Share the message

မျိုးရိုး ဗီဇ မှန်မှု၊ မမှန်မှုရှိမရှိ စစ်ဆေးခြင်း – ထုံးစံ (သို့) မဖြစ်မနေ စစ်ဆေးခြင်း

 

 

ကျန်းမာတဲ့မိခင်အများစုဟာ သူတို့ရဲ့မမွေးဖွားသေးတဲ့ကလေးငယ်တွေရဲ့ ကျန်းမားရေးကို စစ်ဆေးဖို့အတွက် ရိုးရှင်းတဲ့ စစ်ဆေးမှုအချို့ပဲ လိုအပ်တာဖြစ်တယ်လို့ ဒေါက်တာ Thewin Dejthevaporn ကပြောကြားခဲ့ပါတယ်။

“ သူမမှာ အမေ့မျက်လုံးတွေရှိနေတယ်” ဒါမှမဟုတ် “ သူက အဖေနဲ့တူတယ်” ဆိုတာတွေ ဟာ မိဘဖြစ်လာမယ့် သူတွေ အရင်ဆုံးကြားရမယ့်စကားတွေပဲဖြစ်ပါတယ်။ လူတွေက ပြောဆိုကြတဲ့ ကလေးနဲ့မိဘကြားထဲက တူညီမှုတွေက ကျွန်တော်တို့ရဲ့ ဘဝတွေကို ကိုင်တွယ်ထားတဲ့ ခရိုမိုဇုန်းတွေကြောင့်ပဲဖြစ်ပါတယ်။
အရပ်အမြင့် ၊ ကိုယ်အလေး ၊ ဆံပင်အရောင် ၊ အသားအရောင် ၊ မျက်လုံးအရောင် ၊ လက်နဲ့ နှာခေါင်းအရှည် စတာတွေအားလုံးက ကျွန်တော်တို့ရဲ့ ခရိုမိုဇုန်း (သို့) DNA တွေကြောင့်ပဲဖြစ်ပါတယ်။ အဲ့ဒီအတွက် ခရိုမို ဇုန်းတွေအပေါ်မှာ ထိခိုက်မှုတစ်ခုခုရှိနေတာက ကျွန်တော်တို့ဘဝတွေအပေါ်ကို ကြီးမားတဲ့ထိခိုက်မှု ရှိစေမှာ ပဲဖြစ်ပါတယ်။ ခရိုမိုဇုန်းတွေရဲ့ မူမမှန်မှုတွေဟာ အများအားဖြင့် ဆဲလ်ပွါးရာတွင်ဖြစ်နိုင်ချေရှိပီး အဓိကကတော့ မိဘတွေရဲ့ DNA ကနေ ရရှိလာတဲ့ ဆဲလ်အစုအဖွဲ့ကြောင့် အဓိကဖြစ်ပွားတာပဲဖြစ်ပါတယ်။ ကလေးငယ် အယောက် ၁၅၀ မှာ တစ်ယောက်က Down’s Syndrome လို့ခေါ်တဲ့ ခရိုမိုဇုန်းမူမမှန်မှုဖြစ်ပွားလေ့ရှိပါတယ်။

ဆရာဝန်တွေဟာ ကလေးငယ်တွေမှာ ခရိုန်းဇုန်း ဆိုင်ရာမူမမှန်မှုကို နည်းလမ်း ၂ မျိုးနဲ့ စစ်ဆေးနိုင်ပါတယ်။ အဲ့ဒါကတော့ Screening နဲ့ Diagnostic Tests လို့ခေါ်တဲ့ နည်းတွေပဲဖြစ်ပါတယ်။ Screening လို့ ခေါ်တဲ့ လုပ်ရိုးလုပ်စဉ်စစ်ဆေးခြင်းဟာ များသောအားဖြင့် ကိုယ်ဝန်ဆောင်မိခင်တွေကို အဓိက ဆောင်ရွက်တာဖြစ်ပြီးတော့ Diagnostic Test တွေကိုတော့ ထိုစစ်ဆေးမှု အချိန်မှာ တစ်စုံတစ်ခု ပြဿနာရှိနေခဲ့ရင် သန္ဓေသားလောင်းကို ထိခိုက်မှု ရှိမရှိစစ်ဆေးရတာပဲဖြစ်ပါတယ် ။ အခုလိုစစ်ဆေးမှုတွေက ချို့ယွင်းမှုတွေကို လျှင်မြန်စွာသိရှိနိုင်ပေမယ့် အဆိုပါ စစ်ဆေးမှု ၂ မျိုးစလုံးဟာ ၁၀၀ ရာခိုင်နှုန်း တိကျတာ တော့မဟုတ်ပြန်ပါဘူး။ အချို့သောရလဒ်တွေဟာ မှားယွင်းနိုင်ပေမယ့် ဒါဟာ ရှာပါးတဲ့ဖြစ်ရပ်ဖြစ်နေပါသေးတယ်။ဆရာဝန်တွေဟာ အများအားဖြင့် ကိုယ်ဝန်ဆောင်မိခင်အားလုံးကို screening လုပ်ရိုးလုပ်စဉ် နည်းအတိုင်း စစ်ဆေးဖို့ ဆောင်ရွက်မှာ ပဲဖြစ်ပါတယ်။

First – Trimester Combined Test ( ကိုယ်ဝန်ပထမပါတ်တွင် စစ်ဆေးခြင်း)

အခုစစ်ဆေးမှုကတော့ ကိုယ်ဝန်ဆောင် ပထမအပါတ်မှာ သန္ဓေသားလောင်း တီဗွီဓါတ်မှန် ရိုက်ကူး စစ်ဆေးသလို မိခင်ကိုလည်း သွေးစစ်ဆေး ဖြစ်ပါတယ်။ အာထရာဆောင်း(တီဗွီဓါတ်မှန်)နဲ့ သန္ဓေသားရဲ့ လည်ပင်းတဝိုက်မှာရှိတဲ့ မှုမမှန်မှုတွေကို စစ်ဆေး တာဖြစ်ပါတယ်။ မိခင်အတွက် သွေးစစ်ဆေးမှုကတော့ ဟော်မုန်းတွေအပေါ်စစ်ဆေးခြင်းဖြစ်ပြီး အခြားသော စစ်ဆေးမှုတွေကို ဆောင်ရွက်ဖို့
လိုမလိုဆိုတာကိုပါ စစ်ဆေး တာဖြစ်ပါတယ်။ အဆိုပါ စစ်ဆေးမှုရလဒ်ဟာ တိကျမူ ၈၅ ရာခိုင်နှုန်းအထိရှိပြီးတော့ တကမ္ဘာလုံးအသုံးပြုနေကြတာဖြစ်ပါတယ်။ အကျိုးသက်ရောက်မှုရလဒ်ဟာ ၁၀၀ ရာခိုင်နှုန်းအထိ မရှိတဲ့အတွက် ဆရာဝန်တွေအနေနဲ့ တခါတရံ စစ်ဆေးမှုတွေမှာအဖြေမှာပြသနာမရှိဘူး ဆိုရင်တောင်မှ ဖြစ်ပွားနိုင် နှုန်းမြင့်မားနေတဲ့ မိခင်တွေကို စစ်ဆေးမှုတွေ ထပ်မံပြုလုပ် လေ့ရှိပါတယ်။

Non-invasive prenatal test

ဒုတိယအနေဖြင့် မိခင်ရဲ့သွေးအတွင်းမှာရှိတဲ့ ဆဲလ်တွေပါဝင်ခြင်းမရှိတဲ့ DNA ကိုစစ်ဆေးတာပဲဖြစ်ပါတယ်။

ခရိုမိုဇုန်းမူမမှန်မှု ၃ ခုဖြစ်တဲ့ fetal DNA ၃ မျိုး – trisomy 21, trisomy 18, နဲ့ trisomy 13 တို့ကို စစ်ဆေးတာပဲဖြစ်ပါတယ်။ အခုစစ်ဆေးမှုဟာ screening စစ်ဆေးမှု တစ်ခုဖြစ်ပြီးတော့ ရလဒ်မှာ Positive ထွက်တယ်ဆိုရင် နောက်ထပ် Amniocentesis (ရေမွှာရည် စစ်ဆေးခြင်း) ကို ဆောင်ရွက်ရ မှာပဲဖြစ်ပါတယ်။ အခုစစ်ဆေးမှုဟာ ၉၉ ရာခိုင်နှုန်း တိကျမှုရှိပြီးတော့ ရလဒ်မှားယွင်းနိုင်ခြေဟာ ၀.၅ ရာခိုင်နှုန်းပဲရှိနေတာဖြစ်ပါတယ်။ မိခင်ရဲ့ သွေးကို ပဲစစ် ဆေး တာဖြစ်တဲ့အတွက် သန္ဓေသားလောင်းကိုလည်း ထိခိုက်မှုမရှိစေပါဘူး။ အခုစစ်ဆေးမူကို ကိုယ်ဝန်ဆောင် ကာလအတွင်း မည်သည့်အချိန်မဆိုဆောင်ရွက်နိုင်ပေမယ့် များသောအားဖြင့် သက်တမ်း ၁၀ ပတ်နဲ့ ရက်သတ္တပတ် ၂၀ အကြားမှာ စစ်ဆေးလေ့ရှိပါတယ်။

Amniocentesis

တကယ်လို့ အထက်ပါစစ်ဆေးမှုတစ်ခုခုမှာ Positive ရလဒ်ရှိခဲ့တာ (သို့မဟုတ်) မိခင်ဟာ ( Down’s Syndrome) မိသားစုဝင်တဦးဦး ရှိခဲ့မယ်ဆိုရင် ဆရာဝန်တွေဟာ Amnioccentesis (ရေမွှာရေကို စမ်းသပ်ခြင်း)ကို ဆက်လက်ဆောင်ရွက်မှာပဲဖြစ်ပါတယ်။ အခု ဆောင်ရွက်မှုမှာ သေးငယ်တဲ့ဆေးထိုးအပ်ကို မိခင်ရဲ့ ဝမ်းဗိုက်အတွင်းကို ထိုးသွင်းပြီးတော့ စမ်းသပ်မှုအတွက် Amniotic Fluid လို့ခေါ်တဲ့ ရေမွှာရေကို ရယူမှာဖြစ်ပါတယ်။ အဆိုပါ အဆင့်ကနေ ဆရာဝန်တွေဟာ ကလေးငယ်ရဲ့ ဆဲလ်တွေထဲမှာ ခရိုမိုစုန်း ဇုန်းဆိုင်ရာမှု မမှန်မှုရှိမရှိကို လေ့လာနိုင်မှာပဲဖြစ်ပါတယ်။ ဘယ်လိုပဲဖြစ်ဖြစ် အခုစစ်ဆေးမှုဟာ အကြိမ် ၃၀၀ မှာ တစ်ကြိမ်
ကိုယ်ဝန်ပျက်ကြသွားနိုင်တဲ့ အန္တရာယ်ရှိတဲ့စစ်ဆေးမှုတစ်ခုဖြစ်ပြီးတော့ မိခင်တိုင်းကို ပြုလုပ်ဖို့ တိုက်တွန်းတဲ့ နည်းစနစ်မဟုတ်ပါဘူး။ မည်သို့ပင်ဆိုစေ အခုနည်းစနစ်ဟာ ကလေးရဲ့ စိတ်ပိုင်းနှင့်ရုပ်ပိုင်းဆိုင်ရာ ဖွံဖြိုးမှုကိုလည်း နှောင့်နှေးမှုဖြစ်စေသော ( Down ‘s Syndrome) ကို တိကျမှန်ကန်စွါ အဖြေထုတ်နိုင်တဲ့ နည်းစန တခုဖြစ်ပါတယ်။ တကယ်လို့ သင်ဟာ Amniocentesis စစ်ဆေးမှုကို ပြုလုပ်ပြီးရင် အနားယူဖို့လိုအပ်ပြီး မိန်းမကိုယ်ကနေ သွေးထွက်တာ၊ အရည်ဆင်းတာတာဖြစ်တယ်ဆိုရင် ဆရာဝန်ဆီချက်ချက် သွားတွေ့ဖို့ လိုအပ်မှာဖြစ်ပါတယ်။

ကြိုတင်စစ်ဆေးခြင်းနည်းစနစ်တွေဟာ Samitivej Sukhumvit ဆေးရုံမှာ ရရှိနေပါပြီ။

Rate This Article

User rating: 2.83 out of 5 with 6 ratings

Recommended Doctor

Thewin Dejthevaporn, M.D. Summary: Obstetrics And Gynaecology Obstetrics And Gynaecology