပြောရရင် ကျွန်တော် တို့ရဲ့ DNA နဲ့ ဆုံးဖြတ်နိုင်ပါတယ်။ ဒါကြောင့် ခရိုမိုဆုန်းမှာ တစ်ခုခု မူမမှန်မှုပြဿနာတွေရှိနေတယ်ဆိုရင် ကျွန်တော် တို့ရဲ့ ဘဝတွေကို သက်ရောက်ထိခိုက်စေမှာပဲဖြစ်ပါတယ်။ ခရိုမိုဆုန်းမူမမှန်မှုများ ဟာ ဆဲလ်အစုအဖွဲ့များမှာ တစ်ခုခု အမှားအယွင်းရှိနေတာကြောင့် ဖြစ်သလို တချို့ တွေမှာလည်း မိဘများရဲ့ DNA ကနေ မျိုးရိုးလိုက်ပြီးပါလာတတ်ပါတယ်။ ကလေး အယောက် (၁၅၀) မှာ တစ်ယောက်ဟာ ခရိုမိုဆုန်းမူမမှန်မှုများနဲ့ မွေးဖွားလာ တတ်ပြီး ဒေါင်းလက္ခဏာလို လူသိအများဆုံး အခြေအနေနဲ့ မွေးဖွားလာတတ်ပါတယ်။

ခရိုမိုဆုန်းမူမမှန်မှုများအတွက် ဆရာဝန်များမှ စမ်းသပ်စစ်ဆေးခြင်းနဲ့ ရောဂါရှာဖွေစစ်ဆေးခြင်း နည်းလမ်း(၂)မျိုးလုပ်ဆောင်ဖို့ အကြံပြုလေ့ရှိကြပါတယ်။ စမ်းသပ်စစ်ဆေးခြင်းဟာ ကိုယ်ဝန်ဆောင်မိခင်အားလုံးအတွက် ပုံမှန်လုပ်ဆောင် လေ့ရှိကြပါတယ်။ တကယ်လို့ စမ်းသပ်စစ်ဆေးမှုနည်းလမ်းမှာ ရလဒ်တစ်ခုခု တွေ့ရှိရတယ် (သို့) ရောဂါဖြစ်နိုင်ခြေကို ရှာဖွေတွေ့ရှိတယ်ဆိုရင် ရောဂါရှာဖွေ စစ်ဆေးမှုကို ဆက်လက်လုပ်ဆောင်ပါတယ်။ အသက်(၃၅)နှစ်အောက် ကျန်းမာသန်စွမ်းတဲ့ အမျိုးသမီးများဟာ Non-invasive Test ခေါ် မိခင်ရဲ့သွေးကို နမူနာယူပြီး မွေးဖွားလာတဲ့ကလေးငယ်များရဲ့ မျိုးရိုးဗီဇကို စစ်ဆေးမှုနည်းလမ်းကိုသာလျှင် လုပ်ဆောင်လေ့ရှိကြပါတယ်။ အသက်ကြီး တဲ့ အမျိုးသမီးများ (သို့) မွေးရာပါမူမမှန်မှု ရာဇဝင်ရှိတဲ့ အမျိုးသမီးများကတော့ သန္ဓေသား ရဲ့ ကျန်းမာရေးကို ကို ဆုံးဖြတ်နိုင်တဲ့ တခြားသော လုပ်ငန်းစဥ် တွေကို လပ်ဆောင်နိုင်ဖို့ ရေမြွှာရည်ဖောက်ယူစစ်ဆေးမှုကို လုပ်ဆောင်ဖို့ အကြံပြုမှာ ဖြစ်ပါတယ်။ ဒီနည်းလမ်းဟာ မူမမှန်မှုတွေကို စောစောစီးစီးရှာဖွေပေးနိုင်ပါတယ်။ ဒီစစ်ဆေးမှုနည်းလမ်းများဟာ ရာနှုန်းပြည့်တိကျတယ်လို့ ပြောလို့မရသလို အမှားပါတဲ့ရလဒ်ရော အမှားမပါတဲ့ ရလဒ်ပါ ထွက်နိုင်ပါတယ်။ ဒါပေမယ့် ဒါဟာ ရှားရှားပါးပါး ဖြစ်ပါတယ်။ ဒါကြောင့် ဆရာဝန်များဟာ ကိုယ်ဝန်ဆောင်အမျိုးသမီး အားလုံးအတွက် စမ်းသပ်စစ်ဆေးမှုနည်းလမ်းတစ်ခုအသုံးပြုပြီး လိုအပ်ရင် ဆက်လက် စစ်ဆေးမှုတွေကို လုပ်ဆောင်ဖို့ အကြံပေးပါတယ်။

ဒီစစ်ဆေးမှုကို ကိုယ်ဝန်ဆောင်ချိန် ပထမ(၃)လမှာ လုပ်ဆောင်ပြီး သန္ဓေသားကို အာထရာစောင်းရိုက်ခြင်း ၊ မိခင်အတွက် သွေးစစ်ခြင်းများပါဝင်ပါတယ်။ အာထရာစောင်းစစ်ဆေးမှုဟာ  ဖောရောင်မှုအတွက် သန္ဓေသားရဲ့ လည်ပင်းနေရာ ကိုစစ်ဆေးခြင်း ၊ တခြားမူမမှန်မှုများကိုစစ်ဆေးခြင်း တို့ ပါဝင်ပါတယ်။ မိခင်ရဲ့ သွေးရည်ကြည်ကိုစစ်ဆေးခြင်းဟာ အချင်းနှစ်ခု နဲ့ ဟော်မုန်းတို့ကို စစ်ဆေးပေးပြီး မူမမှန်မှု အဆင့်အပေါ်မူတည်ကာ တခြားရောဂါရှာဖွေစစ်ဆေးမှုတွေကို လုပ်ဆောင်ရပါတယ်။ ဒီစစ်ဆေးမှုဟာ မိခင်နဲ့ သန္ဓေသားအတွက် ဘာ ဥပါဒ်မှ မဖြစ်စေပါဘူး။ ဒီနည်းလမ်းဟာ ရှာဖွေတွေ့ရှိမှုနှုန်း (၈၅)ရာခိုင်နှုန်းရှိပြီး တစ်ကမ္ဘာလုံးမှာ အသုံးပြု လျက်ရှိပါတယ်။ ဒါပေမယ့် ၄င်းရဲ့ အကျိုးထိရောက်မှုဟာ ရာနှုန်းပြည့် အတိအကျ မဟုတ်နိုင်တာကြောင့် စစ်ဆေးမှုရလဒ် Negative ထွက်သည့်တိုင်အောင် ရောဂါဖြစ်နိုင်ခြေမြင့်မားတဲ့ မိခင်များအတွက် ဆရာဝန် များမှ ရောဂါရှာဖွေမှု နည်းလမ်းများကို အကြံပြုလမ်းညွှန်ပေးမှာဖြစ်ပါတယ်။

ဒီနည်းလမ်းကတော့ မိခင်ရဲ့သွေးထဲမှာတွေ့ရတဲ့ ဆဲလ်မရှိတဲ့ သန္ဓေသား DNA ကို လေ့လာစစ်ဆေးတာဖြစ်ပါတယ်။ အဖြစ်အများဆုံး မူမှန်မှု (၃) ခုကို အဓိက ပစ်မှတ်ထားပြီး trisomy 21, trisomy 18, and trisomy 13 စတဲ့ သန္ဓေသား DNA များကို စစ်ဆေးတာဖြစ်ပါတယ်။ Positive ရလဒ်ထွက်တဲ့အခြေအနေမျိုးမှာ ရေမြွှာရည်ဖောက်ယူစစ်ဆေးမှုကိုပါ ဆက်လက်လုပ်ဆောင်ရမှာဖြစ်ပါတယ်။ ဒီနည်းလမ်းဟာ ရှောဖွေတွေ့ရှိမှု (၉၉) ရာခိုင်နှုန်း ရှိပြီး False Negative / False Positive အမှား ဖြစ်နိုင်ခြေ ၀.၅ ရာခိုင် နှုန်းအောက်လျော့နည်းပါတယ်။ မိခင်ရဲ့သွေးကိုစစ်ဆေးခြင်းဖြစ်တာကြောင့် သန္ဓေသားကို ထိခိုက်စေမှာ မဟုတ်ပါ ဘူး။ ဒီစစ်ဆေးမှုကို ကိုယ်ဝန်ဆောင်စဥ်ကာလမှာ အချိန်မရွေးပြုလုပ်နိုင်ပေမယ့် အများအားဖြင့် (၁၀)ပတ်မြောက်နဲ့ (၂၀)ပတ်မြောက်မှာ ပြုလုပ်လေ့ရှိပါတယ်။

အစောပိုင်းလုပ်ဆောင်ခဲ့တဲ့ စစ်ဆေးမှုတွေမှာ Positive ရလဒ်ထွက်တယ် (သို့) မိခင်ဖြစ်သူဟာ မိသားစုရာဇဝင်မှာ ဒေါင်းလက္ခဏာရှိတာကြောင့် ရောဂါဖြစ်နိုင်ခြေ များတယ်ဆိုရင် ရေမြွှာရည်ဖောက်ယူစစ်ဆေးဖို့ ဆရာဝန်မှ အကြံပြုမှာဖြစ်ပါတယ်။ ဒီစစ်ဆေးမှုဟာ သန့်စင်တဲ့ အပ် သေးသေးလေးနဲ့ မိခင်ရဲ့ဝမ်းဗိုက်ကို ဖောက်လိုက်ပြီး ရေမြွှာရည်ကို ထုတ်ယူစစ်ဆေးတာဖြစ်ပါတယ်။ ဒီအရည်တွေထဲမှာ ကလေးငယ်ရဲ့ ဆဲလ်တွေပါဝင်ပါတယ်။ ကလေးငယ်ရဲ့ ဆဲလ် သွင်ပြင်သဘာဝ ဟာ ခရိုမိုဆုန်းမူမမှန်မှုကို စစ်ဆေးဖို့ အထောက်အကူပြုပါတယ်။ ဒါပေမယ့် ဒီနည်းလမ်းဟာ ကိုယ်ဝန်ပျက်ကျနိုင်ခြေ အယောက်(၃၀၀)မှာ (၁) ယောက်ဖြစ်စေနိုင်တဲ့ အခွင့်အရေးလည်းရှိပါတယ်။ ဒါကြောင့် မိခင်အားလုံး လုပ်ဆောင်ဖို့ အကြံမပြုလိုပါဘူး။ ဒါပေမယ့် ဒီစစ်ဆေးမှုဟာ ကလေးငယ်ရဲ့ ရုပ်ပိုင်းနဲ့ စိတ်ပိုင်းဆိုင်ရာ ဖွံ့ဖြိုးမှုကို နှေးကွေးစေတဲ့ ဒေါင်းလက္ခဏာကို ထိထိ ရောက်ရောက်စစ်ဆေးပေးနိုင်ပါတယ်။ တကယ်လို ရေမြွှာဖောက်ယူစစ်ဆေးခြင်း လုပ်ဆောင်ပြီးပြီဆိုရင် မစစ်ဆေးခင်နဲ့ စစ်ဆေးအပြီးမှာ အနားယူဖို့လိုပါတယ်။ မွေးလမ်းကြောင်းမှာ သွေးဆင်းတယ်ဆိုရင်တော့ ဆရာဝန်နဲ့ ချက်ချင်းတိုင်ပင်ပြသဖို့ လိုမှာဖြစ်ပါတယ်။

Preconception Screening ကို ဆစ်မီတဝေ့ဆူခွန်ဗစ်ဆေးရုံတွင် စစ်ဆေးနိုင်ပြီဖြစ်ပါတယ်။ ပိုမိုလေ့လာလိုပါက ဒီနေရာတွင် နှိပ်ပါ >>>