အသည်းနှင့်အစာခြေလုပ်ငန်းဆိုင်ရာ ကုသရေး စင်တာ

ကျွန်တော်တို့ရဲ့ အသည်းနှင့်အစာခြေလုပ်ငန်းဆိုင်ရာ ကျွမ်းကျင်ပညာရှင်များဟာ ကောင်းစွာလေ့ကျင့်ထားတဲ့ ဆေးဘက်ဆိုင်ရာ ဝန်ထမ်းများနဲ့ အတူတကွပူးပေါင်းလုပ်ဆောင်သလို နောက်ဆုံးပေါ်ခေတ်မီနည်းပညာများအသုံးပြုပြီး နိုင်ငံတကာ အဆင့်မီ ရောဂါရှာဖွေမှုများနဲ့ ကုသမှု များကို လုပ်ဆောင်ပေးလျက်ရှိပါတယ်။ လူနာများရဲ့ ကနဦးအဆင့် ဖျားနာမှု များကို ဖြစ်စေတဲ့ အကြောင်းအရင်းများကို သေချာဖော်ထုတ်ခြင်းမှ စလို့ အစာခြေစနစ်ကျန်းမာရေး ပြဿနာများကို ခေတ်မီနည်းပညာများနဲ့ ကုသမှု ပေးတဲ့အဆင့်အထိ လုပ်ဆောင်ပေးလျက်ရှိပါတယ်။ ကျွန်တော်တို့ရဲ့ ကုသမှုများကို မြန်ဆန်တိကျပြီး လုံခြုံဘေးကင်းစွာ အကျိုးထိရောက်မှုရှိစေဖို့ အမြဲ ကြိုးစားလျက်ရှိသလို လူနာများရဲ့ တန်ဖိုးရှိတဲ့ ဘဝနေထိုင်မှု အဆင့်မြင့်မားဖို့ အမြဲလုပ်ဆောင် ပေးနေပါတယ်။ မှန်ပြောင်းကိရိယာဖြင့်စစ်ဆေးပေးတဲ့ ကျွမ်းကျင်သူများဟာလည်း အထူးကုဆရာဝန်များနဲ့ အတူ အူမကြီးကင်ဆာ ရောဂါရှာဖွေမှုနဲ့ ကုသရေးအပိုင်းတွေမှာ ဆွေးနွေးတိုင်ပင်ဖို့ အရန်သင့်ရှိနေပါတယ်။ ကျွန်တော်တို့ရဲ့ ဆစ်မီတဝေ့ဆေးရုံဟာ ထိုင်းနိုင်ငံသားများ သာမက နိုင်ငံခြားသားလူနာများအတွက် နောက်ဆုံးပေါ် ဆေးဘက်ဆိုင်ရာ စက်ကိရိယာများနဲ့ နည်းပညာများသာမက ကမ္ဘာတစ်ဝန်းမှ ဆေးဘက်ဆိုင်ရာပညာရှင်များ လက်ခံထား တဲ့ နိုင်ငံတကာအဆင့်မီနည်းပညာအတိုင်း ကုသမှုပေးနေတဲ့နေရာဖြစ်ပါတယ်။ ဆစ်မီတဝေ့ဆေးရုံဟာ Joint Commission International(JCI) အသိအမှတ်ပြုလက်မှတ်ကို လည်း ရရှိထားပါတယ်။

ဆစ်မီတဝေ့ဆေးရုံရဲ့အသည်းနှင့်အစာခြေလုပ်ငန်းဆိုင်ရာအင်စတီကျူ (The Liver and Digestive Institute) ဟာ ကျွန်တော်တို့ရဲ့ ကုသမှု အဆင့်အတန်း မြင့်တက်လာစေဖို့အတွက် အခ်ိုင်အမာ ကြိုးစားအားထုတ်မှုတစ်ခုကို ပြသနိုင်ခဲ့ပြီးဖြစ်ပါတယ်။ ဒါ့အပြင် အစာခြေစနစ်ရောဂါများကို မှန်ပြောင်းအသုံးပြုကုသရာမှာ နားလည်တတ်ကျွမ်းတဲ့ ဆရာဝန်များ ၊ အထူးသဖြင့် မှန်ပြောင်းအသုံး ပြုပြီးရလာတဲ့ ကောင်းမွန်တဲ့ ပုံရိပ်များကို ကြည့်ရှုပြီး အစာခြေစနစ် အမြှေးပါးနံရံ အကဲဖြတ်သုံးသပ်မှုတွေမှာ နာမည်ကျော်တဲ့ ဂျပန်နိုင်ငံမှထိပ်တန်းဆေးရုံ Sano Hospital နဲ့လည်း မိတ်ဖတ်ဆေးရုံအဖြစ် ရှိနေပါတယ်။ Sano Hospital ရဲ့  ဒါရိုက်တာဖြစ်သလို အသည်းနှင့်အစာခြေလုပ်ငန်းဆိုင်ရာအင်စတီကျု ရဲ့ ဒါရိုက်တာလည်းဖြစ်တဲ့ Prof.Yasushi Sano ဟာ သူ့ရဲ့ မွေးရပ်မြေဂျပန်နိုင်ငံမှာ အူမကြီးရှိ အဖုအလုံး များကို ရောဂါရှာဖွေရာမှာ အသုံးပြုတဲ့ မျက်နှာပြင်ဆဲလ် အမျိုးအစားခွဲခြင်းနည်းလမ်း( Epithelium Classification Method)  ကို တီထွင်သူတစ်ဦး အဖြစ် အနောက်န်ိုင်ငံ ဆရာဝန်များ ကြားမှာ ထင်ရှားတဲ့ ချီးကျူးအသိအမှတ်ပြုမှု တစ်ခုကို ရရှိထားသူဖြစ်ပါတယ်။ မကြာသေးခင်ကပဲ ဆစ်မီတဝေ့ဆေးရုံဟာ ဂျပန်နိုင်ငံမှ နည်းပညာ နှစ်ခုကို ကိုယ်ပိုင်အဖြစ် အသုံးပြုခဲ့ပြီး ကျွန်တော်တို့ရဲ့ ဝန်ဆောင်မှု အဆင့်အတန်းကို မြင့်မားစေခဲ့ပါတယ်။ ပထမတစ်ခုကတော့ တခြားနည်းပညာများထက် (၂) ဆ ပိုမို ရှာဖွေကြည့်ရှုနိုင်တဲ့  Narrow Band Imaging(NBI) နည်းပညာဖြစ်ပါတယ်။ NBI နည်းပညာဟာ အစာဟောင်းအိမ်နဲ့ အူမကြီး လမ်းကြောင်း တစ်လျှောက် အူမကြီးကင်ဆာဖြစ်လာနိုင်ခြေရှိတဲ့ မူမမှန်တဲ့ အဖုအလုံးလေးများကို ရောဂါရှာဖွေးစစ်ဆေးမှုမှာ အထောက်အကူပြုပါတယ်။ အဆိုပါနည်းပညာဟာ အမြှေးပါးနံရံများမှ ကြီးထွားမလာသေးတဲ့ အဖုအလုံးလေးများကို ရှာဖွေနိုင်ရုံ သာမက သာမန် စစ်ဆေးခြင်းနည်းလမ်းများ ထက် (၂) ဆ ပိုမိုမြန်ဆန်စွာ လုပ်ဆောင်နိုင်စွမ်းရှိပါတယ်။ Sano Hospital က နေ ရယူအသုံးပြုတဲ့ ဒုတိယမြောက် နည်းပညာကတော့ ESD လို့ အတိုကောက် ခေါ်တဲ့ Endoscopic Submucosal Dissection နည်းပညာဖြစ်ပါတယ်။ ၎င်းနည်းပညာဟာ ထိုးဖောက်မှု အနည်းဆုံးခွဲစိတ်ကုသမှုတစ်ခုဖြစ်ပြီး ကြီးမားတဲ့အဖုအလုံးလေးတွေကို တစ်ကြိမ်တည်း နဲ့ ဖယ်ရှားနိုင်ပါတယ်။ လူနာရဲ့ ဝမ်းဗိုက်ကို ခွဲစိတ်ဖို့ မလိုအပ်တဲ့ ဒီခွဲစိတ်မှုဟာ အူမကြီးရှိ အဖုအလုံး လေးတွေနဲ့ အစာအိမ်ကင်ဆာကနဦးအဆင့်ကို ကောင်းစွာကုသပေးနိုင်ပါတယ်။ အသည်းရောဂါ ပြဿနာတွေ ဆိုးရွားစွာ ခံစားနေရတဲ့ လူနာတွေအတွက် အသည်းအစားထိုးကုသခြင်းကို လုပ်ဆောင်ပေးနိုင်တဲ့ ပုဂ္ဂလိကဆေးရုံအနည်းငယ်သာရှိပြီး အဲဒီအထဲမှာ ဆစ်မီတဝေ့ရဲ့  အသည်းနှင့်အစာခြေလုပ်ငန်းဆိုင်ရာအင်စတီကျုဟာလည်း တစ်ခုအပါအဝင်ဖြစ်ပါတယ်။

အသည်းနှင့်အစာခြေလုပ်ငန်းဆိုင်ရာအင်စတီကျုမှာ  ဆန်းသစ်တဲ့ နောက်ဆုံးပေါ်ခေတ်မီဆေး ဘက်ဆိုင်ရာစက်ကိရိယာ များအသုံးပြုပြီး အစာအိမ်အူလမ်းကြောင်းနဲ့ အသည်းပြဿနာများဖြစ်တဲ့ အသည်းပိုးဝင်ခြင်း ၊ အရက်အဆိပ်သင့်ခြင်း ၊ အသည်းကြွပ်ခြင်း ၊ အသည်းအဆီဖုံးခြင်း ၊ ပန်ကရိယ ရောင်ခြင်း ၊ သည်းခြေကျောက် ၊ အစာအိမ်ကင်ဆာ ၊ အူမကြီးကင်ဆာ နဲ့ တခြား ဆက်စပ်ရောဂါများအတွက်   မြန်ဆန်တိကျ ယုံကြည်စိတ်ချရတဲ့ စမ်းသပ်စစ်ဆေးကုသမှု များကို လုပ်ဆောင်ပေးနေပါတယ်။ ကျွန်တော်တို့ရဲ့ အထူးကုဆရာဝန်များနဲ့ ဆေးဘက်ဆိုင်ရာကျွမ်းကျင် ပညာရှင်များဟာ ထိုင်းနိုင်ငံမှာသာမက ပြည်ပနိုင်ငံများမှာပါ အတွေ့အကြုံရှိပြီးသား သူတွေဖြစ်ပါတယ်။ အသည်းနှင့်အစာခြေလုပ်ငန်းဆိုင်ရာအင်စတီကျုဟာ ဆစ်မီတဝေ့ဆူခွန်ဗစ် ၊ ဂျပန်ဆေးရုံရဲ့ ပထမထပ်မှာတည်ရှိပြီး ဆရာဝန် (၁၁)ဦး ၊ သူနာပြု(၁၅)ဦး နဲ့အတူ လည်ပတ်ကုသပေးလျက်ရှိပြီး စမ်းသပ်စစ်ဆေးခန်း(၁၃)ခန်း ၊ မှန်ပြောင်းကြည့်သည့်အခန်း (၅) ခန်း ၊ လူနာများပြန်လည်သက်သာလာနိုင်ရန် နေထိုင်တဲ့အခန်း (၁၀) ခန်း ရှိပါတယ်။

ဆစ်မီတဝေ့ရဲ့ အသည်းနှင့်အစာခြေလုပ်ငန်းဆိုင်ရာအင်စတီကျုမှာ ထိုင်းနိုင်ငံသားလူနာများသာ မက နိုင်ငံခြားသား လူနာများအတွက်ပါ ကုသပေးလျက်ရှိပြီး နိုင်ငံခြားသားလူနာတွေထဲမှာ ဂျပန်လူမျိုး အများဆုံး လာရောက်ကုသကြပါတယ်။ နှစ်စဉ် ဆစ်မီတဝေ့ဆေးရုံမှာ လာရောက်ကုသတဲ့ ဂျပန် နိုင်ငံသားအရေအတွက်ဟာ (၁၃၅၀၀၀) အထိရှိပြီး ပျမ်းမျှတစ်နေ့ (၄၀၀) နှုန်းရှိပါတယ်။ ဒါဟာ ဂျပန်န်ိုင်ငံသားများအတွက် သူတို့ရဲ့ မိခင်နိုင်ငံပြင်ပမှာ အရေအတွက်အများဆုံးကျန်းမာရေး စောင့်ရှောက်မှုခံယူတဲ့ ဆေးရုံတစ်ခုအဖြစ်ရှိနေပါတယ်။ ဆေးရုံမှာ ဂျန်ဘာသာစကားပြောတတ်တဲ့ ကျန်းမာရေးဝန်ထမ်းများ ကို ခန့်အပ်ထားပြီး ကုသမှုနဲ့ ပြန်လည်ကျန်းမာလာစေဖို့ စောင့်ရှောက်မှုတွေကို နွေးထွေးပျူငှာစွာ ဂရုစိုက်မှုအပြည့်နဲ့ ဝန်ဆောင်မှုပေးလျက်ရှိပါတယ်။ ကျွန်တော်တို့ ဆေးရုံမှာ လာရောက်ကုသမှုခံ ယူတဲ့ လူနာတစ်ယောက်ချင်းစီတိုင်း မြန်မြန်ဆန်ဆန်နဲ့ ကျန်းမာရေးပြန်ကောင်းလာတဲ့ အခြေအနေ အထိ စောင့်ရှောက်မှုပေးနိုင်ဖို့ အဓိကယုံကြည်ထားပြီး အဆင်ပြေသက်သာစေမယ့် ပံ့ပိုးမှုများကို လည်း စီစဉ်ဆောင်ရွက်ပေးထားပါတယ်။ ကျွန်တော်တို့ဆီ တက်ရောက်ကုသတဲ့ လူနာရဲ့အခြေအနေကို ကောင်းစွာနားလည်သဘောပေါက်ပြီး ကုသမှုရဲ့ အရေးကြီးပြီး နက်နဲတဲ့ အသေးစိတ်အချက်အလက်များကို သတိပြုမိဖို့အတွက် လူနာတစ်ဦးလျှင် အနီးကပ်သူနာပြု တစ်ဦး စီစဉ်ထားပေးကာ အကောင်းဆုံးသော ဝန်ဆောင်မှုများကိုပေးလျက်ရှိ တာကြောင့် လူနာတွေရဲ့ အားကိုးအားထားရာ အဆင့်မီ ဆေးရုံတစ်ခုအဖြစ် ခိုင်မာစွာ ရပ်တည်နေပါ တယ်။