Share the message

ဆေးပညာ ဆန်းသစ်ပြောင်းလဲမှုတွင် ရှေ့တန်းက ရှိနေသော Samitivej ဆေးရုံကြီး

ဆေးပညာ ဆန်းသစ်ပြောင်းလဲမှုတွင် ရှေ့တန်းက ရှိနေသော Samitivej ဆေးရုံကြီး 

 

bn-nextGen

အမျိုးသားကျန်းမာရေးအပြင် Ramathibodi ဆေးရုံမှ အထူးကုကျွမ်းကျင်ပညာရှင်များအဖွဲ့တို့နှင့် ပူးပေါင်းဆောင်ရွက်လျက်ရှိသော Samitivej ဆေးရုံကြီးမှာ မိခင် သို့မဟုတ် ဖခင်တို့မှ ကလေးငယ်ဆီသို့ မျိုးရိုးလိုက်ပြီး ဆင်းသက်စေနိုင်သော ရောဂါအမျိုးအစားပေါင်း ၆၀၀ ခန့်ကို ခွဲခြမ်းစိတ်ဖြာရာတွင် အောင်မြင်မှုရရှိလျက် ရှိပါသည်။ ဤသို့ ရှေ့ဆောင်နေသော နည်းလမ်းများဖြင့် မိဘများကို ကျန်းမာသောကလေး ရရှိစေရန်အတွက် သေချာစေပါသည်။

 

ဖခင် သို့မဟုတ် မိခင်မှ ကလေးသို့ သက်ဆင်းစေနိုင်သော မျိုးရိုးကြောင့်ဖြစ်သည့် ရောဂါများကို စမ်းသပ်စစ်ဆေးနိုင်ခြင်းမှာ ထိုင်းနိုင်ငံအတွင်း၌ အဓိကဆေးပညာအောင်မြင်မှုတစ်ရပ်ဖြစ်ပြီး သဘာဝသိပ္ပံအတွက် အကောင်းဆုံး ထိုင်းနိုင်ငံစင်တာ (TCELS)၊ ဆေးပညာမျိုးရိုးနှင့် ဗီဇဦးဆောင်ကုမ္ပဏီ (LMGG)၊ ထိုင်းမျိုးဆက်ပွား မျိုးရိုးဗေဒကုမ္ပဏီ (TRG)၊ အမျိုးသားကျန်းမာရေးနှင့် Samitivej ဆေးရုံတို့၏ ထောက်ပံ့မှုအောက်ရှိ Ramathibodi ဆေးရုံရှိ ဆေးပညာဗီဇဗေဒစင်တာမှ သုတေသနအဖွဲ့အပါအဝင် ပြည်သူနှင့် ပုဂ္ဂလိကအဖွဲ့အစည်းများကြား ပူးပေါင်းဆောင်ရွက်မှုရလဒ်ပင် ဖြစ်ပါသည်ဟု Samitivej ပြည်သူ့ကုမ္ပဏီလီမိတက်မန်နေဂျာချုပ်နှင့် CEO ဖြစ်သူ ဒေါက်တာ Chairat Panthraamphorn မှ ပြောကြားခဲ့ပါသည်။

 

စာရင်းအင်းများအရလူ (၁၀၀) တွင် (၇) ယောက်တွင် မိမိရင်သွေးများသို့ သက်ဆင်းစေသည့် မျိုးရိုးကြောင့်ဖြစ်သော ရောဂါများ ဖြစ်ပွားဖို့ရာ အလားလာရှိနေပါသည်ဟု ဒေါက်တာ Chairat မှ ပြောကြားခဲ့ပါသည်။ “အချို့သော သူများသည် ဤမျိုးရိုးကြောင့်ဖြစ်သော ရောဂါများကို ခံစားနေရသောကြောင့် (သို့မဟုတ်) ထိုရောဂါကို သယ်ဆောင်သူများ ဖြစ်နေသောကြောင့် ကုန်ကျစရိတ်များလွန်းပြီး ကုသမရနိုင်ကာ မကျန်းမာသော ရင်သွေးများကို မွေးဖွားကြပါသည်။ ထိုင်းနိုင်ငံ၌ အဖြစ်အများဆုံးသော မျိုးရိုးလိုက်ရောဂါများတွင် Thalassemia သွေးအားနည်းရောဂါ၊ ကြွက်သားအားနည်းရောဂါ (Duchenne muscular dystrophies)၊ ကျောရိုးကြွက်သားအားနည်းရောဂါ (spinal muscular atrophy)၊ သွေးမတိတ်ရောဂါ (haemophilia) အစရှိသည့် ရောဂါများ ပါဝင်ပါသည်။ ဤမျိုးရိုးဗေဒ ရောဂါရှာဖွေခြင်းသည် မျိုးရိုးကြောင့်ဖြစ်သော ရောဂါများကို လျော့ကျစေပြီး မျိုးရိုးကြောင့်ဖြစ်သော ရောဂါဖြစ်နိုင်ခြေများသည့် (သို့မဟုတ်) သန္ဓေမအောင်သည့် ပြဿနာရင်ဆိုင်နေရသော မိဘများအတွက် ကျန်းမာသော သန္ဓေသားကို ခွဲခြားရာ၌ အကူအညီပေးပါသည်။”

 

ဤနည်းပညာကို အကြောင်းနှစ်ရပ်အတွက် အသုံးပြုနိုင်ပါသည်ဟု မျိုးဆက်ပွားဆေးပညာနှင့် မီးယပ်ရောဂါကို မှန်ပြောင်းဖြင့် ခွဲစိတ်ကုသသည့် ပညာရပ်တွင် ကျွမ်းကျင်အထူးပြုမှုများနှင့်အတူ မီးယပ်နှင့်သားဖွားအထူးကု ဒေါက်တာ Boonsaeng Wutthiphan က ရှင်းလင်းပြောကြားခဲ့ပါသည်။ ပထမအနေနဲ့ကတော့ မျိုးရိုးကြောင့်ဖြစ်တဲ့ ရောဂါရှိတဲ့ မိသားစုနောက်ကြောင်းရာဇဝင် ရှိတာမျိုးတွေ၊ အဲ့ဒီရောဂါကို သယ်ဆောင်ထားသူတွေ၊  မျိုးရိုးလိုက်ရောဂါ ရှိနေတာမျိုးတွေ (ဒါမှမဟုတ်) သူတို့ရဲ့ ပထမသားဦးမှာ မျိုးရိုးကြောင့်ဖြစ်သော ရောဂါရှိနေသော်ငြား ဒုတိယကလေးယူဖို့ စီစဉ်နေသူတွေ၊ ပြီးတော့ အသက် (၃၅) နှစ်ကျော်မှ ကလေးလိုချင်တဲ့ ဇနီးမောင်နှံများအတွက် ဒီနည်းပညာကို အသုံးပြုပါသည်။ ဒုတိယအနေနှင့်တော့ သန္ဓေမအောင်တဲ့ ပြဿနာမျိုးနှင့် ရင်ဆိုင်နေရတဲ့ ဇနီးမောင်နှံများအတွက် ဒီနည်းပညာကို အသုံးပြုပါသည်။ ဒီလိုကိစ္စရပ်မျိုးများမှာ ကလေးကို ကျန်းမာစေဖို့ မျိုးရိုးလိုက်ရောဂါ ကင်းစင်တဲ့ သန္ဓေသားလောင်းကို သားအိမ်အတွင်းသို့ ထည့်သွင်းမွေးမြူနိုင်ဖို့ ရွေးချယ်နိုင်ပါသည်။

 

လွဲချော်မှုများကို စစ်ဆေးရန်အတွက် ဆရာ၀န်များမှ ဇနီးမောင်နှံ၏ အစစ်ဆေးခံသည့်ဆဲလ် သို့မဟုတ် သွေးနှင့် ၄င်းတို့၏ ဆက်နွယ်ရာများနှင့် သန္ဓေသားလောင်း၊ ရေမြွှာရည်တို့မှ DNA ခွဲခြားမှုကို ပြုလုပ်မည့် နည်းပညာများ ပါ၀င်ပါသည်။ ဤစမ်းသပ်စစ်ဆေးခြင်း လုပ်ငန်းစဉ် ပြီးပြည့်စုံစေဖို့ရန် အချိန်ကာလအားဖြင့် ၃ လမှ ၆ လအထိ အချိန်ပေးရနိုင်ပြီး အဆင့် ၃ ဆင့် ပါ၀င်ပါသည်။

က။ အာရှလူမျိုးများတွင် အဖြစ်များသော မျိုးရိုးကြောင့်ဖြစ်သည့် ရောဂါ (၁၂) မျိုးမှ  ရောဂါစုစုပေါင်း (၆၀၀)  အထိတိုင်အောင် သန္ဓေမယူမီ ရောဂါပိုး သယ်ဆောင်သူအား ရှာဖွေစစ်ဆေးခြင်း

ခ။ မျိုးဗီဇ ပုံမှန် မဟုတ်ခြင်း မျိုးရိုးလိုက်ခြင်းမှ ရှောင်ရှားနိုင်ရန် ရောဂါပိုးသယ်ဆောင်သော မိဘဆီမှ သန္ဓေမသွင်းမှီ မျိုးရိုးဗေဒ စစ်ဆေးအတည်ပြုခြင်း။

ဂ။ ဉာဏ်ရည်ဉာဏ်သွေးနှင့် ကာယပိုင်းဆိုင်ရာ ချွတ်ယွင်းမှုများကို ဖြစ်စေနိုင်သော ခရရိုမိုဆုမ်းလွဲချော်မှုများကို စစ်ဆေးရန်အတွက် မိခင်၏သွေး (သို့မဟုတ်) ရေမြွာရည်ကို စမ်းသပ်စစ်ဆေးခြင်းမှတဆင့် ကိုယ်ဝန်ဆောင်နေစဉ် ရှာဖွေခြင်း။

ယခင်ကာလများအတွင်း မွေးကင်းစများကို သွေးအားနည်းရောဂါအတွက်သာ ရှာဖွေစစ်ဆေးပေးနိုင်သော်လည်း မသန်စွမ်းချို့တဲ့မှုကို ဖြစ်စေနိုင်သော အခြားအကြောင်းအချက်များကိုမူ ကြိုတင်၍ ရှာဖွေသိရှိနိုင်ခဲ့ခြင်းမျိုး မရှိခဲ့ပါ။ တနည်းအားဖြင့် သားဦးကလေးကို မွေးရာပါရောဂါဖြင့် မွေးဖွားခဲ့လျှင် ထိုဇနီးမောင်နှံသည် ဒုတိယကလေး ရယူရန်အတွက် သူတို့သည် မွေးရာပါချို့တဲ့မှုများကို သယ်ဆောင်ထားသူများ ဟုတ်မဟုတ်အတွက် ဆုံးဖြတ်နိုင်ရန်အတွက် မိဘများကို စစ်ဆေး၍ သိရှိနိုင်ပါသည်။ သို့ရာတွင် သူတို့သည် တိကျသော မွေးရာပါချို့တဲ့မှုကို သယ်ဆောင်ထားသူများ ဖြစ်နေခြင်း (သို့မဟုတ်) မျိုးရိုးလိုက်ချို့တဲ့မှုများကို မိမိတို့၏ ကလေးငယ်များ ခံစားရနိုင်လိမ့်မည်ဟု မိဘများအနေဖြင့် သိရှိရလျှင် ကြိုတင်ကာ ပစ္စည်းထည့်၍ မျိုးရိုးကြောင့်ဖြစ်သော ရောဂါရှာဖွေခြင်းနှင့် IVF နည်းပညာတို့အား အသုံးပြ၍ မျိုးရိုးလိုက်ရောဂါများကို ဖြစ်ပွားစေခြင်းမှ ရှောင်ရှားနိုင်မည် ဖြစ်ပါသည်။

 

Samitivej နှင့် တွဲဖက်လုပ်ကိုင်လျက်ရှိသော ဆေးဘက်ဆိုင်ရာ သုတေသနအဖွဲ့အစည်းများသည် ဤသုတေသနအောင်မြင်မှုကို သိသာထင်ရှားစေဖို့ရာအတွက် အကြောင်းအရာတစ်ခုကို ဆုပ်ကိုင်ထားပါသည်။ ထိုအကြောင်းအရာသည် မျိုးရိုးကြောင့်ဖြစ်ပေါ်သည့် ရောဂါများ ဖြစ်ပွားနိုင်ခြေရှိသော မိသားစုများအတွက် မျှော်လင့်ချက်အသစ်နှင့် လက်ရှိရင်ဆိုင်နေရသော မျိုးရိုးကြောင့်ဖြစ်ပေါ်သည့် ရောဂါများကို ခြုံငုံသုံးသပ်သည့် အခြေအနေအားဖြင့် သတင်းအချက်အလက်များကိုပါ ဖြည့်ဆည်းပေးပါသည်။   “မျိုးဆက်သစ် စဉ်ဆက်ခြင်း (Next Generation Sequencing, NGS) နည်းပညာဖြင့် ဖြစ်တန်ခြေရှိသည့် ရောဂါရှာဖွေမှု” ကို မျိုးဆက်ပွားဆေးပညာနှင့် မီးယပ်ရောဂါ မှန်ပြောင်းဖြင့် ခွဲစိတ်ကုပညာတွင် ကျွမ်းကျင်အထူးပြုမှု ပညာရှင်များဖြစ်ကြသည့် ဒေါက်တာ Boonsaeng Wutthiphan နှင့် N Health အမည်ရှိ ကျန်းမာရေးအဖွဲ့အစည်းမှ ဆေးဘက်ဆိုင်ရာ မျိုးရိုးဗေဒအထူးကု ဒေါက်တာ ဒေါက်တာ Objoon Trachoo တို့မှ ကိုင်တွယ်ဆောင်ရွက်နေပါသည်။

 

ဤသုတေသနပြုချက်သည် ဖခင် (သို့မဟုတ်) မိခင်မှတဆင့် ကလေးထံသို့ သက်ဆင်းသော မျိုးရိုးကြောင့်ဖြစ်သည့်ရောဂါများကို ဖြေရှင်းရာတွင် ၉၅% တိကျမှန်ကန်မှု ရှိပါသည်။ ၎င်းသည် ကလေးများတွင် မျိုးရိုးကြောင့်ဖြစ်သော ရောဂါများကို ကာကွယ်ပေးခြင်းအားဖြင့် မိသားစုကျန်းမာရေးနှင့် ပျော်ရွှင်မှုတို့ကို ဆောင်ကြဉ်းပေးနိုင်လိမ့်မည်ဟူသည့် အခြားသော ဆေးဘက်ဆိုင်ရာ အောင်မြင်မှုမှတ်ကျောက်လည်း ဖြစ်ပါသည်။ မျိုးဗီဇဆိုင်ရာ အမှတ်အသားဖြင့် ကျွန်တော်တို့ ဘ၀စာမျက်နှာများ၏ အနာဂါတ်ကို နှိုင်းယှဉ်တွဲပြီး သိရှိနိုင်ပြီ ဖြစ်ပါသည်။

 

ပုံတွင် ဘယ်မှညာ

၁။ Smith Arayaskul ၊မန်နေဂျာချုပ်

၂။ Boonsaeng Wutthiphan မန်နေဂျာချုပ်၊ သန္ဓေမအောင်ခြင်း၊ မီးယပ်ဆိုင်ရာ မှန်ပြောင်းနှင့် သားအိမ် မှန်ပြောင်းကြည့် ခွဲစိတ်အထူးကု၊ Samitivej ဆေးရုံ

၃။ Kulnadda Pachimsawat

၄။ Nisarat Jaidee မန်နေဂျာချုပ်၊ တွဲဖက်ဆေးရုံညွှန်ကြားရေးမှူး၊ Samitivej Sukhumvit ဆေးရုံ

၅။ Objoon Trachoo မန်နေဂျာချုပ်၊ Ph. D ဆေးပညာ မျိုးရိုးဗေဒပညာရှင်

၆။ Matchuporn Sukprasert မန်နေဂျာချုပ်၊ ထိုင်းမျိုးဆက်ပွား မျိုးရိုးဗေဒကုမ္ပဏီ

၇။ Narongrid Galaputh မန်နေဂျာချုပ်၊ N-Health အမျိုးသားကျန်းမာရေး

၈။ Kamchorn Balangura အကြံပေးပုဂ္ဂိုလ်၊ သဘာဝသိပ္ပံအတွက် အကောင်းဆုံးထိုင်းနိုင်ငံစင်တာ (TCELS)