Share the message

သင့်ကလေး နှင့် ရင်ကြပ်ရောဂါ – ကျန်းမာသော အနာဂတ်ဆီသို့ ခြေလှမ်းများ

 

 

ရင်ကြပ်ရောဂါ သည် ကမ္ဘာတစ်ဝှမ်းရှိကလေးသန်းပေါင်းများစွာတွင် ဖြစ်ပွားအကျိုးသက်ရောက်လျက်ရှိသည်။ရင်ကြပ်ရောဂါသည်အသက်ရှူလမ်းကြောင်းအားကျဉ်းမြောင်းစေပြီးအချွဲများပိုထုတ်သောကြောင့်အသက်ရှူရန်ခက်ခဲစေသည်။ပြင်းထန်မှုမရှိသောအခြေအနေတွင်ရင်ကြပ်ရောဂါမှာသာမာန်အဆင်မပြေမှုတစ်ခုသာဖြစ်နိုင်သည်။သင်၏ကလေးတွင်ရင်ကြပ်ရောဂါရှိလျှင်သော်လည်းကောင်းရောဂါလက္ခဏာပြလျှင်သော်လည်းကောင်းချက်ခြင်းလက်ဦးမှုရယူခြင်းဖြင့်ကျန်းမာပျော်ရွှင်သော ဘဝကို ပေးနိုင်မည်ဖြစ်ပါသည်။

ရင်ကြပ်ရောဂါ ဆိုတာ ဘာလဲ။

ရင်ကြပ်ရောဂါသည်အသက်ရှူလမ်းကြောင်းကိုကျဉ်းမြောင်းပြီးယောင်လာစေကာထိုယောင်ရမ်း မှုကြောင် အချွဲများ ပိုမိုထုတ်စေသည်။ ထိုမှတဆင့်ချောင်းဆိုးခြင်း၊ ချွဲသံပါခြင်းနှင့်အသက်ရှုမြန်ခြင်း တို့ဖြစ်စေနိုင်သည်။ ရင်ကြပ်ရောဂါအားပျောက်ကင်းအောင်ကုသမှုမပေးန်ိုင်သော် လည်းရောဂါလက္ခဏာ များအားသက်သာစေရန်ပြုလုပ်နိုင်ပါသည်။ရင်ကြပ်ရောဂါသည်ဆိုးရွားသောအခြေအနေဖြစ်နိုင်သောကြောင့်ဆရာဝန်နှင့်သေချာစွာဆွေးနွေးတိုင်ပင်သင့်ပါသည်။ရောဂါလက္ခဏာများအားစောင့်ကြည့်ကာရုတ်တရက် ဝေဒနာ ခံစားရခြင်း မှ ကာကွယ်နိုင်ပါသည်။

ရင်ကြပ်ခြင်း လက္ခဏာများ

အသက်ရှူရမောပန်းခြင်း၊ရင်ဘတ်ဆို့ခြင်းသို့မဟုတ်နာခြင်း၊ချောင်းဆိုးခြင်းသို့မဟုတ်လေ့ကျင့်ခန်းလုပ်ခြင်းကြောင့်ပိုမိုဆိုးလာတတ်သောချွဲသံပါခြင်း၊နှင့်အသက်ရှူလမ်းကြောင်းဆိုင်ရာအကျိုးသက်ရောက်မှုများ ဖြစ်တတ် ပါသည်။ ဤ လက္ခဏာများ မကြာခဏဖြစ်လာပါက သင့်ကလေးရောဂါအခြေအနေ ဆိုးလာသည့်လက္ခဏာ ပင်ဖြစ်သည်။

ရင်ကြပ်စေသော အကြောင်းအရင်း

ရင်ကြပ်ရောဂါဖြစ်စေသောအဓိကအကြောင်းအရင်းကိုအတိအကျမသိရသေးသော်လည်းပတ်ဝန်းကျင်အခြေအနေ၊ဓာတ်မတည့်ခြင်းများနှင့်မျိုးရိုးလိုက်ခြင်းတို့မှာအဓိကဖြစ်စေသောလက္ခဏာများဖြစ်သည်ဟု လူသိများသည်။ ငုပ်နေသောလက္ခဏာများနှင့်လူနာများအားပိုမိုဆိုးသော ရင်ကြပ်ရောဂါဖြစ်စေသည့် အကြောင်းအရင်းများမှာ အောက်ပါအတိုင်းဖြစ်သည်။

  • လေထု မှ ဓာတ်မတည့်သော အရာများ (ပန်းဝတ်မှုံ၊ ဖုန်၊ ဗောက်၊ အစရှိသည်ဖြင့်)
  • တုပ်ကွေးကဲ့သို့သော အသက်ရှူလမ်းကြောင်းဆိုင်ရာ ရောဂါပိုးဝင်ခြင်း
  • ကိုယ်လက် အပြင်းအထန် လှုပ်ရှားခြင်း
  • စိတ်ဖိစီးမှု ကဲ့သို့သော စိတ်ပိုင်းဆိုင်ရာ အလွန်အမင်း တုံ့ပြန်မှုများ
  • အန္တရာယ် ဖြစ်နိုင်သော အခြေအနေများ

အထက်က ပြောခဲ့သည့်အအတိုင်းရင်ကြပ်ရောဂါအဘယ်ကြောင့်ဖြစ်သည်ကိုသိရှိမှုနည်းသော်လည်း အောက်ဖော်ပြပါ လူတို့သည် ရင်ကြပ်ရောဂါ ခံစားရန် ပိုမို ဖြစ်နိုင်ကြောင်းကိုတော့ သိရှိထားပါသည်။

ဓာတ်မတည့်သော သူများ

  • မိသားစုထဲတွငိ ရင်ကြပ်ရောဂါ ရှိသူများ
  • ဆေးလိပ်သောက်သောသူများ နှင့် ဆေးလိပ်ငွေ့တဆင့် ရှူရှိုက်မိလေ့ရှိသော သူများ
  • မိမိ၏ မိခင်မှာ မိမိအား ကိုယ်ဝန်ဆောင်စဉ်တွင် ဆေးလိပ်သောက်သော သူများ
  • ကိုယ်အလေးချိန် များနေသော သူများ
  • ပုံမှန်အားဖြင့် လေထုညစ်ညမ်းမှု နှင့် ဓာတုများဖြင့် အလုပ်လုပ်နေရသောသူများ
  • ရောဂါရှာဖွေခြင်း

မိမိ၏ ရင်သွေးမှာရင်ကြပ်ရောဂါဖြစ်နေသည်ဟုထင်ပါက (ကလေးအထူးကု)ဆရာဝန်နှင့် ဆွေးနွေး ပါ။ရင်ကြပ်ရောဂါဟုတ်မဟုတ်ေသေချာစေရန်စစ်ဆေးခြင်းနည်းလမ်းများစွာရှိပြီးအောက်တွင်ဖော်ပြထားပါသည်။

  • Spirometry – အဆုတ် လေပြွန် ကျဉ်းမြောင်းမှုကိုတိုင်းတာသောစစ် ဆေးချက်ဖြစ်သည်။ ဤစစ်ဆေးချက်တွင်အသက်ဝဝရှူပြီးနောက်လေမည်မျှရှုထုတ်နိုင်သည်ကိုလေ့လာခြင်းဖြင့် စစ်ဆေးမှု ပြုလုပ်ပါသည်။
  • Peak flow – ဤ စစ်ဆေးမှုတွင် အသက်ရှူထုတ်ခြင်း အားကို peak meter ဖြင့်တိုင်းတာပါသည်။တိုင်းတာမှုတွင်အားလျော့နည်းနေပါကအဆုတ်လုပ်ဆောင်နိုင်မှု နည်းပြီး အခြေအနေ ဆိုးလာသည်ကို ပြပါသည်။
  • Methacholine challenge – Methacholine သည် ရင်ကြပ်ခြင်းကိုလှုံ့ဆော်ပေး သည့်အရာတစ်ခုဖြစ်သည်။ ထိုအရာအားရှူသွင်းပြီးနောက်အသက် ရှူလမ်း
    ကြောင်း ကျဉ်းမြောင်းလာခြင်းကိုပြသပါက ရင်ကြပ်ရောဂါ ဖြစ်နိုင်ချေရှိသည်။
  • အခြားစစ်ဆေးမှုများတွင်အဆုတ်နှင့်နှာခေါင်းပေါက်များကိုပုံရိပ်ဖမ်းပြီးစစ်ဆေးခြင်းသော်လည်းကောင်းအရေပြားနှင့်သွေးနမူနာဖြင့်ဓာတ်မတည့်မှုစစ်ဆေးခြင်း သော်လည်းကောင်း ပါဝင်ပါသည်။

ကုသမှု

လူတစ်ဦး နှင့် တစ်ဦးရောဂါအခြေအနေကွဲပြားသည်ကိုသိရန်အရေးကြီးပါသည်။ သင်၏ရင်သွေးမှာရင်ကြပ်ရောဂါလက္ခဏာပြခြင်းမရှိသလောက်ဖြစ်နိုင်သလိုနေ့စဉ်အသက်ရှူရခက်ခဲခြင်းလည်းဖြစ်နိုင်သည်။ဆရာဝန်မှ သင့်ရင်သွေး၏အခြေအနေ အားစမ်းသပ်ကာကုသရန်အကောင်းဆုံး နည်းလမ်းလုပ်ဆောင်ပေးနိုင်မည်ဖြစ်သည်။ရင်ကြပ်ရောဂါသည်ကို ကိုင်တွယ်ရလွယ်ကူစေပြီးသင့်ရင်သွေးကျန်းမာစေရန်လုပ်ဆောင်ပေးနိုင်သည်။ ဆရာဝန် မှ ရင်ကြပ်ရောဂါကို အောက်ပါအတိုင်း ကုသမှုပေးန်ုင်ပါသည်

  • Corticosteriods ရှူသွင်းခြင်း -ယောင်ရမ်းမှုကိုကျစေသောရှူသွင်းရသည့်ဆေး။ လိုအပ်သောရလာဒ်အတွက် ရက် သတ္တပတ်အနည်းငယ်ခန့်မှလပိုင်းအထိကြာနိုင်သော် လည်းရေရှည်သုံးရန်အတွက်အန္တရာယ် မဖြစ်နိုင်ပါ။
  • စပ်ပေါင်း ရှူဆေး – အသက်ရှူလမ်းကြောင်း ပွင့်ရန် beta agonists ပါဝင်ပြီး ရောင်ရမ်းမှု အတွက် corticosteroids ပါဝင်ပါသည်။ ရေရှည်သုံးရန်ဖြစ်ပြီးဆိုးရွာသောရင်ကြပ်ခြင်း မှကာကွယ်ပေးသည်

ရောဂါလက္ခဏာများအားထိန်းချုပ်ရန်နည်းလမ်းများစွာရှိသည်။အထက်ဖော်ပြပါအချက်များမှာရေရှည်နည်းလမ်းများဖြစ်သည်။ ရေတို နည်းလမ်းများတွင် ချက်ခြင်း သိသာသော beta agonists သို့မဟုတ် corticosteroids ထိုးဆေးနှင့်သောက်ဆေးပါဝင်ကာနှစ်မျိုးစလုံးမှာဆေးပြင်းသောကြောင့် အလွန်ဆိုးရွားသောအခြေအနေတွင်သာသုံးသင့်သည်။မိမိရင်သွေးအတွက်အကောင်းဆုံးနည်းလမ်းကိုဆရာဝန်နှင့်တိုင်ပင်ပြီးဆုံးဖြတ်ပါ။ကျန်းမာရေးစောင့်ရှောက်မှုအတွက်လိုအပ်ချက်အတွက်လိုအပ်သောကုသမှုနည်းလမ်းများဖြင့်သင့်ရင်သွေးအားပျော်ရွှင်ကျန်းမာသော ဘဝကို ရယူပေးနိုင်မည်ဖြစ်သည်။

Rate This Article

User rating: 2.75 out of 5 with 16 ratings

Recommended Doctor

Suruthai Kurasirikul, M.D. Summary: Pediatrics Pediatric Allergy And Immunology
Varatda Plainetr, M.D. Summary: Pediatrics Pediatric Allergy And Immunology