ကိန်းဂဏန်းအချက်အလက်များအရ ကမ္ဘာပေါ်မှာ ကလေး(၇၀၀)မှ (၁၀၀၀) မှာ တစ်ယောက်ဟာ ဒေါင်းလက္ခဏာ နဲ့ မွေးဖွားလာကြတယ် လို့ ဆိုပါတယ်။ ဒေါင်းလက္ခဏာဆိုတာ ကိုယ်ခန္ဓာအစိတ်အပ်ိုင်းမူမမှန်မှုများနဲ့ စိတ်ပိုင်းဆိုင်ရာ မသန်မစွမ်းဖြစ်မှု များ ပေါင်းစပ်ထားတဲ့ အခြေအနေဖြစ်ပါတယ်။ (၂၁)ခုမြောက်ခရိုမိုဆုန်း (Faulty 21st chromosome) ကြောင့် ဒေါင်းလက္ခဏာ ဖြစ်တာပါ။ ကလေးမိခင်ရဲ့အသက်အရွယ်ဟာလည်း အဓိက အကြောင်းအရင်း တစ်ချက်ဖြစ်ပြီး အသက်(၃၅)နှစ်အထက် အမျိုးသမီး အယောက်(၂၅၀)မှာ တစ်ယောက်ဟာ ဒေါင်းလက္ခဏာကလေးငယ်မွေးဖွားနိုင်ခြေရှိပါတယ်။ အသက်(၄၀)အထက် အမျိုးသမီး အယောက်(၇၀)မှာ တစ်ယောက်ဟာ ဒေါင်းလက္ခဏာကလေးငယ်မွေးဖွားနိုင်ခြေရှိပါတယ်။ ဒါဟာ မျိုးရိုးဗီဇဆိုင်ရာ မူမမှန်မှုများကြောင့် ဖြစ်လာတဲ့ ရောဂါရဲ့ အကျိုးဆက်ဖြစ်ပါတယ်။
ဒေါင်းလက္ခဏာကလေးငယ်များဟာ မျိုးရိုးလိုက်ပြီးဖြစ်လာတဲ့ ခရိုမိုဆုန်းမူမမှန် ခြင်းပုံစံအပေါ်မူတည်ပြီး တစ်ယောက်နဲ့တစ်ယောက် လက္ခဏာတွေ မတူကြပါ ဘူး။ တစ်ယောက်နဲ့တစ်ယောက် မတူညီတဲ့ ရုပ်ပိုင်းဆိုင်ရာကွဲပြားမှုတွေ ရှိကြပါ တယ်။ ဦးခေါင်းခွံသေးငယ်ခြင်း၊ နှာနုရိုးမပါလာခြင်း၊ မျက်လုံးပြူးခြင်း၊ ကြွက်သား တောင့်တင်းမှုမရှိခြင်း၊ အရိုးအဆစ်နှင့်အရွတ်များမလှုပ်ရှားနိုင်ခြင်း၊ လက်ချောင်း နှင့်လည်ပင်းများတိုနေခြင်း၊ ရှည်လျားသောလျှာရှိခြင်း စတဲ့ လက္ခဏာတွေ ဖြစ်ပါတယ်။ စိ်တ်ပိုင်းဆိုင်ရာအရ ပြောရမယ်ဆိုရင် ဒေါင်းလက္ခဏာကလေး ငယ်များဟာ သူတို့နဲ့ သက်တူရွယ်တူ သာမန်ကလေးငယ်များနဲ့ ယှဉ်ရင် စိတ်ပိုင်းဆိုင်ရာဖွံ့ဖြိုးမှုမှာ နောက်ကျ ကျန်ရစ်လေ့ရှိကြသလို အော်တစ်ဇင် (ASD) နဲ့ ပုံမှန်မဟုတ်သည့်တက်ကြွမှုနှင့်စိတ်လိုက်မာန်ပါလုပ်တတ်သည့် စိတ်ရောဂါတစ်မျိုး(ADHD) လည်း ဖြစ်န်ိုင်ပါတယ်။ ဒါ့အပြင် အကြားအာရုံရဖို့ ခက်ခဲခြင်း၊ မျက်စိစွေစောင်းခြင်း၊ မွေးရာပါနှလုံးအားနည်းခြင်း၊ သိုင်းရွိုက်ဂလင်း လုပ်ဆောင်မှုလျော့နည်းခြင်း(Hypothyroidism) စတဲ့ ရုပ်ပိုင်းဆိုင်ရာရောဂါပြဿ နာဖြစ်နိုင်ခြေလည်း များပါတယ်။
ဒေါင်းလက္ခဏာနဲ့မွေးဖွားလာတဲ့ ကလေးများကို မိဘများအနေနဲ့ ငယ်စဉ်က တည်းက ပံ့ပိုးပြီး စိတ်ခွန်အားတွေပေးမယ်ဆိုရင် ဖွံ့ဖြိုးမှုဆိုင်ရာစွမ်းရည်များ လည်း တိုးတက်မှာဖြစ်ပါတယ်။ ဒေါင်းလက္ခဏာနဲ့မွေးဖွားလာတဲ့ ကလေးငယ် များဟာ မွေးကင်းစအရွယ်မှာကတည်းက ချို့ယွင်းချက်ရှိ နေပြီလို့ စ သိရတဲ့ အချိန်မှာ အမျိုးမျိုးသောစောင့်ရှောက်မှုများဖြစ်တဲ့ ကိုယ်အင်္ဂါအစိတ်အပိုင်း ချို့ယွင်းချက်များကိုစစ်ဆေးခြင်း၊ ကလေးများ ရဲ့ဖွံ့ဖြိုးမှုကိုစောင့်ကြည့်ခြင်း၊ အထူးဖန်တီးထားတဲ့လေ့ကျင့်ခန်း စတဲ့နည်းလမ်း များကို မိဘများမှ ဂရုတစိုက် နဲ့ လုပ်ဆောင်ပေးသင့်ပါတယ်။ ဒေါင်းလက္ခဏာကလေးငယ်များရဲ့ ဖွံ့ဖြိုးမှုကို ဂရုတစ်ိုက် အားပေးလုပ်ဆောင် ရာမှာ ၎င်းတို့ရဲ့ ကြီးမား(သို့)သေးငယ်တဲ့ ကြွက်သားအုပ်စုများ၊ အသိအမြင်၊ စကား ပြောဆိုမှု၊ လူမှုဝန်းကျင်နဲ့ စိတ်ပိုင်းဆိုင်ရာအမူအကျင့်၊ မှီခိုမှု စတာတွေကို သေချာ မျက်ခြည်မပြတ် စောင့်ကြည့်ရမှာဖြစ်ပါတယ်။ ဒီလိုမျိုးလေ့ကျင့်လုပ် ဆောင်ရာမှာ ဆရာဝန်နဲ့တခြား တတ်ကျွမ်းပညာရှင်များ ပေါင်းစပ်ပါဝင်တဲ့ အဖွဲ့ တစ်ဖွဲ့ (Multidisciplinary Team) လိုအပ်ပြီး ၎င်း အဖွဲ့ဝင်များအားလုံးဟာ ကလေးငယ်ရဲ့ ဖွံ့ဖြိုးမှုအတွက် အကောင်းဆုံးဘယ်လိုမျိုး လုပ်ဆောင်ရမလဲ ဆိုတာနဲ့ပတ်သက်လို့ ကလေးမိဘကို အကောင်းဆုံး ဦးဆောင်အကြံပေးနိုင်သူ များ ဖြစ်ရပါမယ်။
ဒေါင်းလက္ခဏာကလေးငယ်များအတွက် အထူးပြု စောင့်ရှောက်ကုသမှု ပေးနေတဲ့ ကျွမ်းကျင်ဆေးဘက်ဆိုင်ရာပညာရှင်များရဲ့ အကူအညီကိုရယူပါ။ ဒီကုသမှု အဖွဲ့အတွင်း အောက်မှာဖော်ပြထားတဲ့ ပညာရှင်မျိုးတွေ ပါဝင်သင့် ပါတယ်။
အဆိုပါ ကျွမ်းကျင်ပညာရှင်များရဲ့ အကြံပေးလမ်းညွှန်မှုများကို တိတိကျကျ လိုက်နာဆောင်ရွက်ဖို့က အရေးကြီးပါတယ်။ ဒါ့အပြင် ဆရာဝန်များအနေဖြင့် ကုသမှုနဲ့ အဆင့်တိုင်းရဲ့ ဖွံ့ဖြိုးမှုကို ဦးစားပေးစောင့်ကြည့်ဖို့ကလည်း အရေး ကြီးပါတယ်။
တိုးတက်လာတဲ့နည်းပညာနဲ့ ဆက်သွယ်မှုများအရ ကမ္ဘာတစ်ဝန်းက မိဘများ ဟာ ဒေါင်းလက္ခဏာနဲ့ပတ်သက်ပြီး အသိအမြင်ပိုကျယ်ပြန့်လာတယ်လို့ ဆိုပါတယ်။ ဒေါင်းလက္ခဏာကလေး မွေးဖွားလာနိုင်ခြေ ရှိ မရှိ ဆိုတာကို ကိုယ်ဝန် စဆောင်တဲ့အချိန်မှာ စစ်ဆေးနိုင်တဲ့နည်းပညာများလည်း ယခုအချိန်မှာ ပေါ်ထွန်းနေပြီဖြစ်ပါတယ်။
ဆောင်းပါးများ
သင့်ကိုယ်ရေးအချက်အလက်များသိမ်းဆည်းရန်နှင့် နောက်ရက်ချိန်းအသစ် ချိတ်နိုင်ရန် မှတ်ပုံတင်ပါ။
မှတ်ပုံတင်ပြီးသားလား။ ဝင်ရန်