ဘေးကင်းလုံခြုံတဲ့လိင်ဆက်ဆံမှုဖြစ်ဖို့

ဘေးကင်းလုံခြုံတဲ့ လိင်ဆက်ဆံခြင်းရဲ့ အခြေခံအချက်များဟာ ကျား/မ ဖြစ်တည်ခြင်း ၊ လိင်စိတ် အားသန်ခြင်း စတာတွေအပေါ်မမူတည်ဘဲ အားလုံးနဲ့ သက်ဆိုင်နေပါတယ်။ ဘေးကင်းလုံခြုံတဲ့ လိင်ဆက်ဆံခြင်းဆိုတဲ့ ခေါင်းစဉ်အောက်မှာ  လူအများစုဟာ အကာအကွယ်အသုံးပြုခြင်းကို အရင်ဆုံး ပြေးမြင်ကြပါလိမ့်မယ်။ တကယ်တမ်းမှာ ဒါတင်မကဘဲ လိင်မဆက်ဆံခင် ၊ လိင်ဆက်ဆံနေစဉ်နဲ့ လိင်ဆက်ဆံပြီးချိန်တွေမှာ စိတ်ဖိစီးမှု ၊ ကြောက်ရွံ့မှုနဲ့ အကြမ်းဖက်မှုတွေ မဖြစ်စေရေးအတွက် ရင်းနှီးပွင့်လင်းစွာ သဘောတူညီမှုရယူခြင်း လည်းပါဝင်ပါတယ်။ ယောက်ျား ၊ မိန်းမရယ်မှ မဟုတ်ပါဘူး လိင်နဲ့သက်ဆိုင်တဲ့ လုပ်ဆောင်မှုတိုင်းမှာ ဘေးဥပါဒ်အန္တရာယ်တွေ အနည်းနဲ့အများ ပါဝင်ပါတယ်။ ဒါပေမယ့် Sexually Transmitted  Infection (STI) ခေါ် လိင်ကနေတစ်ဆင့်ရောဂါပိုး ကူးစက်ခြင်းများကို ဂရုစိုက်ရမယ့်အချက်များ ၊ ဘေးကင်းလုံခြုံတဲ့လုပ်ဆောင်မှုများနဲ့ လျှော့ချနိုင် ပါတယ်။

လိင်ကနေတစ်ဆင့်ရောဂါပိုးကူးစက်ခြင်းကို ရှောင်ရှားနိုင်ဖို့ စိတ်အချရဆုံးနည်းလမ်းကတော့ လိင်ဆက်ဆံခြင်းကို လုံးဝရှောင်ကျဉ်ခြင်းပဲဖြစ်ပါတယ်။  လိင်ကနေတစ်ဆင့်ရောဂါပိုးကူးစက်ခြင်းကို ဘယ်သူမှ မခုခံနိုင်ပါဘူး။ လိင်ဆက်ဆံခြင်းကြောင့်သာ ရောဂါပိုးကူးစက်ဝင်ရောက်နိုင်ပါတယ်။ ကိုယ်က လိင်ကနေတစ်ဆင့်ရောဂါပိုးကူးစက်ခံရတာနဲ့ပတ်သက်ပြီး မသေချာဘူးဆိုရင် အကောင်းဆုံး နည်းလမ်းကတော့ စစ်ဆေးခြင်းပဲဖြစ်ပါတယ်။

တကယ်လို့ သင်ကိုယ်တိုင် (သို့) သင့်လက်တွဲဖော်ဟာ HIV ရောဂါပိုးရှိသူနဲ့ အတူနေခဲ့ပြီး သင်ကိုယ်တိုင် က သူနဲ့ အတူနေဖို့စိတ်ကူးရှိတယ်ဆိုရင်တော့ PrEP လို့ခေါ်တဲ့ HIV ပိုးကာကွယ်ဆေးကို သောက်ဖို့စဉ်းစားရပါမယ်။ PrEP (Pre-Exposure Prophylaxis)

1. လိင်ဆက်ဆံခြင်းကြောင့်ဖြစ်လာနိုင်တဲ့ ရောဂါအန္တရာယ်အမျိုးမျိုးကို လျှော့ချနိုင်ဖို့ သင့်ရဲ့ ကာကွယ်ဆေး တွေက နောက်ဆုံးပေါ်ဖြစ်နေဖို့လိုပါတယ်။ ယေဘုယျအားဖြင့် အောက်ဖော်ပြပါ ကာကွယ်ဆေးအမျိုးအစားများကို အကြံပြုချင်ပါတယ်။
   1. အသည်းရောင်အသားဝါ (အေ) ကာကွယ်ဆေး
   2. အသည်းရောင်အသားဝါ (ဘီ) ကာကွယ်ဆေး
   3. HPV ဗိုင်းရပ်စ် ကာကွယ်ဆေး*
   *သိပ်မကြာသေးတဲ့ကာလမတိုင်ခင်အထိ HPV ဗိုင်းရပ်စ်ကာကွယ်ဆေးများဟာ အမျိုးသမီးများအတွက်သာ အကြံပြုထားပါတယ်။ ဒါပေမယ့် Centers for Disease Control and Prevention (CDC) ရဲ့ နောက်ဆုံးညွှန်ကြားချက်အရ လက်ရှိအချိန်မှာ အသက် (၁၁)နှစ်မှ (၂၆)နှစ်အတွင်း အမျိုးသားများရော အမျိုးသမီးများပါ ထိုးလို့ရပြီဖြစ်ပါတယ်။
2. PreP လို့ခေါ်တဲ့ကာကွယ်ဆေး
   Pre-exposure prophylaxis (PrEP) ဟာရောဂါပိုးကူးစက်မခံရသေးသူများအတွက် HIV ရောဂါပိုး ကို ကာကွယ်ပေးဖို့ ထုတ်ထားတဲ့ သောက်ဆေးဖြစ်ပါတယ်။ ထိရောက်မှုရှိစေဖို့ဆိုရင်တော့ ဒီဆေးကို ရောဂါပိုးကူးစက်နိုင်တဲ့အခြေအနေရှိတဲ့ လိင်ဆက်ဆံမှု မတိုင်ခင် ကြိုတင်သောက်ဖို့ လိုပါတယ်။
3. သန္ဓေတားဆေး
   မမျှော်လင့်ထားတဲ့ ကိုယ်ဝန်ဆောင်ခြင်းကို ကြိုတင်ကာကွယ်နိုင်တဲ့ ဒီနည်းလမ်းကတော့ အမျိုးသမီး များ အသုံးပြုဖို့ဖြစ်ပါတယ်။ တချို့သော သန္ဓေတားဆေးများကတော့ ဟော်မုန်းအများအပြား (သို့) ဟော်မုန်းတစ်မျိုးကိုဖြည့်စွက်ပြီး သားဥကြွေခြင်းကို တားဆီးကာကွယ်ပေးတာဖြစ်ပါတယ်။ တချို့ဆေးများကတော့ အမျိုးသားများဆီက ရောက်လာတဲ့ သုတ်ပိုးများကို အမျိုးသမီးများရဲ့ သားဥအိမ်အတွင်း မရောက်ရှိစေဖို့ သားအိမ်ခေါင်းရှိ အရိအချွဲများကို ထူပြောလာစေခြင်းဖြင့် တားဆီး လုပ်ဆောင်ပါတယ်။ တချို့ဆေးတွေကတော့ သန္ဓေအောင်ခြင်း ဖြစ်မလာစေဖို့ သားအိမ်အတွင်းတစ်ရှူးလွှာကို အဆင်သင့်ဖြစ်မနေအောင် လုပ်ဆောင်ပါတယ်။
   
   တကယ်လို့  သန္ဓေတားဆေးကို သောက်မနေတဲ့အမျိုးသမီးတစ်ယောက်ဟာ အကာအကွယ်မပါဘဲ လိင်ဆက်ဆံမိပြီး ကိုယ်ဝန်ရှိလာနိုင်တယ်ဆိုရင် လိင်ဆက်ဆံပြီး (၁၂)နာရီမှ (၂၄)နာရီအတွင်း (သို့) (၃)ရက်မှ (၅)ရက်အတွင်း (နည်းလမ်းအပေါ်မူတည်ပြီး) အရေးပေါ်သန္ဓေတားဆေး (Emergency Contraceptive) ကို သောက်သင့်ပါတယ်။

ကွန်ဒုံးအသုံးပြုခြင်း

လူအများစုကတော့ ဒီနည်းလမ်းနဲ့အကျွမ်းတဝင်ရှိကြပါတယ်။ အမျိုးသားနဲ့ အမျိုးသမီး လိင်ဆက်ဆံတဲ့အချိန် အမျိုးသားက ကွန်ဒုံးအသုံးပြုခြင်းဟာ ရိုးရှင်းလွယ်ကူပြီး ကိုယ်ဝန်ရလာခြင်း ကို တားဆီးပေးရုံသာမက လိင်ကနေတစ်ဆင့်ရောဂါပိုးမကူးစက်ဖို့ကိုလည်း ကာကွယ်ပေးပါတယ်။ အမျိုးသားများ လိင်တူဆက်ဆံတဲ့အခါ ကွန်ဒုံးအသုံးပြုခြင်းဟာလည်း လိင်ကနေတစ်ဆင့်ရောဂါပိုး ကူးစက်ခြင်းကိုကာကွယ်ပေးနိုင်ပါတယ်။ ယနေ့ခေတ်မှာတော့ အမျိုးသမီးများရဲ့ မိန်းမကိုယ်ထဲမှာ ထည့်သွင်းအသုံးပြုနိုင်တဲ့ အမျိုးသမီးသုံးကွန်ဒုံးများလည်း ရှိနေပြီဖြစ်ပါတယ်။

လက်ချောင်းများမှာစွပ်ပြီးအသုံးပြုရတဲ့ကွန်ဒုံး

လက်ချောင်းများမှာစွပ်ပြီးအသုံးပြုရတဲ့ကွန်ဒုံး (Finger Condoms) များကတော့ ကျန်းမာရေးစောင့်ရှောက်မှု ၊ ရှေးဦးသူနာပြုနဲ့ လိင်ဆက်ဆံခြင်း စသဖြင့် အမျိုးမျိုးသောနေရာတွေမှာ အသုံးပြုကြပါတယ်။ ဒီနည်းလမ်းဟာ လိင်ကနေတစ်ဆင့် ကူးစက်တတ်တဲ့ ရောဂါများကို လျှော့ချပေးနိုင်သလို တစ်ကိုယ်ရည်သန့်ရှင်းရေးအတွက်လည်း အသုံးပြုနိုင်ပါတယ်။ လိင်ဆံတဲ့အချိန် Finger Condoms ကို အသုံးပြုမယ်ဆိုရင် ရောဂါပိုးပြန့်ပွား ခြင်းကို ကာကွယ်ဖို့အတွက် အသုံးပြုပြီးတာနဲ့ ချက်ချင်းလွှင့်ပစ်ဖို့လိုပါတယ်။

• လက်ချောင်းများမှာစွပ်ပြီးအသုံးပြုရတဲ့ကွန်ဒုံးက ထိခိုက်ဒဏ်ရာရမှုတွေကိုဘယ်လိုကာကွယ်ပေးသလဲ?
  တကယ်လို့ လူတစ်ယောက်ဟာ လက်မှာဒဏ်ရာရလို့ ပတ်တီး ၊ ပလတ်စတာ စတာတွေကို ကပ်ထားပြီး ပန်းကန်ဆေးတာ ၊ စာရိုက်တာမျိုး လုပ်ဆောင်မယ်ဆိုရင် ပတ်ထားတဲ့ ပတ်တီး ၊ ပလတ်စတာ စတာတွေဟာ အလွယ်တကူကျွတ်ထွက်ကွာကျပြီး အနာဟာ ပိုးဝင်နိုင်ပါတယ်။ ဒီလိုအခြေအနေမျိုးမှာ Finger Condom များကို အသုံးပြုခြင်းဖြင့် ပတ်တီးများ ၊ ပလတ်စတာ များ ကွာကျတာတွေကို ကာကွယ်ပေးနိုင်ပါတယ်။ ဥပမာ - ရေမချိုးခင် ၊ ပန်းကန်မဆေးခင် အချိန်တွေမှာ Finger Condom များကို အသုံးပြုနိုင်ပါတယ်။
• လိင်နဲ့ပတ်သက်တဲ့ကျန်းမာရေးကိုဘယ်လိုအထောက်အကူပြုသလဲ?
  တကယ်လို့ လူတစ်ယောက်ဟာ လက်မှာဒဏ်ရာရလို့ ပတ်တီး ၊ ပလတ်စတာ စတာတွေကို ကပ်ထားပြီး ပန်းကန်ဆေးတာ ၊ စာရိုက်တာမျိုး လုပ်ဆောင်မယ်ဆိုရင် ပတ်ထားတဲ့ ပတ်တီး ၊ ပလတ်စတာ စတာတွေဟာ အလွယ်တကူကျွတ်ထွက်ကွာကျပြီး အနာဟာ ပိုးဝင်နိုင်ပါတယ်။ ဒီလိုအခြေအနေမျိုးမှာ Finger Condom များကို အသုံးပြုခြင်းဖြင့် ပတ်တီးများ ၊ ပလတ်စတာ များ ကွာကျတာတွေကို ကာကွယ်ပေးနိုင်ပါတယ်။ ဥပမာ - ရေမချိုးခင် ၊ ပန်းကန်မဆေးခင် အချိန်တွေမှာ Finger Condom များကို အသုံးပြုနိုင်ပါတယ်။
• လက်ချောင်းများမှာစွပ်ပြီးအသုံးပြုရတဲ့ကွန်ဒုံး သုံးမယ်ဆိုရင်တခြားဘေးထွက်ဆိုးကျိုးဘာရှိနိုင်သေးသလဲ?
  • လက်ချောင်းများမှာစွပ်ပြီးအသုံးပြုရတဲ့ကွန်ဒုံးကို ညွှန်ကြားထားတဲ့လမ်းညွှန်ချက်များအတိုင်းသုံးမယ်ဆိုရင် ဘာပြဿနာမှမရှိပါဘူး။ ၎င်းတို့ဟာ ရာဘာနဲ့ပြုလုပ်ထားတာကြောင့် ရာဘာနဲ့ ဓာတ်မတည့်သူများအတွက် ပြဿနာတစ်ခုဖြစ်နိုင်ပါတယ်။
  • လက်ချောင်းများမှာစွပ်ပြီးအသုံးပြုရတဲ့ကွန်ဒုံးအသုံးပြုရာမှာချော်ထွက်သွားပြီး ခန္ဓာကိုယ်ထဲ ကျန်ရှိနေခဲ့တာမျိုး ကြုံရနိုင်ပါတယ်။ ဒါကြောင့် ဒါတွေကိုသုံးမယ်ဆိုရင် လက်ချောင်းတွေမှာ သေချာ စွပ်ပြီးအသုံးပြုဖို့အရေးကြီးပါတယ်။
  • တကယ်လို့ လက်ချောင်းများမှာစွပ်ပြီးအသုံးပြုရတဲ့ကွန်ဒုံးတွေ ခန္ဓာကိုယ်ထဲမှာ ကပ်ငြိပြီးကျန်ခဲ့မယ်ဆိုရင် သေချာဆေးကြောထားတဲ့လက်ချောင်းများနဲ့ ဖယ်ရှားပစ်ရပါမယ်။ လက်နဲ့ဖယ်လို့ မရဘူးဆိုရင် သေချာ ဆရာဝန်နဲ့ ချက်ချင်းပြသရပါမယ်။
  • လိင်ဆက်ဆံနေစဉ်အချိန်မှာ လက်ချောင်းများမှာစွပ်ပြီးအသုံးပြုရတဲ့ကွန်ဒုံး ချော်ထွက်သွားခြင်းဟာ လက်ချောင်းများမှာစွပ်ပြီးအသုံးပြုရတဲ့ကွန်ဒုံး မသုံးဘဲ လိင်ဆက်ဆံခြင်းထက်စာရင် ရောဂါပိုး (သို့) လိင်ကနေတစ်ဆင့် ရောဂါပိုးကူးစက်နိုင်ခြေ အန္တရာယ်အနည်းငယ်မျှသာရှိပါတယ်။

Rimming (သို့) Anilingus ဆိုတာကတော့ ဆက်ဆံဖော်ကို လိင်မှုဆိုင်ရာစိတ်ခံစားမှု ကောင်းစေဖို့အတွက် စအိုပေါ်မှာလျှာကိုအသုံးပြုခြင်းဖြစ်ပါတယ်။ ဒီလိုလုပ်ဆောင်မှုဟာ အောက်ဖော်ပြပါ ရောဂါတွေဖြစ်ပွားနိုင်ခြေမြင့်မားပါတယ်။

1.  အသည်းရောင်အသားဝါ (အေ)ရောဂါ
2. အသည်းရောင်အသားဝါ(ဘီ)ရောဂါ - ရောဂါပိုးရှိတဲ့ သွေး(သို့) တခြားသော ခန္ဓာကိုယ်မှထွက်တဲ့အရည် များနဲ့ထိတွေ့ခြင်းကြောင့် အသည်းရောင်အသားဝါ (ဘီ) ပိုး ကူးစက်နိုင်ပါတယ်။
3. E Coli Bateria - ဒါကတော့ ဝမ်း(မစင်)နဲ့ဆိုင်ပါတယ်။ Anilingus အနေအထားနဲ့မဆက်ဆံခင် စအိုကို သေချာစွာ သန့်ရှင်းရေးမလုပ်ထားဘူးဆိုရင် ဝမ်းလျှောခြင်း နဲ့ အူမကြီးရောဂါပိုးကူးစက် ခြင်းတွေ ဖြစ်နိုင်ပါတယ်။
4. မွေးလမ်းကြောင်းဆိုင်ရာရောဂါပိုးဝင်ခြင်း (Trichomoniasis Infection) - ဒါဟာ Trichomonas Vaginalis Bacteria ခေါ်  လိင်ကနေတစ်ဆင့်ကူးစက်တဲ့ရောဂါပိုးကြောင့်ဖြစ်နိုင်ပါတယ်။
5. HPV ဗိုင်းရပ်စ် ကူးစက်ခြင်း
6. ပါးစပ်မှာ အနာ(သို့)ပြည်တည်ခြင်း
7. AIDS(HIV)ရောဂါပိုးကူးစက်ခြင်း

လိင်ကနေတစ်ဆင့်ကူးစက်တတ်တဲ့ရောဂါများကိုကာကွယ်ဖို့ dental dams (ခံတွင်းအကာအကွယ်ပစ္စည်း) အသုံးပြုတဲ့အခါ ဆောင်ရန်ရှောင်ရန်များ