UKA - ဒူးခေါင်းအရိုးအဆစ် တစ်စိတ်တစ်ပိုင်းအစားထိုး ခွဲစိတ်ကုသခြင်းနည်းပညာ

• ဒူးနာခြင်းဝေဒနာခံစားရသူများဟာ ကုသမှုနည်းလမ်းအမျိုးမျိုးနဲ့ ကြိုးစားကုသပြီးသည့်တိုင်အောင် မသက်သာလာသေးဘူးဆိုရင် ကိုယ့်ရောဂါအခြေအနေ ကို တိတိကျကျ ရောဂါရှာဖွေနိုင်ဖို့နဲ့ ဒူးအစားထိုးခွဲစိတ် ကုသရတဲ့အဆင့်အထိ မရောက်ခင် လိုအပ်တဲ့ ကုသမှုတွေ လုပ်နိုင်ဖို့ အတွေ့အကြုံရှိ အရိုးအကြောအထူးကု ဆရာဝန်တစ်ဦးနဲ့ သေချာတိုင်ပင်ဆွေးနွေးသင့်ပါတယ်။
• အသက်အရွယ်ကြောင့် ဒူးဆစ်ရောင်ခြင်းရဲ့ (၉၀) ရာခိုင်နှုန်းဟာ ဒူးဆစ်တစ်ခု (ဒူးတစ်ဖက်လျှင် ဒူးဆစ်(၃)ခုပါရှိ) ပေါ်ကို သက်ရောက်မှု ကြောင့်  အရိုးနု ပျက်စီးတာဖြစ်ပြီး ဒူးတစ်ခုလုံးအစားထိုးခြင်း (TKA) ထက်စာရင် ဒူးခေါင်းအရိုးအဆစ်တစ်စိတ်တစ်ပိုင်းအစားထိုးခြင်း (UKA) နည်းလမ်းနဲ့ ကုသတာက ပိုပြီး သင့်လျော် ပါတယ်။
• ဒူးခေါင်းအရိုးအဆစ်တစ်စိတ်တစ်ပိုင်းအစားထိုးခြင်း (UKA) ဟာ ထိုးဖောက်မှုအနည်းဆုံး ခွဲစိတ်ကုသမှု(MIS)တစ်ခုဖြစ်တာကြောင့် သွေးဆုံးရှုံးမှုနည်းခြင်း၊ အလျှင်အမြန်ပြန်လည်သက်သာလာနိုင်ခြင်း၊ ခွဲစိတ်ကုသထားတဲ့ဒူး ဟာ အကောင်းပကတိအတိုင်းခံစားရခြင်း၊ လမ်းလျှောက်တဲ့အချိန်နဲ့ နေ့စဉ် လှုပ်ရှားမှု လုပ်တဲ့အချိန်တွေမှာ ပုံမှန်သဘာဝအတိုင်းခံစားရခြင်း စတဲ့ အားသာချက် တွေရှိပါတယ်။

ဒူးအစားထိုးခြင်း (Knee Arthroplasty) ဟာ အသက်အရွယ်မရွေး လုပ်ဆောင်နိုင်တဲ့ ကုသမှုနည်းလမ်းတစ်ခုဖြစ်ပါတယ်။ ဒါပေမယ့်လည်း လူနာ တစ်ဦးချင်းစီရဲ့လိုအပ်ချက်နဲ့အသက်အရွယ်၊ ရောဂါလက္ခဏာပြင်းထန်မှု နဲ့ ဆုံးဖြတ်ချက်အပေါ်သက်ရောက်တဲ့ တခြားအကြောင်းအရင်းများ အပေါ်မူ တည်ပြီး ကုသမှုနည်းလမ်းတွေ ကွဲပြားသွားပါတယ်။ တိုးတက်လာတဲ့ ဆေးပညာလောက မှာ Unicompartmental Knee Arthroplasty လို့ခေါ်တဲ့ ဒူးခေါင်းအရိုးအဆစ်တစ်စိတ်တစ်ပိုင်း အစားထိုးခြင်း ( UKA ) နည်းပညာကို စတင်ခဲ့ပြီး ဒူးတစ်ခုလုံးအစားထိုးခွဲစိတ်စရာမလိုဘဲ ထိခိုက်ပျက်စီးတဲ့နေရာကို သာလျှင် အစားထိုးဖို့လိုအပ်ခြင်း အပါအဝင် ဒီနည်းပညာရဲ့ အားသာချက်တွေ အများကြီးရှိနေပါတယ်။

ဒါကြောင့်လူနာများအနေနဲ့ ဒူးဆစ်နေရာတစ်ဝိုက်က အကောင်းအတိုင်းရှိနေတဲ့ တစ်ရှူးများ ထိခိုက်မိမှာကို စိုးရိမ်စရာမလိုဘဲ ခွဲစိတ်ပြီးနောက်မှာလည်း အကောင်းအတိုင်းပြန်ဖြစ်ပြီး နောက်ဆက်တွဲရောဂါအန္တရာယ် များကိုလည်း လျှော့ချပေးနိုင်ပါတယ်။ ခွဲစိတ်ကုသမှုဟာ လူနာရဲ့ရုပ်ပိုင်းဆိုင်ရာ အခြေအနေနဲ့ အရည်အသွေးပြည့်ဝတဲ့ကျွမ်းကျင်ဆရာဝန်များရဲ့ ဦးဆောင်လမ်း ညွှန်မှုအပေါ်မှာ မူတည်ပါတယ်။

ဆေးပညာမှာ UKA လို့ အတိုကောက်ခေါ်တဲ့  ဒူးခေါင်းအရိုးအဆစ် တစ်စိတ် တစ်ပိုင်းအစားထိုး ကုသခြင်း ( Unicompartmental Knee Arthroplasty) ဟာ အရိုးရဲ့ အစွန်းရှိ ထိခိုက်ပျက်စီးနေတဲ့အရိုးနု ကို ဖယ်ရှားတဲ့ ကုသမှုဖြစ်ပါတယ်။ ဖယ်ရှားပြီးတဲ့ နောက် ပုံမှာပြထားတဲ့ သတ္ထုပစ္စည်း တစ်ခုကို အစားထိုး ထည့်သွင်းပြီး ၎င်းကို ခိုင်မြဲစေဖို့ Polyethylene နဲ့ ထိန်းပါတယ်။ အဆိုပါ ကုသမှုနည်းလမ်းဟာ ဒူးပတ်ပတ်လည်ရှိ အရွတ်များအပါအဝင် ဒူးဆစ်ရဲ့ အကောင်းအတိုင်းရှိနေတဲ့ အစိတ်အပိုင်းများကို ထိ စရာမလိုပါဘူး။ ထိုးဖောက်မှု အနည်းဆုံးခွဲစိတ်ကုသမှု(MIS) တစ်ခုဖြစ်ပြီး (၃)-(၃.၅) လက်မလောက်သာ ခွဲဖို့ လိုတာကြောင့် အရွတ်(သို့) တစ်ရှူးများထိခိုက်မှုကိုလည်း လျှော့ချပေးပါတယ်။ အသက်အရွယ်ကြောင့် ဒူးဆစ်ရောင်ခြင်း ရဲ့ (၉၀) ရာခိုင်နှုန်းဟာ ဒူးဆစ်တစ်ခု (ဒူးတက်ဖက်လျှင် ဒူးဆစ်(၃)ခုပါရှိ) ပေါ်ကို သက်ရောက်မှုကြောင့်  အရိုးနု ပျက်စီးတာဖြစ်ပြီး ဒူးတစ်ခုလုံးအစားထိုးခြင်း (TKA) ထက်စာရင် ဒူးခေါင်းအရိုး အဆစ်တစ်စိတ်တစ်ပိုင်းအစားထိုးခြင်း (UKA) နည်းလမ်းနဲ့ ကုသတာက ပိုပြီး သင့်လျော် ပါတယ်။

( ပုံ - ၁ ဒူးခါင်းအရိုးအဆစ်တစ်စိတ်တစ်ပိုင်းအစားထိုးကုသခြင်း)

• ဒူးတစ်ဖက်သာလျှင် ဒူးဆစ်ရောင်ခြင်းဝေဒနာခံစားနေရသူလူနာများ။
• ဒူး(Knee) နဲ့ ဒူးခေါင်း(Kneecap) ရဲ့ အဆစ်တစ်ခုသာလျှင် အသေးစား ထိခိုက်မိသူများ။
• ပြင်းပြင်းထန်ထန်အရိုးမထိခိုက်မိသော်လည်း ရောဂါအခြေအနေကို X-Ray  ဖြင့်စစ်ဆေးရန်လိုအပ်သော အရမ်းမပြင်းထန်သည့်အခြေအနေ။
• လွန်ကဲစွာ ဒူး ပုံစံ ပျက်ယွင်းမှုမရှိသူများ (ဒူးခွင်ခြင်း) နဲ့ ပုံမှန်အတိုင်း ဒူးဆန့်တန်းနိုင်သူများ။

အထက်မှာဖော်ပြခဲ့တဲ့အချက်များနဲ့ ကိုက်ညီပြီး ၎င်းတို့ရဲ့ နေ့စဉ်ဘဝမှာ ဒူးဆစ် အလွန်အကျွံအသုံးပြုမှုမရှိသူများ အနေနဲ့ အသက်အရွယ်မရွေး UKA နည်းလမ်းနဲ့ ကုသမှုခံယူနိုင်ပါတယ်။ ဒူးအစားထိုးခွဲစိတ်ကုသမှု ကို သာမန်အတိုင်း လုပ်ဆောင်ခဲ့ပြီးတဲ့ အသက်(၅၀)မှ (၆၀)ကြားလူနာများ အတွက် ဒီလိုမျိုး နာကျင်မှုနည်းပါး တဲ့နည်းလမ်းဟာ လုံးဝသင့်လျော်ပါတယ်။ တကယ်လို့ ဒူးဆစ်ပိုမိုရောင်ရမ်းခြင်း မျိုး ကြုံတွေ့ရတယ်ဆိုရင် ဒူး ကျန်းမာရေးနဲ့ ပတ်သက်ပြီး အန္တရာယ်မဖြစ်စေဖို့ အတွက် နောက်ဆက်တွဲ ရှာဖွေစမ်းသပ်မှုတွေ ကို လုပ်ဆောင်ရမှာဖြစ်ပါတယ်။

• UKA နည်းလမ်းဟာ ဒူးဆစ်တစ်ဝိုက်ရှိ မပျက်စီးသေးတဲ့ အရိုးအဆစ် မျက်နှာပြင်၊ အရွတ် နဲ့ အရိုးနုများကို ကာကွယ်ပေးပါတယ်။
• UKA နည်းလမ်းနဲ့ ကုသမှုခံယူခဲ့သူများဟာ လမ်းလျှောက်တဲ့အချိန်မှာ သာမန် အကောင်းပကတိအတိုင်းခံစားရပြီး နေ့စဉ်လှုပ်ရှားမှုများကိုလည်း ပုံမှန်အတိုင်း လုပ်ဆောင်နိုင်ပါတယ်။ ဒါ့အပြင် လူနာများဟာ ဒူးကို ပုံမှန် အတိုင်း ကွေးနိုင် ဆန့်နိုင်ပြီး ခြေထောက်ချိတ်ထိုင် ဒူးချိတ်ထိုင်ရာမှာလည်း နာကျင်မှုမရှိဘဲ ထိုင်နိုင်မှာဖြစ်ပါတယ်။
• UKA နည်းလမ်းဟာ ထိုးဖောက်မှုအနည်းဆုံးခွဲစိတ်ကုသမှု(MIS) နည်းလမ်း တစ်ခုဖြစ်တာကြောင့် သွေးဆုံးရှုံးမှုနည်းခြင်း၊ ခွဲစိတ်ပြီးနောက်နာကျင်မှုကို လျှော့ချနိုင်ခြင်း၊ နောက်ဆက်တွဲပြဿနာနည်းတာကြောင့် ပြန်လည် သက်သာလာဖို့ ဆေးရုံမှာ ၃-၄ ရက်သာ အချိန်ယူရခြင်း၊ အလျှင်အမြန် ပြန်လည်သက်သာခြင်း စတဲ့ အားသာချက်တွေရှိပါတယ်။
• လူနာအနေနဲ့ ခွဲစိတ်ကုသမှုအပြီး ၁ရက် - ၂ရက် အကြာမှာ ထိခိုက်မိခဲ့တဲ့ အဆစ်နေရာ အပေါ်မှာ ပြန်လည် အားပြုနိုင်မှာဖြစ်ပါတယ်။ ဒါကြောင့် လူနာဟာ ဆေးရုံက ဆင်းပြီး (၃)ပတ်-(၄)ပတ် ဆိုရင် သာမန်နေ့စဉ်ဘဝ မှာ မိမိတို့ရဲ့ လုပ်ငန်းဆောင်တာများကို ပြန်လည် လုပ်ဆောင်နိုင်မှာဖြစ်ပါ တယ်။
• ကျွမ်းကျင်ဆရာဝန်များက လူနာများအပေါ် ဂရုတစိုက်ရွေးချယ်ပေးခြင်း ကြောင့် ကုသမှုကို အမြင့်မားဆုံးအောင်မြင်မှု ရရှိစေမှာဖြစ်ပြီး သာမန်အား ဖြင့် (၁၀)နှစ် မှ နှစ် (၂၀) လောက်ထိ ကြာရှည်ခံမှာဖြစ်ပါတယ်။ တကယ်လို့ အနာဂတ်မှာ နောက်ထပ် ခွဲစိတ်ကုသမှုတွေလုပ်ဆောင်ဖို့ လိုအပ်ခဲ့မယ်ဆိုရင် ဒီကုသမှုနည်းလမ်းဟာ ဒူးတစ်ခုလုံးခွဲစိတ်အစားထိုး ခြင်းနည်းလမ်းထက် အများကြီး ရိုးရှင်းလွယ်ကူပါတယ်။

• ဒူးတစ်ခုလုံးအစားထိုးခြင်း(TKA) နဲ့ နှိုင်းယှဉ်မယ်ဆိုရင် အခက်အခဲတစ်ခု ကတော့ UKA နည်းလမ်းဟာ ဒီပညာရပ်နယ်ပယ်မှာ အထူးကျွမ်းကျင်တဲ့ ခွဲစိတ်ဆရာဝန် က သာလျှင် လုပ်ဆောင်နိုင်တာဖြစ်ပါတယ်။
• UKA နည်းလမ်းနဲ့ ကုသမယ်ဆိုရင် ဒူးဆစ်နေရာမှာ တိကျမှန်ကန်စွာ အစားထိုးနိုင်ဖို့နဲ့ လုပ်ဆောင်မှုကို တိကျ သေချာစေဖို့ အတွက် ခွဲစိတ် ကိရိယာများကို အပြည့်အဝပြင်ဆင်ထားဖို့လိုပါတယ်။
• UKA နည်းလမ်းနဲ့ကုသဖို့ မသင့်လျော်တဲ့ လူနာများကတော့ -
• ဆိုးရွားစွာဒူးဆစ်ပျက်စီးနေတဲ့လူနာများ။
• ဆိုးရွားစွာ ဒူးဆစ်ရောင်နေတဲ့လူနာများ။
• အရိုးပွခြင်း(Osteoporosis)၊ လေးဖက်နာ(Rheumatoid Arthritis)၊ အရိုးပျော့ရောဂါ(Rickets) ကဲ့သို့ ဆိုးရွားတဲ့ အရိုးအဆစ်ရောဂါပြဿနာ ရှိသူများ။
• ကိုယ်အလေးချိန်များတဲ့လူနာများ။
• ပြေးခြင်း၊ အားကစားလုပ်ခြင်း စတာတွေအတွက် ဒူးကို အပြည့်အဝ သုံးဖို့ လိုအပ်တဲ့ အသက်ငယ်ရွယ်တဲ့လူနာများ။ ( ဒီလိုလုပ်ဆောင်မှုများဟာ ဒူး ပျက်စီးယိုယွင်းမှုကို ပုံမှန်ထက် စောစီးစွာ ဖြစ်စေနိုင်ပါတယ်။)

လူနာဟာ ခွဲစိတ်ကုသမှုအပြီး အိမ်ပြန်ရောက်ပြီဆိုတာနဲ့ ဆရာဝန်ညွှန်ကြားထား တဲ့ အချက်များအတိုင်း လိုက်နာရမှာဖြစ်ပြီး အထူးသဖြင့် အသက်ကြီးတဲ့ လူနာများဟာ လိုအပ်ရင် လမ်းလျှောက်တုတ် အသုံးပြုရပါမယ်။ လူနာအနေနဲ့ အိမ်ထဲမှာ လျှောက်သွားတဲ့အချိန်မှာ ဘေးအန္တရာယ်ကင်းရှင်းစေဖို့အတွက် အကာအကွယ် အခင်းအကျင်းများကို လုပ်ဆောင်ထားရပါမယ်။ လေ့ကျင့်ခန်းလုပ်မယ်ဆိုရင် ကုသပေးတဲ့ ဆရာဝန် (သို့) ခွဲစိတ်ဆရာဝန် ရဲ့ လမ်းညွှန်ချက်အတိုင်းသာ လုပ်ရပါမယ်။ ဆရာဝန်နဲ့ ပြန်လည်ပြသရမယ့် ရက်ချိန်းများကိုလည်း မပျက်မကွက် သွားရောက်ပြသရပါမယ်။ ဒါမှသာ ကျန်းမာရေးဝန်ထမ်းများမှ လူနာရဲ့ အခြေအနေအမှန်ကို အနီးကပ် ကြည့်ကာ စောင့်ရှောက်နိုင်မှာဖြစ်သလို ခွဲစိတ်ပြီးနောက် ဖြစ်လာနိုင်တဲ့ ဘေးထွက်ဆိုးကျိုး များကိုလည်း ထိရောက်စွာ ကုသနိုင်မှာဖြစ်ပါတယ်။

“ UKA နည်းလမ်းနဲ့ကုသပြီးရင်ဘယ်လောက်ထိကြာရှည်ခံမလဲ? ” ဆိုတာဟာ လူနာတွေ အများဆုံးမေးလေ့ရှိတဲ့မေးခွန်းတစ်ခုဖြစ်ပါတယ်။ အသစ်အစားထိုး လိုက်တဲ့အစိတ်အပိုင်းရဲ့ ကြာရှည်ခံနိုင်မှုဟာ အကြောင်းအရင်းများစွာအပေါ် မူတည်နေပါတယ်။ လူနာခံစားနေရတဲ့အခြေအနေနဲ့အသုံးပြုလိုက်တဲ့ခွဲစိတ်မှု နည်းလမ်းဟာ သင့်လျော်မှု ရှိ မရှိ၊ ကုသပေးတဲ့ဆရာဝန်ဟာ ခွဲစိတ်မှုကို အောင်မြင်စွာလုပ်ဆောင်နိုင်တဲ့ ကျွမ်းကျင်မှု ရှိ မရှိ၊  လူနာအနေနဲ့ ဒူးအပေါ်ကို ဘယ်လောက်ထိ အားစိုက်မှုပြုရသလဲ စတဲ့ အချက်တွေအပေါ်မှာ မူတည်နေပါ တယ်။ The Lancet Medical Journal မှာ ဖော်ပြချက်အရ UKA နည်းလမ်းနဲ့ ခွဲစိတ်ကုသမှုခံယူခဲ့တဲ့ လူနာပေါင်း (၅၅၀၀၀) ကို စစ်တမ်းကောက်သုတေသန ပြု ရာမှာ (၃.၉) ရာခိုင်နှုန်းသာလျှင် ကနဦးခွဲစိတ်မှုအပြီး (၁၀)နှစ်အတွင်း နောက်ဆက်တွဲ ခွဲစိတ်ကုသမှုလိုအပ်ကြောင်း  သိရပါတယ်။ ဒါ့အပြင် လေ့လာချက်များအရ UKA နည်းလမ်းနဲ့ ခွဲစိတ်ကုသမှုခံယူခဲ့တဲ့ လူနာ (၉၀)ရာခိုင်နှုန်းကျော်ဟာ ခွဲစိတ်ကုသမှုအပြီး အနည်းဆုံး (၁၀)နှစ်အတွင်း  သူတို့ရဲ့ ဒူးကို ကျန်းမာရေးနဲ့ညီညွတ်စွာအသုံးပြုနိုင်ကြောင်း သိရပါတယ်။ ဒီ အချက်ကိုကြည့်မယ်ဆိုရင် UKA နည်းလမ်းဟာ (၁၀)နှစ်-(၂၀)နှစ် အတွင်း ကောင်းမွန်စွာအသုံးပြုနိုင်တယ် ဆိုတဲ့ သက်သေသာဓက တစ်ခုအဖြစ် မြင်တွေ့ရ မှာဖြစ်ပါတယ်။ ဒါပေမယ့် လူတစ်ဦးချင်းစီရဲ့ ကြာရှည်စွာအသုံးပြုနိုင်မှုဟာ အထက်မှာဖော်ပြထားတဲ့ အကြောင်းအရင်းအပေါ်မှာ မူတည်နေပါသေးတယ်။

UKA နည်းလမ်းရဲ့ အဓိက ရည်ရွယ်ချက်ကတော့ ဒူးအသုံးပြုရာမှာ နာကျင်မှု မရှိဘဲ  အတတ်နိုင်ဆုံး အကောင်းပကတိအတိုင်းဖြစ်စေဖို့ပါ။ UKA နည်းလမ်းနဲ့ ကုသမှုခံယူခဲ့သူများအတွက် ခွဲစိတ်ပြီးနောက်ပိုင်း လုပ်ဆောင်သင့်တဲ့ လေ့ကျင့်ခန်းများကတော့ ရေကူးခြင်း၊ ရေကိုအခြေခံပြီးလုပ်ရတဲ့ လေ့ကျင့်ခန်း များ၊ စက်ဘီးစီးခြင်း ကဲ့သို့  နှလုံးကြွက်သားခံနိုင်ရည်ကို တိုးတက်စေတဲ့ နှလုံးသွေးကြောဆိုင်ရာလေ့ကျင့်ခန်းများ ပဲဖြစ်ပါတယ်။ ဒီလေ့ကျင့်ခန်းများဟာ ဒူးအပေါ် အားစိုက်သက်ရောက်မှုကို လျှော့ချပေးပြီး အစားထိုးထည့်သွင်းထားတဲ့ ပစ္စည်းရဲ့ သက်တမ်းကို ကြာရှည်အောင်အထောက်အကူပြုမှာဖြစ်ပါတယ်။ ပြေးခြင်း၊ ဘတ်စကတ်ဘောကစားခြင်း၊ Rugby လိုမျိုး တွန်းတွန်းတိုက်တိုက် ကစားရတဲ့ ကစားနည်းများဟာ ဒူးကိုပြင်းပြင်းထန်ထန် အသုံးပြုရတာကြောင့် မပြုလုပ်ဖို့ အကြံပေးချင်ပါတယ်။

ဒီဆောင်းပါးထဲမှာဖော်ပြခဲ့တဲ့ အချက်တွေကိုကြည့်မယ်ဆိုရင် UKA နည်းလမ်းဟာ ဒူးတစ်ခုလုံးအစားထိုးခြင်း (TKA) နဲ့ယှဉ်ရင် အကောင်းပကတိအတိုင်းပြန်လည် ခံစားရခြင်း၊  MIS ခွဲစိတ်ကုသမှုများရဲ့ ထုံးစံအတိုင်း ရောဂါပြန်လည်ဖြစ်ပွားမှုကို လျှော့ချနိုင်ခြင်း အပါအဝင် တခြား ကောင်းကျိုးများလည်း ရှိနေပါတယ်။ ဒါပေမယ့်လည်း အစားထိုးခွဲစိတ်ကုသမှုကို အထိရောက်ဆုံးအောင်မြင်မှုရရှိ စေ ရန်အတွက် သက်ဆိုင်ရာနယ်ပယ်မှာ အထူးကျွမ်းကျင်တဲ့ ခွဲစိတ်ဆရာဝန်ရဲ့ ဦးဆောင် ညွှန်ကြားမှုနဲ့သာ ကုသမှုခံယူသင့်ပါတယ်။
တစ်ခုသိထားရမှာကတော့ UKA နည်းလမ်းဟာ အရိုးအဆစ်ရောင်ခြင်းကို ခံစားရတဲ့ လူနာအားလုံးအတွက် မသင့်လျော်ပါဘူး။ သင့်လျော်မှု ရှိ မရှိ ဆိုတာ ကတော့ ရောဂါပြင်းထန်မှု၊ ရောဂါဖြစ်ပွားတဲ့နေရာ၊ လူနာရဲ့အသက်အရွယ်၊ လူနာ အနေနဲ့လိုအပ်တဲ့ အားကစားနဲ့လှုပ်ရှားမှု စတာတွေအပေါ်မှာ မူတည်နေပါတယ်။ ဒါကြောင့် သောက်ဆေး၊ platelet-rich plasma injections ကဲ့သို့ထိုးဆေးများ၊ ကိုယ်ကာယကုထုံး(Physiotherapy) ကဲ့သို့ နည်းလမ်းများနဲ့ ကုသခဲ့ပေမယ့် အောင်မြင်မှုမရှိဘဲ အရိုးအဆစ်ရောင်ခြင်းကို ခံစားနေရဆဲလူနာများ၊ ဒူးတစ်ခုလုံးအစားထိုးခွဲစိတ်ကုသခြင်း(TKA)   နည်းလမ်းလုပ်ဆောင်ရန် ဆန္ဒမရှိသူများ အနေနဲ့ အမြန်ဆုံးသက်သာပျောက်ကင်းဖို့အတွက် ဆရာဝန်နဲ့ ပြသတိုင်ပင်သင့်ပါတယ်။  
 

ဒူးကျန်းမာရေးစင်တာ The Knee Health Center ဆစ်မီတဝေ့ဆေးရုံဟာ ဂျပန်နိုင်ငံ Ajinkya Healthcare Corporation ရဲ့ ထိပ်တန်းအဖွဲ့အစည်းများထဲမှ တစ်ခုဖြစ်တဲ့ Takatsuki General Hospital နဲ့ ပူးပေါင်းကာ ကျန်းမာရေးဆိုင်ရာအသိပညာနဲ့ ကျွမ်းကျင်မှုများကို မျှဝေဖလှယ်ပြီး စဉ်ဆက် မပြတ်တိုးတက်အောင် လုပ်ဆောင်လျက်ရှိပါတယ်။ တွဲဖက်လုပ်ဆောင် တဲ့ အဖွဲ့အစည်းရဲ့ နာမည်သတင်းကျော်ကြားခြင်း ဟာ ဆစ်မီတဝေ့ဆေးရုံ ကုသစောင့်ရှောက်မှုအဆင့်အတန်းကို မြှင့်တင်ပေးသလို အရိုးအဆစ်ရောင်ရမ်း တဲ့လူနာများအတွက် လျှင်မြန်စွာပြန်လည်သက်သာလာစေပြီး ဒူးနာခြင်းနဲ့ ပတ်သက်ရင် စိုးရိမ်စရာမလိုတဲ့ အခြေအနေအထိ ဖြည့်ဆည်းဝန်ဆောင်မှုပေးနေ တာဖြစ်ပါတယ်။

State-of-the-art surgical technology has progressed an extremely long way, giving surgeons tools that let them conduct faster, more precise operations, with minimal discomfort and quick resolution such that individuals can continue on with their lives more quickly. The technology, Robotic-Arm Assisted Surgery (RAS), consists of significant systems which aid in the procedure:

• AccuStop Haptic Technology – stops on an angle change moment instantly, which allows for real-time adjustment of bone and ligament balance.
• 3D CT Planning – investigates patient-specific anatomy for accurate placement of implants, and allows planning of surgical procedure ahead of time.

These systems result in less trauma to bone and surrounding soft tissues that can be damaged during traditional (non-robotic) procedures. Robotic surgery thus results in lower postoperative pain, faster return to full activity, and—most importantly—a lower rate of revision surgery in the long term compared to traditional surgical methods.

Statistically, post-robotic surgery patients can begin mobilizing 24 hours after surgery, walk or bear weight on the surgical side after three days, and return to full activity shortly thereafter, depending on individual strength and health condition.

These improvements in total and partial knee arthroplasty reduce surgical trauma, reduce treatment-related pain, lower revision surgeries, and shorten overall recovery time accelerating the patient's return to a full life.

ဆစ်မီတဝေ့မှ ဝန်ထမ်းများအနေနဲ့ လူနာများကိုကူညီဖို့အတွက် အောက်ပါ ဝန်ဆောင်မှုများပေးဖို့အသင့်ရှိနေပါတယ်။

• အွန်လိုင်းဗီဒီယိုကောလ်မှတစ်ဆင့်ဆရာဝန်နှင့် ကုသမှုအစီအစဉ် ဆွေးနွေးတိုင်ပင်ခြင်း (ဒုတိယရွေးချယ်မှု) ။
• တခြားဆေးရုံမှ ဆေးမှတ်တမ်းများနဲ့ ခန့်မှန်းကုန်ကျစရိတ်များရှိ ခဲ့မယ်ဆိုရင်လုပ်ဆောင်နိုင်တဲ့ ကုသမှုစီစဉ်ရေးဆွဲခြင်း။
• ဆစ်မီတဝေ့ရဲ့ တန်ဖိုးတွက်ချက်မှုအဖွဲ့ (Appraisal Team) မှ အာမခံ ဈေးနှုန်းနဲ့အတူ ကုန်ကျစရိတ်တွက်ချက်ရေးဆွဲခြင်း။ ( နောက်ဆက်တွဲ ရောဂါမရှိသည့်ကုသမှုအစီအစဉ်များအတွက်သာ)
• ထိုင်းနိုင်ငံအပါအဝင် နိုင်ငံတကာကုမ္ပဏီများနှင့် ဆေးဝါးဝယ်ယူနိုင်သည့်ပမာဏ (Initial Coverage Eligibility) တွက်ချက်ပေးခြင်း။ (ဆေးရုံနှင့်စာချုပ် ချုပ်ဆိုထားသည့်ကုမ္ပဏီများအတွက်သာ)