Phattarapon Atimetin, M.D. on ၈ ဇန် ၂၀၂၀
5 min read
4.3
လေ့ကျင့်ခန်းလုပ်နေစဉ် နှလုံးဖောက်ခြင်းဟာ ဘယ်သူမှ မကြုံချင်သော အန္တရာယ်တခုဖြစ်ပါတယ်။ အချိန်မှီ ကုသမှုမခံယူပါက အသက်အန္တရာယ် ရှိပါတယ်။
ကျန်းမာရေး ပိုကောင်းလာရန်နဲ့ နှလုံးသွေးကြောစွမ်းရည် အားကောင်းစေရန်အတွက် လေ့ကျင့်ခန်းလုပ်ခြင်းဟာ ဘယ်လောက်ထိအရေးကြီးကြောင်း ကျွန်တော်တို့အားလုံး သိကြပါတယ်။ ဒါဆို ဘာကြောင့် တာဝေးအပြေးသမားများ ပြေးနေစဉ် နှလုံးဖောက်တယ်ဆိုသော သတင်းများ မကြာခဏ ကြားနေရသလဲ?
အမေရိကန်နိုင်ငံတွင် ၂၀၀၀ ပြည့်နှစ်မှ ၂၀၁၀ ပြည့်နှစ်အထိ ၁၀ နှစ်တာကာလအတွင်း မာရသွန်ပွဲများကို လေ့လာခဲ့ရာ၊ ပါဝင်သူ ၁၁ သန်း ထဲက ၅၉ ယောက်သာ နှလုံးရပ်ခဲ့ကြောင်းကို တွေ့ရပါတယ်။ ဒါဟာ လူ ၁၈၄,၀၀၀တွင် ၁ ယောက် ဆိုသော အချိုးအစား ဖြစ်ပါတယ်။ သို့သော် ဤနှုန်းကို ထိုင်းနိုင်ငံလမ်းမများတွင် ယဉ်မတော်တဆမှုကြောင့် သေဆုံးရတဲ့နှုန်း (လူ ၁၀,၀၀၀ မှာ ၁ ယောက်) နဲ့ ယှဉ်ပါက၊ ယဉ်မတော်တဆမှုကြောင့် သေဆုံးနှုန်းဟာ ၂ ဆနီးပါး ပိုများပါတယ်။ အပြေးသမားများ နှလုံးဖောက်တယ်ဆိုသော သတင်းများ ပိုကြားလာရခြင်းဟာ ထိုင်းနိုင်ငံတွင် ပြေးတဲ့သူ ပိုများလာခြင်းကြောင့်လို့ ကျွန်တော်ထင်ပါတယ်။
နှလုံးရပ်ခဲ့သောအပြေးသမား ၅၉ ဦးဆီမှ အဓိကသိရတဲ့ အချက်များမှာ
စိတ်ဝင်စားစရာကောင်းသောအချက်မှာ အပြေးပြိုင်ပွဲများတွင် နှလုံးရပ်ပြီးသေဆုံးနှုန်း (၇၁%) ဟာ သာမန်ပြင်ပတွင်ဖြစ်ပွားသော သေဆုံးနှုန်း (၉၀%) ထက် နည်းပါးနေကြောင်း တွေ့ရပါတယ်။ ဒါဟာ ပြိုင်ပွဲများတွင် ရှေးဦးသူနာပြုအဖွဲ့များ အဆင်သင့်ရှိသောကြောင့် ဖြစ်နိုင်ပါတယ်။ အမေရိကန်နိုင်ငံတွင် ဤကဲ့သို့ကိစ္စများအတွက် ကြိုတင်ပြင်ဆင်ထားမှု အားကောင်းပါတယ်။ ထိုင်းနိုင်ငံဟာ အမေရိကန်နိုင်ငံလောက် မပြည့်စုံသေးသော်လည်း အပြေးသမားအချင်းချင်း ဂရုစိုက်စောင့်ကြည့်ပေးကြပါက ဘေးကင်းလုံခြုံမှုရှိလာနိုင်ပါတယ်။ ဒါ့အပြင် ပုံမှန်မဟုတ်သောအခြေအနေတခုတွေ့ရပါက တာဝန်ရှိသူများထံ ချက်ချင်း အကြောင်းကြားသင့်ပါတယ်။
နောက်ဆုံးအနေဖြင့် နှလုံးရပ်တဲ့နှုန်းဟာ သိပ်မများသော်လည်း သတိရှိရန်အရေးကြီးပါတယ်။ အန္တရာယ်ရှိသော လက္ခဏာများကို ကြိုသိထားခြင်းဟာ အသက်အန္တရာယ်မှ ကာကွယ်ပေးနိုင်ပါတယ်။ အကယ်၍ သင်ဟာ ရင်ဘတ်ကြပ်ခြင်း၊ မူးမေ့လဲချင်သလို ဖြစ်လာခြင်း သို့မဟုတ် အသက်ရှူရခက်ခြင်းများ ခံစားရပါက ချက်ချင်း အရှိန်လျှော့ပြီး နားလိုက်ပါ။ ပြီးတာနဲ့ အနီးအနားတွင်ရှိသောလူကို ကိုယ့်အခြေအနေအကြောင်း ချက်ချင်း ပြောပြပြီး အကူအညီတောင်းပါ။
အကယ်၍ သင်ပြေးနေစဉ် အခြားသူတယောက် သတိလစ်လှဲကျသွားပါက အောက်ပါ ရှေးဦးသူနာပြုနည်းအတိုင်း ကူညီပေးပါ။
ဤရိုးရှင်းသော အဆင့်များဟာ ပြေးဖော်တစ်ဦးရဲ့ အသက်ကို ကယ်တင်နိုင်ပါတယ်။ အားလုံးပဲ ဤကဲ့သို့ ကံဆိုးမှုမျိုးနဲ့ မကြုံစေရန် ဆုတောင်းပေးလိုက်ပါတယ်။
ဆက်သွယ်ရန်
ကျန်းမာရေးအတွက် စိတ်ပူမိသမျှ
သိချင်တာရှိရင် မေးခဲ့ပါ။ဆောင်းပါးများ
