ကြက်ဥအစိမ်းစားခြင်းနှင့် Salmonella အန္တရာယ်

• အစားအသောက်နှင့်ဆေးဝါးကွပ်ကဲရေးအဖွဲ့(FDA) ရဲ့ထုတ်ပြန်ချက်အရ Salmonella ဘတ်တီးရီးယားပိုးတွေ ကပ်ငြိနေတဲ့ ကြက်ဥကို အစိမ်းအ တိုင်းစားတာကြောင့် နှစ်စဉ် လူအယောက်(၃၀)   သေဆုံးနေရကြောင်း ထုတ်ပြန်ခဲ့ပါတယ်။
• လေ့လာမှုများအရ ကြက်ဥကိုအစိမ်းစားတဲ့အချိန်မှာ ခန္ဓာကိုယ်ဟာ ကြက်ဥမှာပါတဲ့ ပရိုတိန်းရဲ့ (၅၁)ရာခိုင်နှုန်းကိုသာ စုပ်ယူနိုင်ကြောင်း တွေ့ရှိခဲ့ရပါတယ်။ ဒါကြောင့် ကြက်ဥကို ချက်ပြုတ်ပြီးမှစားတာ ပိုကောင်း ပါတယ်။
• ဒါကြောင့် ကြက်ဥကိုအစိမ်းလိုက်စားမယ်ဆိုရင် အပူပေးပိုးသတ်ထားတဲ့ ကြက်ဥများကိုသာ ရွေးချယ်စားသုံးဖို့ အကြံပေး ချင်ပါတယ်။ ဒါပေမယ့်လည်း ကလေးငယ်များ၊ ကိုယ်ဝန်ဆောင်အမျိုးသမီးများ၊ ကိုယ်ခံအားနည်းတဲ့သက်ကြီးပိုင်းများအနေနဲ့ ကြက်ဥအစိမ်းလိုက်စား ခြင်းကို လုံးဝရှောင်ကျဉ်သင့်ပါတယ်။

ကြက်ဥဟာ ပရိုတိန်း၊ Lecithin၊ Lutein၊ Zeaxanthin၊ ဗီတာမင်ဘီ၊ Selenium၊ ဖော့စဖောရက်စ် နဲ့ Folates ဓာတ်များပါဝင်တာကြောင့် ကျန်းမာရေးနဲ့အညီ ညွတ်ဆုံး အစားအစာတစ်ခုလို့ ပြောလို့ရပါတယ်။ ကြက်ဥကို တစ်နေ့လျှင် (၁)လုံးမှ (၃)လုံး အထိစားနိုင်ကြောင်း အကြံပြုထားကြပါတယ်။

ထမင်းပန်ကန်လုံးပေါ်မှာ ကြက်ဥဖောက်ထည့်လိုက်ပြီး ဆော့စ်အချဉ် အမျိုးမျိုးနဲ့ တွဲဖက်စားသုံးခြင်းဟာ ဂျပန်မှာ စားလေ့ရှိတဲ့ ပုံစံတစ်မျိုးဖြစ်ပါတယ်။  ကြက်ဥကို ဂျပန်လူမျိုးတွေစားလေ့ရှိတဲ့ နောက်ထပ်ပုံစံတစ်မျိုးကတော့ ကြက်ဥအနှစ်ကို ပဲငံပြာရည်ထဲမှာ လုံးဝနူးညံ့စိုရွှဲသွားတဲ့အထိ တစ်ညလုံးစိမ်ထားပြီးမှ ထမင်း(သို့) ဟင်းသီးဟင်းရွက်များနဲ့တွဲဖက်စားသုံးခြင်းဖြစ်ပါတယ်။ ဒီလိုလုပ်စားခြင်းဟာ နာမည်ကြီးလာတဲ့အလျောက် လူအတော်များများ လုပ်စားကြပါတယ်။ ဒါပေမယ့်လည်း ကြက်ဥအစိမ်း သက်သက်(သို့) ကြက်ဥအစိမ်းနဲ့လုပ်ထားတဲ့ အစားအစာများဟာ Salmonella ဘတ်တီးရီးယားကူးစက်နိုင်ခြေမြင့်မားတာကို နားလည်ထားရပါမယ်။

• ကြက်ဥအစိမ်းနဲ့ ချက်ထားတဲ့ကြက်ဥရဲ့ ကောင်းကျိုးများဟာ အတူတူပဲဖြစ် ပါတယ်။  ကြက်ဥမှာ ပရိုတိန်းအပြည့်အဝပါဝင်သလို မပျော်ဝင်နိုင်တဲ့အဆီ များ၊ ဗီတာမင်နှင့်သတ္တုဓာတ်များ၊ မျက်စိကိုကာကွယ်ပေးတဲ့ Letein နဲ့ Zeaxanthin လိုမျိုး ဓာတ်တိုးဆန့်ကျင်ပစ္စည်း(Antioxidants)များ၊ ခန္ဓာကိုယ်အတွက် အများအပြားကောင်းကျိုးပြုတဲ့အာဟာရဓာတ်များ လည်း ပါဝင်ပါတယ်။
• မချက်မပြုတ်ထားတဲ့ကြက်ဥတစ်လုံးမှာ ဦးနှောက်လုပ်ဆောင်မှု ကျန်းမာ အောင်တိုးမြှင့်ပေးတဲ့ မရှိမဖြစ် ဓာတ်ပစ္စည်းတစ်ခုဖြစ်တဲ့ Choline ဓာတ် (၁၄၇) မီလီဂရမ်ပါဝင်ပါတယ်။ Choline ဓာတ်ဟာ ဗီတာမင်ဘီနဲ့ အုပ်စုအတူတူဖြစ်ပြီး နှလုံးနဲ့ အသည်းကျန်းမာရေးကိုထိန်းသိမ်းဖို့အတွက် အရေးပါတဲ့ ဓာတ်တစ်မျိုးဖြစ်ပါတယ်။ ဒါ့အပြင် လူကိုဆိုးကျိုးဖြစ်စေတဲ့ ကိုလက်စ်ထရောလ် ပါဝင်မှုကိုလျှော့ချပေးပြီး နှလုံးရောဂါကိုကာကွယ်ပေး ခြင်း၊ အသည်းရဲ့အဆီလုပ်ငန်းစဉ်ကိုအထောက်အကူပြုခြင်း၊ အသည်းအဆီဖုံးရောဂါဖြစ်စေတဲ့ အသည်းအဆီပမာဏကို လျှော့ချခြင်း စတဲ့ ကောင်းမျိုးများ ဖြစ်စေပါတယ်။

• လေ့လာမှုများအရ ကြက်ဥကိုအစိမ်းစားတဲ့အချိန်မှာ ခန္ဓာကိုယ်ဟာ ကြက်ဥမှာပါတဲ့ ပရိုတိန်းရဲ့ (၅၁)ရာခိုင်နှုန်းကိုသာ စုပ်ယူနိုင်ကြောင်း တွေ့ရှိခဲ့ရပါတယ်။ ဒါကြောင့် ကြက်ဥကို ချက်ပြုတ်ပြီးမှစားတာ ပိုကောင်း ပါတယ်။
• အစားအသောက်နှင့်ဆေးဝါးကွပ်ကွဲရေး(FDA) ရဲ့ ထုတ်ပြန်ချက်အရ နှစ်စဉ် လူ (၇၉၀၀၀)ခန့်ဟာ အစားအသောက်ကြောင့်ဖြစ်တဲ့ ဖျားနာခြင်း ကို ခံစားရပြီး အဲဒီထဲကမှ လူ(၃၀)ဟာ ကြက်ဥအစိမ်းမှာပါတဲ့ Salmonella ဘတ်တီးရီးယားကြောင့် သေဆုံးခဲ့ကြောင်း သိရပါတယ်။ Salmonella ဘတ်တီးရီးယားဟာ ဥဝပ်တဲ့ ကြက်မများရဲ့ မျိုးပွားအင်္ဂါကို Salmonella Typhimurium နဲ့ Salmonella Enteritidis ဘတ်တီးရီးယားများ ကူးစက် ခြင်းမှတစ်ဆင့် ဖြစ်ပွားတာပါ။

• ကြက်မ (သို့) ဘဲ အုပ်ထဲမှာရှိတဲ့အကောင်အရေအတွက်။
• ဥကိုဝပ်တဲ့တိရစ္ဆာန်များရဲ့ စိတ်ဖိစီးမှု(သို့) စိုးရိမ်ပူန်မှု။
• အဆိုပါတိရစ္ဆာန်များစားသုံးလိုက်တဲ့အစားအစာ။
• ကာကွယ်ဆေးများ။
• ဥဝပ်တဲ့တိရစ္ဆာန်များကိုထားတဲ့နေရာရဲ့ရေစွန့်ထုတ်မှုစနစ်နဲ့ သန့်ရှင်းမှု။

Salmonella ဘတ်တီးရီးယားကူးစက်ခံရဖို့ အချိန်နှစ်ရက်ကြာပြီး ပြတတ်တဲ့ လက္ခဏာများကတော့ ဗိုက်အောင့်ခြင်း၊ ဝမ်းလျှောခြင်း၊ ဝမ်းသွားရင်သွေးပါခြင်း၊ အော့အန်ခြင်း၊ ခေါင်းကိုက်ခြင်း၊ ပျို့ခြင်း၊ ဖျားခြင်း၊ ချမ်းတုန်ခြင်းနဲ့ အစာစားချင်စိတ် မရှိခြင်းတို့ ဖြစ်ပါတယ်။

အဆိုပါလက္ခဏာတွေဟာ (၂)ရက်မှ (၇)ရက်အထိ ခံစားရနိုင်ပါတယ်။ ဝမ်းလျှောခြင်းကတော့ (၁၀)ရက်အထိ ခံစားရနိုင်ပြီး အူ လုပ်ဆောင်မှု နဂိုအတိုင်း ပြန်ဖြစ်ဖို့ကတော့ လနဲ့ချီ အချိန်ယူရပါတယ်။ အထက်မှာဖော်ပြခဲ့တဲ့ လက္ခဏာ များကို (၂)ရက်ထက်ပိုပြီး ခံစားရမယ်ဆိုရင် ရောဂါရှာဖွေခြင်းနဲ့ ကုသမှု ကိုလုပ်ဖို့ အကြံပေးချင်ပါတယ်။

ကြက်ဥအစိမ်းမှာပါဝင်တဲ့ အာဟာရများနဲ့ ချက်ပြီးသားကြက်ဥမှာပါဝင်တဲ့ အာဟာရဓာတ်များဟာ အတူတူပဲဖြစ်ပါတယ်။ ဒါပေမယ့် ကြက်ဥကိုအစိမ်း လိုက်စားမယ်ဆိုရင် အာဟာရ စုပ်ယူမှုက ပိုနည်းမှာဖြစ်ပါတယ်။ ဘတ်တီးရီးယားကပ်ငြိနိုင်မှု မြင့်မားရင် Salmonella ဘတ်တီးရီးယားပိုး ကူးစက်နိုင် ခြေရှိပါတယ်။ ဒါကြောင့် ကြက်ဥကို အစိမ်းလိုက်စားမယ်ဆိုရင် အပူပေးပိုးသတ်သလိုမျိုး ကာကွယ်မှုနည်းလမ်းများကို လုပ်ဆောင်ရပါမယ်။ ဒါပေမယ့်လည်း မွေးကင်းစကလေးငယ်များ၊ ကိုယ်ဝန်ဆောင်များ၊ ကိုယ်ခံအား နည်းတဲ့သက်ကြီးရွယ်အိုများအနေနဲ့ကတော့ ကြက်ဥအစိမ်းစားခြင်းကို လုံးဝ ရှောင်ကျဉ်ရပါမယ်။ ကြက်ဥကို ချက်ပြုတ်စားသုံးခြင်းဟာ အန္တရာယ်နည်းပါးပြီး ထိရောက်မှုအရှိဆုံးနည်းလမ်းဖြစ်သလို ကြက်ဥမှာပါတဲ့ ကောင်းကျိုးများအားလုံး ကို ရရှိစေမှာဖြစ်ပါတယ်။